Jong ryers klim die leer in SA Beker

Namibië se jong bergfietsryers het die naweek uitgeblink by die eerste byeenkoms van die SA Beker MTB-reeks in Paarl in die Wes-Kaap, deur met ses goue en een silwermedalje terugte keer. Roger Surén, Micah Chase en Qara Volschenk het hul onderskeie kategorieë oorheers, met elk twee goue medaljes, terwyl Delsia Janse van Vuuren 'n silwermedalje in haar kategorie gewen het. In Sondag se SA Beker-veldresies (XCO) het Surén gemaklik die goue medalje in die junior manskategorie (onder-18) gewen en 43 sekondes voor Neil van der Vyver van SA geëindig.Surén het die vyf baanrondtes in 59:38 voltooi, gevolg deur Van der Vyver (1:00:21) en Jaco van Zyl (1:00:32). Delsia Janse van Vuuren het die silwermedalje in die junior vrouekategorie gewen en byna twee-en-'n-half minute agter Nadia van Wyk van SA geëindig. Van Wyk het die vier rondtes in 58:39 voltooi, gevolg deur Janse van Vuuren (1:01:08) en Jodi Mackinnon van SA (1:01:38). Micah Chase het die sub-junior seunskategorie (13 tot 14 jaar) oor drie rondtes in 39:51 gewen, gevolg deur Willem Durandt van SA (40:29), en Dylan van de Langenberg van SA (40:35). Qara Volschenk het die sub-junior meisies se wedren oor drie baanrondtes in 48:42 gewen, terwyl Vivienne Dockter van SA meer as 'n minuut later in 49:54 tweede was, en Lane Fouche derde in 58:48.Kortbaan-resieseRoger Surén, Chase en Volschenk het Saterdag ook goue medaljes in die kortbaanwedrenne verower. Surén het die junior manskategorie oor sewe rondtes in 'n tyd van 18:16 gewen, gevolg deur Suid-Afrika se Joshua Paul (18:21) en Samuel Cleary (18:29).Namibië se Marco Thiel het net-net 'n medalje misgeloop met sy vierde posisie in 18:33, terwyl Sean Lowe 15de en Christiaan van der Westhuizen 16de was, beide in 19:08. Chase het die sub-junior seunskategorie oor vyf rondtes in 13:52 gewen, gevolg deur Dylan van de Langenberg van SA (14:05) en Willem Durandt van SA (14:23), terwyl Volschenk die sub-junior meisieskategorie oor vier rondtes in 12:49 gewen het, gevolg deur Vivienne Dockter (13:16) en Skyler Blom (13:50) van SA.Madison Bateson van SA het die jeugvroue-kategorie oor vier rondtes in 12:11 gewen, gevolg deur haar ladgenote Maya de Vries (12:12) en Lara van der Vyver (12:22), terwyl Nicole Surén (sewende in 12:50) die eerste Namibiër was. Namibië se o.18 Afrika-kontinentale titelhouer, Delsia Janse van Vuuren, het nie in die junior vrouewedloop weggespring nie. Nadia van Wyk van SA het die ses rondtes in 18:52 gewen, met sy landgenote Jodi Mackinnon tweede (19:29) en Robyn Chapman derde (19:43).

Jong ryers klim die leer in SA Beker

Comments

Namibian Sun 2025-03-17

Please login to leave a comment

Jong ryers klim die leer in SA Beker

Comments

Namibian Sun 2025-03-17

Please login to leave a comment

Login