Khumub koluuli moshikandjohogololo shaGuinas
Kamunsela omupe gwOshikandjohogololo shaGuinas Moses Khumub okwa ganithilwa miilonga mOmaandaha poombelewa dhElelo lyOshitopolwa shaShikoto.
Oshinyangadhalwa shika sheganithilo muukamunsela osha ningilwa poombelewa dhElelo lyOshitopolwa shaShikoto mOmuthiya mewiliko lyaMangestrata Kaeren Kleopas.
Khumub okwa sindana po omahogololo ga gwedhwa po geti-17 Januali.
Omahogololo ga gwedhwa po oge ya po omolwa eso lyakamunsela omukulu gwOshikandjohogololo shaGuinas Elias Martinus, ngoka a manene oondjenda eti-21 Kotoba 2024 .
Moonkundathana niikundaneki ohela, Khumub okwa ti ota ka ya tango moonkundathana noshigwana.
Okukandula po omashongo omanene moshikandjohogololo
Okwa holola wo kutya limwe lyomomashongo omanene ga taalela aakalimo yomoGuinas olyo ompumbwe yuupangelo niipangelo moshikandjohogololo.
“Shimwe shomiinima mbyoka tatu ka longa osho egandjo lyomayakulo guundjolowele, oshoka Guinas oshikandjohogololo oshinene,” okwa ti.
Shoka okwe shi popi konima owala yomasiku omashona sho oshikundaneki shoNamibian Sun she eta puuyelele nkene aakalimo yomoFarm Ondera haya thiminikwa ya longithe oshimaliwa shawo oshindji opo ya ka pangwe kuupangelo wokokulekule, oshikwawo ohaya longo nuudhigu ngele tashi ya pokumona omayakulo gopaundjolowele moonkalo dhopaulomompumbwe.
Khumub okwa ti ota ka ya moonkundathana naanambelewa yuuministeli wuundjolowele ku talike ngele otaya vulu okulongela metungo lyomoFarm Ondera, ndjoka ngaashingeyi hali longithwa momatuntilo nomayakulo galwe gopakathimbo.
“Etungo opo li li nale – shi li ko okupopya owala nuuministeli wuundjolowele tu tale ngele tatu longo nasho,” okwa ti.
Okwa ti moshikandjohogololo Guinas omu na omavi omawanawa (omatathapya) go opalela uunamapya nuuniimuna, naKhumub okwa dhiladhile a hiye aalongithipunguli opo ya kwathe oshikandjohogololo shi hume komeho. Okwiitaala kutya shoka otashi ka kandula po omukundu gwondjele yokwaa-na-iilonga yi li pombanda mokati kaagundjuka.
[email protected]
Oshinyangadhalwa shika sheganithilo muukamunsela osha ningilwa poombelewa dhElelo lyOshitopolwa shaShikoto mOmuthiya mewiliko lyaMangestrata Kaeren Kleopas.
Khumub okwa sindana po omahogololo ga gwedhwa po geti-17 Januali.
Omahogololo ga gwedhwa po oge ya po omolwa eso lyakamunsela omukulu gwOshikandjohogololo shaGuinas Elias Martinus, ngoka a manene oondjenda eti-21 Kotoba 2024 .
Moonkundathana niikundaneki ohela, Khumub okwa ti ota ka ya tango moonkundathana noshigwana.
Okukandula po omashongo omanene moshikandjohogololo
Okwa holola wo kutya limwe lyomomashongo omanene ga taalela aakalimo yomoGuinas olyo ompumbwe yuupangelo niipangelo moshikandjohogololo.
“Shimwe shomiinima mbyoka tatu ka longa osho egandjo lyomayakulo guundjolowele, oshoka Guinas oshikandjohogololo oshinene,” okwa ti.
Shoka okwe shi popi konima owala yomasiku omashona sho oshikundaneki shoNamibian Sun she eta puuyelele nkene aakalimo yomoFarm Ondera haya thiminikwa ya longithe oshimaliwa shawo oshindji opo ya ka pangwe kuupangelo wokokulekule, oshikwawo ohaya longo nuudhigu ngele tashi ya pokumona omayakulo gopaundjolowele moonkalo dhopaulomompumbwe.
Khumub okwa ti ota ka ya moonkundathana naanambelewa yuuministeli wuundjolowele ku talike ngele otaya vulu okulongela metungo lyomoFarm Ondera, ndjoka ngaashingeyi hali longithwa momatuntilo nomayakulo galwe gopakathimbo.
“Etungo opo li li nale – shi li ko okupopya owala nuuministeli wuundjolowele tu tale ngele tatu longo nasho,” okwa ti.
Okwa ti moshikandjohogololo Guinas omu na omavi omawanawa (omatathapya) go opalela uunamapya nuuniimuna, naKhumub okwa dhiladhile a hiye aalongithipunguli opo ya kwathe oshikandjohogololo shi hume komeho. Okwiitaala kutya shoka otashi ka kandula po omukundu gwondjele yokwaa-na-iilonga yi li pombanda mokati kaagundjuka.
[email protected]
Comments
Namibian Sun
No comments have been left on this article