Elektriese werkesel op drie wiele
’n Elektriese werkesel op drie wiele sal nie net ’n brandstofbesparing vir boere bring nie, maar is ’n lekker rondrits vervoermiddel op die plaas.
Vervoer jou gewasse, voer of kleinvee lag-lag en spotgoedkoop.
’n Elektriese driewielmotorfiets met ’n laaibak van A-Future is al vir twee jaar in Namibië beskikbaar wat ook op plaaspaaie gebruik kan word.
Die laaikapasiteit is 500 kg en die laaibak is 1,75 meter lank, 1,38 meter breed en ’n halwe meter diep.
Gooi ’n paar voersakke agter op die laaibak om die vee by die poste te gaan voer of laai die gewasse van die landerye af op. Daar is genoeg plek vir die honde om ook saam te ry.
Volgens Henock Ismael, die verkoopsverteenwoordiger van A-Future, is die voertuig 100% elektries en benodig geen brandstof nie.
Hy sê die driewiel kan 120 km ver gery word voordat die battery herlaai moet word.
“Die driewiel se battery kan met jou huis se krag van 220 volt met ’n kragprop herlaai word. Jy bestee slegs N$5 op elektrisiteit om 100 km ver te ry,” het Ismael gesê.
Marcel Roux van Waldschmidt Eggs stem saam dat die voertuig kostedoeltreffend is.
“Ons het twee van die voertuie teen sowat N$50 000 elk gekoop en dit is werklik doeltreffend op die plaas.
“Ons het een van die voertuie al vir amper twee jaar en die battery hou nog steeds. Jy prop net die battery se kragprop by die muur in om te herlaai,” het Roux gesê.
Die eierprodusente se voormanne ry met hul gereedskap agterop die laaibak tussen die hoenderhokke rond om dit reg te maak.
Nog positiewe terugvoering kom van Etuna Nashima van die plaas De Rust in die Grootfontein-distrik, wat aan Agri Monitor gesê hulle het sowat ’n maand gelede die driewiel gekoop en dit help hulle baie op die plaas.
“Ons gebruik die driewiel om ons tuinbouprodukte soos koolkoppe op die landerye te gaan haal en aan nabygeleë kliënte af te lewer,” het Nashinda sy tevredenheid uitgespreek.
“Buiten dat ons brandstof bespaar, het ons geen meganiese probleme met die driewiel nie. Ons het ook ’n gewone motorfiets wat baie meganiese probleme gee en instandhouding nodig het.”
A-Future voer die voertuie al vir meer as twee jaar van China na Namibië in en monteer dit by sy aanleg in Döbra, noord van Windhoek.
Volgens Ismael word die driewiele herbou volgens die behoeftes van plaaslike kliënte om soos byvoorbeeld op ruwe terrein te ry.
Hy sê meer as 100 voertuie is al verkoop en die gewildheid daarvan neem toe – van mahanguboere in die Noorde tot tafeldruiweboere in die Suide.
Die driewielmotorfiets is nie net geskik vir boerderybedrywighede nie, maar ook vir die mynbou- en konstruksiesektor. Dit kan ook in pakhuise gebruik word of om vrag te vervoer.
– [email protected]
Vervoer jou gewasse, voer of kleinvee lag-lag en spotgoedkoop.
’n Elektriese driewielmotorfiets met ’n laaibak van A-Future is al vir twee jaar in Namibië beskikbaar wat ook op plaaspaaie gebruik kan word.
Die laaikapasiteit is 500 kg en die laaibak is 1,75 meter lank, 1,38 meter breed en ’n halwe meter diep.
Gooi ’n paar voersakke agter op die laaibak om die vee by die poste te gaan voer of laai die gewasse van die landerye af op. Daar is genoeg plek vir die honde om ook saam te ry.
Volgens Henock Ismael, die verkoopsverteenwoordiger van A-Future, is die voertuig 100% elektries en benodig geen brandstof nie.
Hy sê die driewiel kan 120 km ver gery word voordat die battery herlaai moet word.
“Die driewiel se battery kan met jou huis se krag van 220 volt met ’n kragprop herlaai word. Jy bestee slegs N$5 op elektrisiteit om 100 km ver te ry,” het Ismael gesê.
Marcel Roux van Waldschmidt Eggs stem saam dat die voertuig kostedoeltreffend is.
“Ons het twee van die voertuie teen sowat N$50 000 elk gekoop en dit is werklik doeltreffend op die plaas.
“Ons het een van die voertuie al vir amper twee jaar en die battery hou nog steeds. Jy prop net die battery se kragprop by die muur in om te herlaai,” het Roux gesê.
Die eierprodusente se voormanne ry met hul gereedskap agterop die laaibak tussen die hoenderhokke rond om dit reg te maak.
Nog positiewe terugvoering kom van Etuna Nashima van die plaas De Rust in die Grootfontein-distrik, wat aan Agri Monitor gesê hulle het sowat ’n maand gelede die driewiel gekoop en dit help hulle baie op die plaas.
“Ons gebruik die driewiel om ons tuinbouprodukte soos koolkoppe op die landerye te gaan haal en aan nabygeleë kliënte af te lewer,” het Nashinda sy tevredenheid uitgespreek.
“Buiten dat ons brandstof bespaar, het ons geen meganiese probleme met die driewiel nie. Ons het ook ’n gewone motorfiets wat baie meganiese probleme gee en instandhouding nodig het.”
A-Future voer die voertuie al vir meer as twee jaar van China na Namibië in en monteer dit by sy aanleg in Döbra, noord van Windhoek.
Volgens Ismael word die driewiele herbou volgens die behoeftes van plaaslike kliënte om soos byvoorbeeld op ruwe terrein te ry.
Hy sê meer as 100 voertuie is al verkoop en die gewildheid daarvan neem toe – van mahanguboere in die Noorde tot tafeldruiweboere in die Suide.
Die driewielmotorfiets is nie net geskik vir boerderybedrywighede nie, maar ook vir die mynbou- en konstruksiesektor. Dit kan ook in pakhuise gebruik word of om vrag te vervoer.
– [email protected]
Comments
Namibian Sun
No comments have been left on this article