NMSF streef na ontwikkeling in 2025

Ten spyte van 'n afname in die aantal klubs onder die Namibië Motorsportfederasie het 2024 ewe veel byeenkomste as die jaar tevore aangebied, het die NMSF-president, Daniel Tjongarero, gesê by die federasie se jaareindfunksie en prysuitdeling wat die afgelope naweek in Windhoek aangebied is.Die stigting van 'n liggaam wat verbind is tot die ontwikkeling van plaaslike motorsport sal vanjaar daadwerklike aandag kry, het Tjongarero beloof. “Daar is min vordering gemaak in die aanvoorwerk om 'n ontwikkelingsvereniging op die been te bring, maar dit sal in 2025 geprioritiseer word. Soos tevore gerapporteer is, moet die besonderhede uitgewerk word, maar dit word in die vooruitsig gestel om te bestaan as die ontwikkelingsarm van die federasie en sal die aanbieding van kursusse, opleiding van beamptes, asook die ontwikkeling, skepping en uitvoering van die ontwikkelingsprogramme hanteer,” het hy gesê.Tjongarero het aan lede gerapporteer dat twee jong renjaers, Cecil Koorts junior en Zane Bauton, Namibië by internasionale kompetisies verteenwoordig het. Nog 'n jongeling met Namibiese bande, Guido Bidoli, het ook internasionaal deelgeneem, hoewel nie onder die Namibiese vlag nie."Ons het verskeie rensteljaers in die Afrikabeker- en Rotax-eindrondtes vir die jaar gehad, en almal het redelik goed gevaar. Vasbyt en ovaal-grondwedrenne het hul eerste nasionale kampioenskappe voltooi en ons het ROK-renne in ons kampioenskap ingestel. “Versnelrenne het 'n suksesvolle klubkampioenskap gehad en dié kode het 'n aansienlike toename in deelnamegetalle beleef. Hopelik kan versnelrenne se terugkeer tot nasionale status binnekort gebeur,” het hy gesê.VorderingTen spyte van hierdie welslae sê Tjongarero die NMSF moet opbouende kritiek ter harte neem.“Ek glo vas aan die waarde van selfbeoordeling, of die aanvaarding van konstruktiewe kritiek as 'n geheel, want dis die enigste manier om werklike vordering te meet en om jouself te verbeter, wat uiteindelik die weg baan vir verbetering. “Ons getal kompetisies het ‘n afname getoon. Hoewel gelyk met die vorige jaar se 84 byeenkomste, was dit steeds 'n afname teenoor die 103 wat in 2022 aangebied is. Ons kan besin hoe ons hierdie getalle kan opstoot,” het Tjongarero gesê. Hy glo 'n afname in die aantal klubs van twaalf tot tien – deels meegebring deur die samesmelting van sommige klubs – is deel van die situasie wat die NMSF nou moet hanteer. “Ons grootste tekortkoming is menslike kapasiteit en, die belangrikste, finansiële beperkings en ons word ernstig uitgedaag om dit bevredigend te hanteer,” sê hy.Sommige kodes van motorsport, soos baanrenne, motocross en e-sport het deur die jaar probleme ondervind. ’n E-sport tydrenkampioenskap is afgehandel, maar die baankampioenskap kon nie gehou word nie aangesien dit nie aan die vereistes hiervoor voldoen het nie.EresaalDie NMSF het ook sy tradisie voortgesit om die bydraes van Namibiërs tot plaaslike motorsport te vereer, met twee Lewenslange Toekennings en inlywing in die NMSF se heldesaal. Harald Lingner en Dippies Dippenaar was die vyfde en sesde individue wat dié eerbewys ontvang het.Lingner het plaaslike motorsport 29 jaar lank gedien, en het in 1989 as 'n beampte by tydrenne begin. Hy het ook as beampte vir verskeie rondtes van die Namibiese Tydrenkampioenskap opgetree en het op die uitvoerende komitee van die NMSF gedien. “Vir vele jare was sy naam sinoniem met die bekende Tara-tydren, as die persoon in beheer van die reëlings van die internasionale spoggeleentheid,” het Tjongarero oor Lingner gesê.&bull; Ná 46 jaar in motorsport gaan Dippies Dippenaar ook uit motorsport tree. Hy het op 21-jarige leeftyd as ‘n renjaer begin en was later ook die navigator vir Laurence Koch as die wenspan van die Tara-tydrenne van 1984 en 1985.Dippenaar het ook nasionale kampioenskappe in ovaal- en baanrenne gewen, en het SWA-kleure in motorsport verwerf.In die 1990's het hy 'n tydrenjaer geword totdat hy in 2010 vir goed sy valhelm weggepak het. Dippenaar het toe sy tyd begin toewy aan die organisering van tydren- en ovaalbaanbyeenkomste en het op die uitvoerende komitee van die NMSF gedien.– irene-mari@nmh-hub.com.na

NMSF streef na ontwikkeling in 2025

Comments

Namibian Sun 2025-04-03

Please login to leave a comment

NMSF streef na ontwikkeling in 2025

Comments

Namibian Sun 2025-04-03

Please login to leave a comment

Login