Omaiuvo goshigwana kombinga yomahogololo

Omahogololo ngoka ga li ga tegelelwa noonkondo okuyekanitha nomahogololo mo1989, ngoka ga mwene AaNamibia oyendji ya koleke okumanguluka kwawo, noga hili Aanamibia ya hogololole moshilongo ashihe, oshigwana shoka shi idhidhimikile okukala momikweyo omile momutenya opo shi

hogolole. Omahogololo ngaka olwo lwotango oopelesenda 90% (konyala 1 449 569) dhaahogololi mboka yi ishangitha ya ka hogolole.

Aaleli yopapolitika oyo yotango momukweyo sho omahogololo ga tameke potundi onti- 07:00, nookandidate odhindji dhopaupresitende momahogololo ngaka ga kindja odha hogolole moshilandopangelo.

Omahogololo gohela oga li nomashongo ngaashi oosenda dhokuhogolela hadhi ende, mwa kwatelwa oofaalama Kapps Farm nOmeya, oombapila dhawo dhokuhogololitha odha pu po manga aahogololi omathele ya thigala ya pugalala momikweyo. Aakalimo oyendji yomOvenduka oya tokola ya ye koosenda dhilwe dhokuhogololela ndhoka dhi li pondje yoshilando naashika oye shi ningi nelalakano okuyanda omikweyo omile

Okaendanampadhi

Shoka sha yemateke aahogololi oyendji ohela osho omikweyo tadhi ende kashona. Aahogololi oya ti Okakomisi kOmahogolololo moNamibia oka ndopa okwiilongekidhila nawa omahogololo.

Omupopiliko gwongundu yoIndependent Patriots for Change, Imms Nashinge, okwa nyenyeta kombinga yomikweyo omile, ta ti Okakomisi oka nyengwa okutula miilonga omathaneko goongundu dhopapolitika nkene omikweyo omikweyo tadhi fupipalekwa. Oprosesa onde gokuhogolola otayi ti aahongololi oyendji

Oya meneka po 04:00, noya ka vula owala okuhogolola lwopokati komutenya( moshanga shomutenya.

Mokutya ko kwaashoka, omupopiliko gwoECN De Wet Siluka okwa ti okuhuhogolelataku ende kashona mOvenduka otaku pelwa ombedhi aakalimo yomondoolopaya mbombolokele komahalagokuushayi nelalakano opo ya hogolole.

“Otwa ndhindhilike kutya aantu ya za moshikandjohogololo shOvenduka yokuushayi oya tokolaopo ya hogolole moshikandjohogololo Ovenduka yokuushayi, shoka she eta opo iiyalukithoyagwandja yaa gwanene pomahala mpoka. Kakele, Otwa hala okukwashilipaleka kehe gumwe kutya oshikimungu shika tatu ungaunga nasho notatu ka hogololitha kehe gumwe e li momukweyo manga otundi 21:00 inati dhenga,” okwa ti ohela. .

#NamibiaTaTokola2024

#NamibiaDecides2024