Vuurwarm renne by Tony Rust as dié manne opdaag
Motorsport
Die Tony Rust-renbaan buite Windhoek word môre weer op horings geneem wanneer jaers vir die derde ronde van die Namibiese langbaankampioenskap met hul vuurwaens op die wegspringstreep stelling inneem.
Die derde ronde is ‘n meer as welkome verwikkeling vir geswore petrolkopppe, want die laaste langbaanresies by Tony Rust was op 16 Junie, drie-en-’n-half maande gelede.
Nadat die M&Z JAC Gobabis-tydren twee weke gelede afgehandel is, kan geharde adrenalienvrate opnuut die teerbaan aandurf.
Pieter Greeff, die Bisschoff-broers Hein en Ewald, asook Zachary Martin – wat almal aan tydrenne deelneem – sal nou hul volle aandag op die 2.4 kilometer resiesbaan kan vestig.
Die Klas D-afdeling was met die vorige byeenkoms propvol aksie. Greeff, Michael Strydom en André Havenga het die pap lekker dik aangemaak, terwyl Mark Sternagel, Michael Rust en Hein Bisshoff die toeskouers met pure plesier vermaak het.
Dit sal welkom wees indien MP Pretorius met sy blitsige Golf ook weer vir ‘n slag ‘n draai by die resies gaan maak.
Hopelik is Mark Sternagel, Allan en Zachary Martin, die Bisschoff-broers, Michel Rust, Clive Strydom, Pieter Greeff, André Havenga, Michael Strydom, Craig Bisschoff, Jordan Izaaks en Bazill van Rhyn almal gereed om hul ondersteuners rede vir ‘n glimlag te gee, wat vir ‘n behoorlike kompetisie sal sorg.
Hekke open reeds om 09:00, terwyl die kwalifiserende rondes tussen 12:00 en 12:30 gejaag word. Die eerste van drie renne begin 13:00.
Yskoue verversings en kos is by die klubhuis van die Windhoek-motorklub te koop. Toegang is N$50, maar kinders onder 12 jaar asook pensioenarisse kan gratis ingaan.
Die volgende langbaanbyeenkomste word vir 19 Oktober, asook 9 en 30 November beplan.
Sleeprenne (drags) is vanaand vanaf 19:00 aan die orde van die dag by dieselfde venue. Om deel te neem, kos N$250, terwyl die hekgeld N$80 is. Verversings sal deurentyd by die klubhuis beskikbaar wees.
– [email protected]
Die derde ronde is ‘n meer as welkome verwikkeling vir geswore petrolkopppe, want die laaste langbaanresies by Tony Rust was op 16 Junie, drie-en-’n-half maande gelede.
Nadat die M&Z JAC Gobabis-tydren twee weke gelede afgehandel is, kan geharde adrenalienvrate opnuut die teerbaan aandurf.
Pieter Greeff, die Bisschoff-broers Hein en Ewald, asook Zachary Martin – wat almal aan tydrenne deelneem – sal nou hul volle aandag op die 2.4 kilometer resiesbaan kan vestig.
Die Klas D-afdeling was met die vorige byeenkoms propvol aksie. Greeff, Michael Strydom en André Havenga het die pap lekker dik aangemaak, terwyl Mark Sternagel, Michael Rust en Hein Bisshoff die toeskouers met pure plesier vermaak het.
Dit sal welkom wees indien MP Pretorius met sy blitsige Golf ook weer vir ‘n slag ‘n draai by die resies gaan maak.
Hopelik is Mark Sternagel, Allan en Zachary Martin, die Bisschoff-broers, Michel Rust, Clive Strydom, Pieter Greeff, André Havenga, Michael Strydom, Craig Bisschoff, Jordan Izaaks en Bazill van Rhyn almal gereed om hul ondersteuners rede vir ‘n glimlag te gee, wat vir ‘n behoorlike kompetisie sal sorg.
Hekke open reeds om 09:00, terwyl die kwalifiserende rondes tussen 12:00 en 12:30 gejaag word. Die eerste van drie renne begin 13:00.
Yskoue verversings en kos is by die klubhuis van die Windhoek-motorklub te koop. Toegang is N$50, maar kinders onder 12 jaar asook pensioenarisse kan gratis ingaan.
Die volgende langbaanbyeenkomste word vir 19 Oktober, asook 9 en 30 November beplan.
Sleeprenne (drags) is vanaand vanaf 19:00 aan die orde van die dag by dieselfde venue. Om deel te neem, kos N$250, terwyl die hekgeld N$80 is. Verversings sal deurentyd by die klubhuis beskikbaar wees.
– [email protected]
Comments
Namibian Sun
No comments have been left on this article