N$7 million allocated to Nujoma regional memorial services
Omukokoli ta fumvikwa mo 1 Maalitsa
Iitopolwa ayihe 14 moshilongo otayi ka pewa oodola N$500 000 opo yi longekidhe iituthi-hupulo yanakusa Tatekulu Nujoma.
Epangelo otali gandja oomiliona N$7 dha nuninwa oohungidhimbuluko miitopolwa ayihe moshilongo opo aakwashigwana ya gandje esimaneko lyahugunina kOmukokoli-Presidente naHe yOshigwana, Dr. Sam Shafiishuna Nujoma.
Iitopolwa ayihe 14 otayi ka pewa kehe shimwe eedola N$500 000 opo ku kwashilipalekwe kehe Omunamibia ota gandja esimaneko lye lyahugunina kunakusa omupresidente Nujoma, ngoka a mana oondjenda dhe momasiku 8 Febuluali 2025 mOvenduka.
Presidente Nangolo Mbumba, metumwalaka lye lyopambelewa, okwa koleke kutya Nujoma ota ka fumvikwa papangelo mesiku 1 Maalitsa 2025 pOmawendo gOmapendafule mOvenduka. Oosa dhopashigwana odha tamekele momasiku 9 Febuluali notadhi ka hula mesiku 1 Maalitsa, nopethimbo ndyoka omapandela otaga kala nokutsilikwa etata.
Oshimaliwa shokulongekidha oohungidhimbuluko miitopolwa miitopolwa
Epangelo olya tula poshitaafula oomiliona N$7, nakehe oshitopolwa otashi ka mona ko N$500 000.00. "Oshimaliwa shika otashi ka kwashilipaleka kutya Omunamibia kehe, kehe mpoka ti iyadha, ota ka vulu okugandja esimaneko lye lyahugunina kOmukokoli presidente gwetu," George Simataa, Amushanga gwOkabinete a ti. Oongoloneya oya tegelelwa ya konge iiyakulitho niikwaniipangitho ya gwanena moshimaliwa shoka, nuuslepa naye wu tume kOmbelewa yomuprima wu ka pungulwe. Iiyakulitho ayihe nayi mbestelwe paVeta yOkumbestela papangelo, yomo2015. "Ehalelo lyetu olya li opo ando omudhimba gwaDr. Nujoma gu ye kokakololo nokalololo kehe koshilongo, ashike omolwa iikwaniipangitho itayi gwanene, otwa thiminikwa tu tothe mo owala omahala gamwe gamwe," Mbumba a fatulula. Omudhimba gwe otagu kaya komukunda gwaandjawo gwEtunda mOshitopolwa shaMusati, nokonima otagu ka ya kiitopolwa niitopolwa yoshilongo: 20 Febuluali 2025: Etunda, mOmusati 21 Febuluali 2025: Ondangwa mOshana 22 Febuluali 2025: Rundu, moKavango Uuzilo 23 Febuluali 2025: Katima Mulilo moZambezi 24 Febuluali 2025: Oshaanda (Grootfontein) mOtjozondjupa 25 Febuluali 2025: Ombaye kErongo 26 Febuluali 2025: Okaiti (Keetmanshoop) mo/Kharas. Mbumba okwa dhenge omuthindo kesimano lyokulonga noshili, ta ti, "Oongoloneya naya kwashilipaleke kutya iimaliwa mbika oya longithwa nawa nopauuyuki, nomekwatathano nOveta yokumbestela papangelo, opo tu simaneke Nujoma" Oohungidhimbuluko pomahala ga tothwa mo otadhi ka ningwa momasiku ogo tuu ngoka ga tumbulwa metetekelo, omanga iitopolwa yilwe otayi vulu okulongekidha oohungi dhawo manga esiku lyeti-26 Febuluali 2025 inaali thika.
Oshituthifumviko
Omudhimba gwaNujoma otagu galukile kOvenduka momasiku 27 Febuluali omolwa ohungidhimbuluko yahugunina yopashigwana tayi ningilwa mokapale koIndependence Stadium momasiku 28 Febuluali. "Ndjika otayi ka kala ompito ndjoka Aanamibia taya ka hangana nokudhimbulukwa onkandangala onene a dhana moshilongo shetu, natango oyo ompito yokukolekulula eitulomo lyetu komankankameno a li a thikama kugo," Mbumba a gwedha po. Oshituthifumviko otashi ka ningilwa pOmawendo gOmapendafule mesiku 1 Maalitsa 2025, shoka tashi eta pehulilo oosa dhopashigwana.
Iitopolwa ayihe 14 otayi ka pewa kehe shimwe eedola N$500 000 opo ku kwashilipalekwe kehe Omunamibia ota gandja esimaneko lye lyahugunina kunakusa omupresidente Nujoma, ngoka a mana oondjenda dhe momasiku 8 Febuluali 2025 mOvenduka.
Presidente Nangolo Mbumba, metumwalaka lye lyopambelewa, okwa koleke kutya Nujoma ota ka fumvikwa papangelo mesiku 1 Maalitsa 2025 pOmawendo gOmapendafule mOvenduka. Oosa dhopashigwana odha tamekele momasiku 9 Febuluali notadhi ka hula mesiku 1 Maalitsa, nopethimbo ndyoka omapandela otaga kala nokutsilikwa etata.
Oshimaliwa shokulongekidha oohungidhimbuluko miitopolwa miitopolwa
Epangelo olya tula poshitaafula oomiliona N$7, nakehe oshitopolwa otashi ka mona ko N$500 000.00. "Oshimaliwa shika otashi ka kwashilipaleka kutya Omunamibia kehe, kehe mpoka ti iyadha, ota ka vulu okugandja esimaneko lye lyahugunina kOmukokoli presidente gwetu," George Simataa, Amushanga gwOkabinete a ti. Oongoloneya oya tegelelwa ya konge iiyakulitho niikwaniipangitho ya gwanena moshimaliwa shoka, nuuslepa naye wu tume kOmbelewa yomuprima wu ka pungulwe. Iiyakulitho ayihe nayi mbestelwe paVeta yOkumbestela papangelo, yomo2015. "Ehalelo lyetu olya li opo ando omudhimba gwaDr. Nujoma gu ye kokakololo nokalololo kehe koshilongo, ashike omolwa iikwaniipangitho itayi gwanene, otwa thiminikwa tu tothe mo owala omahala gamwe gamwe," Mbumba a fatulula. Omudhimba gwe otagu kaya komukunda gwaandjawo gwEtunda mOshitopolwa shaMusati, nokonima otagu ka ya kiitopolwa niitopolwa yoshilongo: 20 Febuluali 2025: Etunda, mOmusati 21 Febuluali 2025: Ondangwa mOshana 22 Febuluali 2025: Rundu, moKavango Uuzilo 23 Febuluali 2025: Katima Mulilo moZambezi 24 Febuluali 2025: Oshaanda (Grootfontein) mOtjozondjupa 25 Febuluali 2025: Ombaye kErongo 26 Febuluali 2025: Okaiti (Keetmanshoop) mo/Kharas. Mbumba okwa dhenge omuthindo kesimano lyokulonga noshili, ta ti, "Oongoloneya naya kwashilipaleke kutya iimaliwa mbika oya longithwa nawa nopauuyuki, nomekwatathano nOveta yokumbestela papangelo, opo tu simaneke Nujoma" Oohungidhimbuluko pomahala ga tothwa mo otadhi ka ningwa momasiku ogo tuu ngoka ga tumbulwa metetekelo, omanga iitopolwa yilwe otayi vulu okulongekidha oohungi dhawo manga esiku lyeti-26 Febuluali 2025 inaali thika.
Oshituthifumviko
Omudhimba gwaNujoma otagu galukile kOvenduka momasiku 27 Febuluali omolwa ohungidhimbuluko yahugunina yopashigwana tayi ningilwa mokapale koIndependence Stadium momasiku 28 Febuluali. "Ndjika otayi ka kala ompito ndjoka Aanamibia taya ka hangana nokudhimbulukwa onkandangala onene a dhana moshilongo shetu, natango oyo ompito yokukolekulula eitulomo lyetu komankankameno a li a thikama kugo," Mbumba a gwedha po. Oshituthifumviko otashi ka ningilwa pOmawendo gOmapendafule mesiku 1 Maalitsa 2025, shoka tashi eta pehulilo oosa dhopashigwana.
Comments
Namibian Sun
No comments have been left on this article