Eerste Nauams Gravel Grind neem sy plek in
Bergfietsry
Organiseerders droom om hierdie byeenkoms tot ewe ikoniese internasionale status as die Nedbank Desert Dash te ontwikkel.
’n Opwindende nuwe byeenkoms op die Namibiese fietsrykalender, die 165 km Nauams Gravel Grind, word Saterdag op die lodge Nauams in die Khomas Hochland gehou.
Grondpadresiese is een van die fietsrydissiplines wat wêreldwyd vinnig groei en vind ook in Namibië groot byval.
Die eerste Namibiese nasionale grondpadkampioenskap is in November verlede jaar tussen Windhoek en Gross Barman oor ‘n afstand van 100 myl (160 km) gehou (die Hollard Khomas100) – in die aanloop tot die amptelike aankondiging dat Namibië in Augustus vanjaar die eerste Afrika-grondpadkampioenskap gaan aanbied.
Een van die organiseerders van die Nauams Gravel Grind, Tokkie Bombosch van Cycletec, sê hulle het groot planne om die geleentheid uit te brei tot nog een van die aanloklike fietsritte in Namibië.
“Met Namibië wat in Augustus vanjaar die eerste Afrika-kampioenskap in grondpad-bergfietsry sal aanbied, is die byeenkoms beplan om ons fietsryers 'n bietjie waardevolle voorbereiding te gee.
“Ons het groot planne om die Nauams Gravel Grind te vestig en te laat groei tot 'n jaarlikse byeenkoms wat hopelik in die toekoms ewe groot as die Nedbank Desert Dash kan word," het hy gesê.
Die 165 km-roete sal fietsryers deur asemrowende landskappe neem, insluitend die Remhoogtepas en die steil klim op die legendariese Spreetshoogtepas, sowel as verby Solitaire.
Ongetemde skoonheid
Nauams is waar avontuur die ongetemde skoonheid van die Khomas Hochland ontmoet. Nauams is ideaal geleë tussen Windhoek en Sesriem en is meer as bloot 'n oornagplek – dis 'n buitelug-speelgrond met fietsry- en staproetes volgens elke behoefte, asemrowende landskappe en ware Namibiese gasvryheid.
ie Nauams Gravel Grind, geskep in samewerking met Cycletec, is 'n epiese toets van uithouvermoë wat deelnemers deur een van Namibië se wonderlikste fietsryroetes neem.
Die resies begin met 'n skouspelagtige afdraande teen Remhoogtepas af, wat van die hooglande af na die uitgestrekte oop ruimtes val waar die woestyn begin ontvou.
Die roete kronkel verby die ikoniese nedersetting Solitaire, voordat dit uitdraai na die grootste uitdaging – die legendariese klim teen Spreetshoogtepas uit.
Spreetshoogte, wat bekend staan as een van Namibië se steilste en mooiste paaie, beloon ryers met ongeëwenaarde panoramiese uitsigte oor die Namibwoestyn – oomblikke wat die gees van hierdie geleentheid definieer.
Bekende name
Inskrywings het vroeër vandeesweek gesluit. Ryers kon vir die solo-rit inskryf, of vir die aflos van twee persone.
Onder die 21 inskrywings van aflosspanne is Fast and Fabulous (Delsia Janse van Vuuren en Morné Nell), Off Road Centre and Waldschmidt Eggs (Roger Surén en sy pa Marcel), Hollard Ladies Team (Melissa Hinz en Hester Prins) en Prosure (die broers Nick en Christopher du Plessis) onder die kombinasies wat naby die voorpunt kan eindig.
Die lys van solo-ryers bevat die onvergelyklike Drikus Coetzee as ongetwyfeld die mees geharde vorige wenner van ultra-byeenkomste soos die Munga en onlangse bronswenner in die 1300 kilometer Atlas Mountain Race in Marokko.
Theuns van der Westhuizen en Jaques Hanekom kan as van die jonger, gevaarlike buiteperde gereken word. Clinton Hilfiker, Anri Parker, die driekampatleet Petrus Human, Wilmien Chamberlain, Mimi Hough, Jana von Backstrom en Luanne van der Schyff tel ook onder die vele ervare solo-ryers wat die Nauams Gravel Grind met hoë verwagtinge sal aanpak.
Vir meer inligting kan die webblad nauamsgravelgrind.com besoek word.
Grondpadresiese is een van die fietsrydissiplines wat wêreldwyd vinnig groei en vind ook in Namibië groot byval.
Die eerste Namibiese nasionale grondpadkampioenskap is in November verlede jaar tussen Windhoek en Gross Barman oor ‘n afstand van 100 myl (160 km) gehou (die Hollard Khomas100) – in die aanloop tot die amptelike aankondiging dat Namibië in Augustus vanjaar die eerste Afrika-grondpadkampioenskap gaan aanbied.
Een van die organiseerders van die Nauams Gravel Grind, Tokkie Bombosch van Cycletec, sê hulle het groot planne om die geleentheid uit te brei tot nog een van die aanloklike fietsritte in Namibië.
“Met Namibië wat in Augustus vanjaar die eerste Afrika-kampioenskap in grondpad-bergfietsry sal aanbied, is die byeenkoms beplan om ons fietsryers 'n bietjie waardevolle voorbereiding te gee.
“Ons het groot planne om die Nauams Gravel Grind te vestig en te laat groei tot 'n jaarlikse byeenkoms wat hopelik in die toekoms ewe groot as die Nedbank Desert Dash kan word," het hy gesê.
Die 165 km-roete sal fietsryers deur asemrowende landskappe neem, insluitend die Remhoogtepas en die steil klim op die legendariese Spreetshoogtepas, sowel as verby Solitaire.
Ongetemde skoonheid
Nauams is waar avontuur die ongetemde skoonheid van die Khomas Hochland ontmoet. Nauams is ideaal geleë tussen Windhoek en Sesriem en is meer as bloot 'n oornagplek – dis 'n buitelug-speelgrond met fietsry- en staproetes volgens elke behoefte, asemrowende landskappe en ware Namibiese gasvryheid.
ie Nauams Gravel Grind, geskep in samewerking met Cycletec, is 'n epiese toets van uithouvermoë wat deelnemers deur een van Namibië se wonderlikste fietsryroetes neem.
Die resies begin met 'n skouspelagtige afdraande teen Remhoogtepas af, wat van die hooglande af na die uitgestrekte oop ruimtes val waar die woestyn begin ontvou.
Die roete kronkel verby die ikoniese nedersetting Solitaire, voordat dit uitdraai na die grootste uitdaging – die legendariese klim teen Spreetshoogtepas uit.
Spreetshoogte, wat bekend staan as een van Namibië se steilste en mooiste paaie, beloon ryers met ongeëwenaarde panoramiese uitsigte oor die Namibwoestyn – oomblikke wat die gees van hierdie geleentheid definieer.
Bekende name
Inskrywings het vroeër vandeesweek gesluit. Ryers kon vir die solo-rit inskryf, of vir die aflos van twee persone.
Onder die 21 inskrywings van aflosspanne is Fast and Fabulous (Delsia Janse van Vuuren en Morné Nell), Off Road Centre and Waldschmidt Eggs (Roger Surén en sy pa Marcel), Hollard Ladies Team (Melissa Hinz en Hester Prins) en Prosure (die broers Nick en Christopher du Plessis) onder die kombinasies wat naby die voorpunt kan eindig.
Die lys van solo-ryers bevat die onvergelyklike Drikus Coetzee as ongetwyfeld die mees geharde vorige wenner van ultra-byeenkomste soos die Munga en onlangse bronswenner in die 1300 kilometer Atlas Mountain Race in Marokko.
Theuns van der Westhuizen en Jaques Hanekom kan as van die jonger, gevaarlike buiteperde gereken word. Clinton Hilfiker, Anri Parker, die driekampatleet Petrus Human, Wilmien Chamberlain, Mimi Hough, Jana von Backstrom en Luanne van der Schyff tel ook onder die vele ervare solo-ryers wat die Nauams Gravel Grind met hoë verwagtinge sal aanpak.
Vir meer inligting kan die webblad nauamsgravelgrind.com besoek word.
Comments
Namibian Sun
No comments have been left on this article