Oonakutidhwa koAR ya popi

Uule woomwedhi mbali dha piti ehwahwameko lyoAffirmative Repositioning (AR) olya kala lya taalela onkalo odhigu yi na sha nomananathano konima nkene lya totwapo oomvula omulongo dha piti. Elelo lyehwahwameko ndyoka olya kuutumba mehuliloshiwike lya piti mOmbaye na olya tokola okukutha miilonga omupopiliko gwehwahwameko ndyoka Simon Amunime oshowo omukomeho gwomahogololo Paulus Kathanga omolwa okweeta etopoko nokunyateka edhina lyoAR.Mboka otaku popiwa woo kutya otaya taandelitha iifundja.Oya popi kutya oya tidhwa ihe omukomeho gwo AR Job Amupanda okwa popi kutya oya kuthwa owala miilonga yawo na inaya tulwa pevi.Pethimbo lyomutumba gwiikundaneki ngoka gwa ningwa mehuiloshiwike, Amupanda okwa longitha woo ompito ndjoka okutinda omapopyo ga ningwa kutya ehwahwameko olya kala tali pewa iimaliwa okuza kiilyo yoSwapo.“Aniwa ombelewa ndjika yoAR oya futwa kiilyo yoSwapo, kape na oshinima shi li ngaaka.”Kathanga okwa popi kutya oya ulukilwa omweelo konima sho ya pula Amupanda kutya omolwashike ta tambula iimaliwa.Amunime naKathanga oya popi kutya Amupanda okwe ya lundila kutya otaya li po iimaliwa yehwahwameko mwakwatelwa mbyoka yoFix Namibia SMS campaign.“Otandi koleke kutya otwa tidhwa okuza moAR ongulohi momutumba ngoka gwa ningilwa mOmbaye. Shika osha ningwa omolwa oshimaliwa shooN$50 000 oshowo omakutu ga tambulwa komukomeho gwehwahwameko okuza koohandimwe naanangeshefa. Omukomeho omuhwahwameki okwa zimine etambulo lyiimaliwa mbyoka momutumba ihe otwa lombwelwa tu ka popile iinima mbyoka kokule nehwahwameko, sho osho sha etitha tu tidhwe.,” Kathanga a popi.Omupopiliko nale gwehwahwameko, Simon Amunime naye okwa popi kutya okwa tidhwa.“Onda tidhwa pethimbo lyomutumba ngoka gwa ningwa mOmbaye opo kandi kalelepo we ehangano. Otandi uyitha kwaashoka na otandi halele nawa Dr Amupanda oshowo ehwahwameko,” Amunime a popi.Amunime okwa gwedhapo kutya ngashiingeyi otiipyakidhile netungo lyoshigwana.“Onda wayimine opolotika opo ndi koke nokwiitulamo metungo lyoshigwana, uukumwe nelongelokumwe. Opolotika yomatukano nokuula aantu omadhina oyi li ondjokonona ngashiingeyi,” Amunime ngoka a tseyika nawa mokutuka aakondjithi ye papolotika a popi.

Oonakutidhwa koAR ya popi

Comments

Namibian Sun 2025-04-01

Please login to leave a comment

Oonakutidhwa koAR ya popi

Comments

Namibian Sun 2025-04-01

Please login to leave a comment

Login