Swapo tavene oshipundi oshipe ngele IPC okwavene mompangu

Sho iizemo yomahogololo gomuNovemba 2024 moNamibia tayi kondjithwa mOmpangu yopOmbandambanda, Okakomisi kOmahogololo moNamibia otaka ti kutya ngele omawi gaahogololi momasiku gomahogololo ga lelepekwa otaga ekelwahi, ongundu yoSwapo otayi mono oshipundi sha gwedhwa po. Ngele shika oshaningwa, ongundu yoIndependent Patriots Change (IPC) otayi ka kanitha shimwe shomiipundi yawo ndjoka mopaife yili 20.Shika osha popiwa momikanda dhopaveta dhomunashipundi gwokakomisi, Elsie Nghikembua, dhomomasiku 2 Januali sho ta yamukula koshipotha shoIPC, ndjoka tayi kambadhala okukondjitha iizemo yomahogololo gaayehe gomo27 Novemba 2024, tayi ti opu na uulingilingi owundji. “...Swapo ota ka mona oshipundi shimwe, naIPC ota ka kanitha oshipundi shimwe ngele iizemo yomasiku 29 no30 gaNovemba 2024 inayi kwatelwa mo,” Nghikembua a hokolola.Pokati mpoka ongundu yoLandless Peoples Movement (LPM) nayo yo oya taalele kOmpangu yOpombanda mbanda ya wayimine ongundu yoIPC monkambadhala yawo opo aahogololi ya hogolola momasiku 29 no30 gaNovemba 2024 omawi gawo ge ekelwehi noshowo iizemo ayihe yomahogololo yi ekelwehi.Oongundu adhihe mbali oIPC noLPM otadhi ti kutya etokolo lyaPresidente Nangolo Mbumba ngaashi patseyitho lyokulelepeka omasiku gokuhogolola kombanda yesiku eti 27 Novemba 2024. Aahogololi oya hogolola, shaa li paveta nosha ningwa aniwa muuwanawa wongundu tayi pangele. Mbumba okwa lelepeke omahogololo nomasiku gaali okuza 29 sigo 30 gaNovemba, etokolo ndyoka inaali pandika oshoka inali tokolwa nale okuza sho oshilongo sha mangulukile.Okakomisi oka zimina kutya oka pula Ahende ndjai manga etseyitho inaali shainwa ku Mbumba, aatulimo yeindilo otaya ti kutya ando Okakomisi oka longele ki ithikamena po ando ina ka tala komatokolo ga nwethwa mo kominista yokabinete ngoka e lile po omalakano gongundu ye yopapolitika.“Okakomisi na ka unganeke omahogololo ki ithikamena po, memanguluko nopauyuuki nongele Okakomisi oka pulakene komuwiliki nenge komayele gAhende ndjai, oshilyo shoKabinete, ngoka ngashingeyi ha kondololwa koSwapo, nena ekuthombinga lyAhende ndjai melongekidho lyomahogololo ohali eta epambathano meukililo pokati keinekelo lyOmupresidene ngoka oye omutse nomongundu yopapolitika hoka e li, moSwapo,” omupresidente gwoLPM, Bernadus Swartbooi a nyola momikanda dhe dhopaveta.Kakele Mbumba momikanda dhe dhopaveta okwa holola kutya okwa li a dhiladhila a lelepeke omahogololo pomahala agehe gokuhogololela momahogololo gaayehe mu Novemba 2024, ashike okwa pewa omayele kOkakomisi opo a lelepeke owala okuhogolola pomahala gamwe moKhomas, mOshikoto, moKunene nOshana.“Onda li nda dhiladhila okulelepeka omahogololo pomahala agehe gokuhogololela. Okakomisi, okupitila maanaveta, oka pe ndje omayele kutya inashi pumbiwa noita shi ka pita. Onkene, onda landula omathaneko gokakomisi,” Mbumba a ti, nokwa gwedha po kutya etokolo lye lyahugunina olya li natango pakotampango lela.Mbumba, ngoka oye gumwe maayamukuli moshipotha shika shomahogololo, okwa ti oshipotha sho IPC kashi na omwago paveta noinashi pumbiwa.Konima sho Olakomisi ka tseyitha iizemo yomahogololo gopauPresitende nogIilyo yomutumba gwopashigwana gomuNovemba 2024, Swapo okwa yangata po iipundi 51 yomiipundi 96 mbyoka ya li tayi kondjelwa omanga ongundu yoIPC oya mono omawi ga gwana iipundi 20.Kakele kaashono ongundu yoIPC ayike tayi ka gumwa nayi ngele iizemo yomahogololo yomomasiku29 no m30 gaNovemba oye ekelwahi, oshoka otayi ka kanitha oshipundi shimweshoka tashi ka ya kongundu tayi pangele.Ashike pamikanda dhopaveta dhaNghikembua shika otashi ka eta Kanyemba Isra gwongundu yoIPC ngoka e li ponomola onti- 20 momusholondondo gwongundu gwiilyo yomutumba gwopashigwana, ita ka ya we koparliamende nota ka pingenwa po ku Christine Haindaka gwongundu yoSwapo.Haindaka oye omupeha amushanga gwewawa lyaagundjuka moSwapo (SPYL).kenya@nmh-hub.com

Swapo tavene oshipundi oshipe ngele IPC okwavene mompangu

Comments

Namibian Sun 2025-04-04

Please login to leave a comment

Swapo tavene oshipundi oshipe ngele IPC okwavene mompangu

Comments

Namibian Sun 2025-04-04

Please login to leave a comment

Login