Shipwikineni a sindana po oshipotha shokufutithwa
The court urged political leaders to develop a 'thick skin' and absorb criticism directed at them by their parties' rank and file
Ompangu yOpombanda yaVenduka inaya mona ondjo omukwaSwapo Reinhold ‘Iita Nayitsikile’ Shipwikineni, nOmpangu oye ekelehi oshipotha shenyateko lyedhina shoka a li a tulilwa mo koshilyo shopolitburo yoSwapo Dr Charles Mubita.
Oshipotha oshe ya molwa etumwalaka (okakwatwamawi) lyokoWhatsapp lya ya okawi nokawi moka Shipwikineni a ti Mubita ota "longithwa a fa ombaapiila yokokandjugo" koohailwa ooyakwawo moSwapo.
Mubita, ngoka a li ta pula a futwe N$370 000 molwa okunyanwa huka, okwa ti kutya omahokolo ngoka ogiifundja, taga kakeke edhina lye, notage mu ehameke noonkondo papolitika. Nonande ongawo, Omupanguli Eileen Rakow okwa zimine eindilo lya Shipwikineni opo a silwe ohenda, ta ti kutya Mubita okwa nyengwa okuholola kutya okwa nyatekelwa edhina lye ngiini. Ompangu oya tokola opo Mubita a fute oohahende dhaShipwikineni, ndhoka oshifo shoNamibian Sun sha nothelwa ko kutya otadhi futwa oshimaliwa shi thike poN$50 000.
Shipwikineni, okwa kalelwa po komunaveta Norman Tjombe, ngoka a ti kutya Mubita, ongomunambelewa omunene moSwapo, ita vulu okukala itaa popiwa nande. "Ngele Mubita ina hala okupopiwa, na thige po opolitika," okwa ti.
Aayamukuli moshipotha shika oya longitha omatokolo giipotha yonale nokudhenga omuthindo kutya aanenentu naya idhidhimikile okupopiwa, unene molwa opolitika.
Mubita, omukuluntuskola omukulu gwoshiputudhilolongo shoSwapo Party School, okwa ti kutya omapopyo gaShipwikineni oge mu ukilile ye mwene kondandalunde peha lyokukala enyenyeto lyopapolitika momumbwalangandjo. Okwa ti kutya omapopyo ngaka oga yona uuthemba we wesimaneko lyuuntu womuntu, ngaashi wa gamenenwa pokOkatendo 8(1) kEkotampango lyaNamibia, nokwa li i indile Shipwiikineni a tye omahokololo oguumbudhi, nenge a gandje ombili.
Shipwikineni ina gandja ombili, ta ti kutya omapopyo otaga popi oshili kombinga yaawiliki yoSwapo. "Otandi ti kutya omapopyo ngaka ogoshili noitaga nyateke edhina lyaMubita. Etumwalaka (okakwatwamawi) lyokoWhatsApp otaka popi oshili noka andjaganekwa moshigwana molwuuwanawa woshigwana," okwa ti.
Mokufatulula kutya omolwashike a longitha iitya mbyoka, Shipwikineni okwa ti kutya ina ula nande Mubita kutya ye "ombapila yokokandjugo" ashike okwa ti okwa li "ta longithwa a fa ombapila yokokandjugo",ta ti olyo eyelekanitho (omufethelamo) gwa pitikwa okulongithwa momapopyo gopapolitika.
"Ogwo omupopyofano. Omuntu kehe – naangoka inaa longwa – oku uvite ko pompito mpoka gwa tumbulilwa," okwa yelitha. Okwa dhenge omuthindo kutya omapopyo ge ogwe ga popi ongoshilyo shoSwapo tashi longitha uuthemba washo wokuulikila aaleli yongundu omapuko gawo.
"Aaleli yoSwapo naya kale ihaa kuka kusha. Naya pulakene kutse, aayambidhidhi niilyo yongundu, nonando ando tu longithe omutyanayi mokuya pukulula," okwa gwedha po.
Metokolo lye, Omupanguli Rakow okwa dhenge omuthindo kutya aanenentu oya pumbwa okukala hayi idhidhimikile okuningwa nayi molwa opolitika. Nonande okwa koleke kutya omutyanayi ogwa longithwa, okwa ti kutya ogwa longithwa moonkundathana molwa iipambele yongundu, ompito ndyoka oonkundathana dha kwata miiti hadhi ningwa.
Aakalelipo yopaveta yaMubita oya holola eiuvonayi lyawo, taya ti kutya etokolo ndika otali kala oshiholewa oshiwinayi miikwapolitika. Kakele Shipwikineni okwa pandula etokolo ndika ta ti otali popile uuthemba wokupopya memanguluko moSwapo.
[email protected]
OMUNELAGO: Omukwaswapo Reinhold ‘Iita Nayitsikile’ Shipwikineni. EFANO: TWE LI PEWA
--
Oshipotha oshe ya molwa etumwalaka (okakwatwamawi) lyokoWhatsapp lya ya okawi nokawi moka Shipwikineni a ti Mubita ota "longithwa a fa ombaapiila yokokandjugo" koohailwa ooyakwawo moSwapo.
Mubita, ngoka a li ta pula a futwe N$370 000 molwa okunyanwa huka, okwa ti kutya omahokolo ngoka ogiifundja, taga kakeke edhina lye, notage mu ehameke noonkondo papolitika. Nonande ongawo, Omupanguli Eileen Rakow okwa zimine eindilo lya Shipwikineni opo a silwe ohenda, ta ti kutya Mubita okwa nyengwa okuholola kutya okwa nyatekelwa edhina lye ngiini. Ompangu oya tokola opo Mubita a fute oohahende dhaShipwikineni, ndhoka oshifo shoNamibian Sun sha nothelwa ko kutya otadhi futwa oshimaliwa shi thike poN$50 000.
Shipwikineni, okwa kalelwa po komunaveta Norman Tjombe, ngoka a ti kutya Mubita, ongomunambelewa omunene moSwapo, ita vulu okukala itaa popiwa nande. "Ngele Mubita ina hala okupopiwa, na thige po opolitika," okwa ti.
Aayamukuli moshipotha shika oya longitha omatokolo giipotha yonale nokudhenga omuthindo kutya aanenentu naya idhidhimikile okupopiwa, unene molwa opolitika.
Mubita, omukuluntuskola omukulu gwoshiputudhilolongo shoSwapo Party School, okwa ti kutya omapopyo gaShipwikineni oge mu ukilile ye mwene kondandalunde peha lyokukala enyenyeto lyopapolitika momumbwalangandjo. Okwa ti kutya omapopyo ngaka oga yona uuthemba we wesimaneko lyuuntu womuntu, ngaashi wa gamenenwa pokOkatendo 8(1) kEkotampango lyaNamibia, nokwa li i indile Shipwiikineni a tye omahokololo oguumbudhi, nenge a gandje ombili.
Shipwikineni ina gandja ombili, ta ti kutya omapopyo otaga popi oshili kombinga yaawiliki yoSwapo. "Otandi ti kutya omapopyo ngaka ogoshili noitaga nyateke edhina lyaMubita. Etumwalaka (okakwatwamawi) lyokoWhatsApp otaka popi oshili noka andjaganekwa moshigwana molwuuwanawa woshigwana," okwa ti.
Mokufatulula kutya omolwashike a longitha iitya mbyoka, Shipwikineni okwa ti kutya ina ula nande Mubita kutya ye "ombapila yokokandjugo" ashike okwa ti okwa li "ta longithwa a fa ombapila yokokandjugo",ta ti olyo eyelekanitho (omufethelamo) gwa pitikwa okulongithwa momapopyo gopapolitika.
"Ogwo omupopyofano. Omuntu kehe – naangoka inaa longwa – oku uvite ko pompito mpoka gwa tumbulilwa," okwa yelitha. Okwa dhenge omuthindo kutya omapopyo ge ogwe ga popi ongoshilyo shoSwapo tashi longitha uuthemba washo wokuulikila aaleli yongundu omapuko gawo.
"Aaleli yoSwapo naya kale ihaa kuka kusha. Naya pulakene kutse, aayambidhidhi niilyo yongundu, nonando ando tu longithe omutyanayi mokuya pukulula," okwa gwedha po.
Metokolo lye, Omupanguli Rakow okwa dhenge omuthindo kutya aanenentu oya pumbwa okukala hayi idhidhimikile okuningwa nayi molwa opolitika. Nonande okwa koleke kutya omutyanayi ogwa longithwa, okwa ti kutya ogwa longithwa moonkundathana molwa iipambele yongundu, ompito ndyoka oonkundathana dha kwata miiti hadhi ningwa.
Aakalelipo yopaveta yaMubita oya holola eiuvonayi lyawo, taya ti kutya etokolo ndika otali kala oshiholewa oshiwinayi miikwapolitika. Kakele Shipwikineni okwa pandula etokolo ndika ta ti otali popile uuthemba wokupopya memanguluko moSwapo.
[email protected]
OMUNELAGO: Omukwaswapo Reinhold ‘Iita Nayitsikile’ Shipwikineni. EFANO: TWE LI PEWA
--
Comments
Namibian Sun
No comments have been left on this article