Konstruksie van Savanna Beef-abattoir op dreef

Savanna Beef se abattoir en beesvleisverwerkingsaanleg 25 km suid van Okahandja is besig om te verrys. Volgens die kontrakteur, Nexus, is hierdie omgewingsbewuste aanleg ontwerp met die fokus op volhoubaarheid en poog om watervermorsing en die omgewingsimpak te verminder. “Ons is opgewonde om te sien hoe hierdie uitstaande projek bydra tot volhoubare praktyke in Namibië,” sê Corrie Labuschagne, die projekdirekteur van Nexus, wat die konstruksie van die ultra-moderne uitvoer-abattoir behartig. Volgens hom is die beoogde oorhandigingsdatum van die projek verskuif vanaf Junie na einde Augustus. Foto’s Nexus