VSA se spiere bult in Windhoek
Krieket
Die Verenigde State (VSA) het Maandag sy deelname aan die Castle Lite driehoekige internasionale T20-reeks by Wanderers in Windhoek geopen deur die Verenigde Arabiese Emirate met 15 lopies te klop.
Dit was die VSA se 17de T20I-wedstryd sover vanjaar.
Die VSA (175/9 in 20 boulbeurte) het eerste gekolf en daarna die VAE tot 160/8 in 20 bb beperk.
Die VSA se aanvangskolwer Saiteja Mukkamalla was die enigste kolwer wat met 85 lopies (54 balle, 7x4, 4x6) werklik uitgeblink het. Die res van die kolforde het saam met 16 ekstras 17, 11, 6, 19, 6, 5, 6, 0 en 4 (gesamentlik 90) bygedra.
Ali Naseer (4/26 in 4) was opnuut die VSA se topbouler.
Die VSA het in 2019 amptelik T20I’s begin speel, waar hulle twee uit sewe wedstryde gewen het. Kanada, Bermuda en die VAE het hulle geklop, maar die Yanks kon wel die Kaaimanseilande klop.
In 2021 het die VSA agt gespeel en ses teen Ierland, Bahamas, Argentinië, Bermuda, Panama en Belize gewen.
Tydens die 2022-kalenderjaar het die VSA vyf gespeel en drie teen Papoea-Nieu-Guinee, Nederland en Zimbabwe verloor. Hulle kon wel vir Jersey en Singapoer klop.
Die 2024 T20-Wêreldbeker was vir die VSA ‘n sak vol persente nadat hulle in 2023 geen internasionale T20-krieket gespeel het nie. Met die VSA as medegasheer vir die 2024-skouspel het sy span direkte toegang tot dié spogtoernooi gehad.
In 2024 het die VSA met nege seges in 17 wedstryde die volgende opponente getakel: Teen Kanada (wen 6), Bangladesj (wen 2, verloor 1), Pakistan (een gelykop), Indië (een verloor), Suid-Afrika (een verloor), Wes-Indiese eilande (een verloor), Engeland (een verloor), Nederland (twee verloor) en die VAE (wen 1).
Die VSA het verlede maand al vier sy internasionale eendagwedstryde van die Wêreldbeker Liga Twee-minireeks in Windhoek teen die VAE en Namibië ingepalm.
Indien dit nie reeds duidelik blyk nie, het die Yanks gewys dat hulle in die CWCL2 ‘n krag gaan word om mee rekening te hou. Die T20I-minireeks by Wanderers tussen die drie lande gaan net die regte vertoonstuk vir hulle wees om ‘n bisep of twee te mag bult.
– [email protected]
Dit was die VSA se 17de T20I-wedstryd sover vanjaar.
Die VSA (175/9 in 20 boulbeurte) het eerste gekolf en daarna die VAE tot 160/8 in 20 bb beperk.
Die VSA se aanvangskolwer Saiteja Mukkamalla was die enigste kolwer wat met 85 lopies (54 balle, 7x4, 4x6) werklik uitgeblink het. Die res van die kolforde het saam met 16 ekstras 17, 11, 6, 19, 6, 5, 6, 0 en 4 (gesamentlik 90) bygedra.
Ali Naseer (4/26 in 4) was opnuut die VSA se topbouler.
Die VSA het in 2019 amptelik T20I’s begin speel, waar hulle twee uit sewe wedstryde gewen het. Kanada, Bermuda en die VAE het hulle geklop, maar die Yanks kon wel die Kaaimanseilande klop.
In 2021 het die VSA agt gespeel en ses teen Ierland, Bahamas, Argentinië, Bermuda, Panama en Belize gewen.
Tydens die 2022-kalenderjaar het die VSA vyf gespeel en drie teen Papoea-Nieu-Guinee, Nederland en Zimbabwe verloor. Hulle kon wel vir Jersey en Singapoer klop.
Die 2024 T20-Wêreldbeker was vir die VSA ‘n sak vol persente nadat hulle in 2023 geen internasionale T20-krieket gespeel het nie. Met die VSA as medegasheer vir die 2024-skouspel het sy span direkte toegang tot dié spogtoernooi gehad.
In 2024 het die VSA met nege seges in 17 wedstryde die volgende opponente getakel: Teen Kanada (wen 6), Bangladesj (wen 2, verloor 1), Pakistan (een gelykop), Indië (een verloor), Suid-Afrika (een verloor), Wes-Indiese eilande (een verloor), Engeland (een verloor), Nederland (twee verloor) en die VAE (wen 1).
Die VSA het verlede maand al vier sy internasionale eendagwedstryde van die Wêreldbeker Liga Twee-minireeks in Windhoek teen die VAE en Namibië ingepalm.
Indien dit nie reeds duidelik blyk nie, het die Yanks gewys dat hulle in die CWCL2 ‘n krag gaan word om mee rekening te hou. Die T20I-minireeks by Wanderers tussen die drie lande gaan net die regte vertoonstuk vir hulle wees om ‘n bisep of twee te mag bult.
– [email protected]
Comments
Namibian Sun
No comments have been left on this article