Ketu: Itula okwa ningile ndje omatilitho kutya ota blocka ongodhi yandje

Omunangeshefa a tseyika nawa mOkalongo Josua ‘Ketu 2000’ Mwetupunga okwa galukile koSwapo ohela, okuza kongundu yoIndependent Patriots for Change (IPC) konima yokutya kutya Omupresitende gwoIPC Omundohotola Panduleni Itula okwe mu ningile omatilitho kutya ota blocka ongodhi ye ngele ota tsikile nokupopya kombinga yuukayamukulwa we naasho mongundu ihaa mu hokololithwa aantu.Mwetupunga, ngoka a ti oye gumwe gwomaatoti po yongundu yoIPC, okwa li omuulikwahogololwa muukamunsela woshikandjohogololo shaKalongo momahogololo gomomumvo 2020, ashike ke mo momusholondondo gwomuSeptemba gwiilyo yOmutumba gwoPashigwana.Mombilive ye yokuthiga po ongundu, Mwetupunga okwa gandja omatompelo gaheyali kutya omolwashike a thigile po ongundu yoIPC, moka mwa kwatelwa uuyelele inau yela nawa kombinga yankene kwa ungaungiwa noshigongiilonga shokuhogolola iilyo tayi ka kalela po ongundu mOmutumba gwoPashigwana.Mwetupunga okwa ndopa okuya momusholondondo gwookandidate 96 dhoIPC, nokwa ti shoka osho sha teya ontsezi olwiinga, nokwa tokola opo a thige po ongundu.‘Uukayamukulwa’ Okwa ti sho a li ta popi niItula mongodhi pomathimbo mpaka, Iitula okwe mu ningile omatilitho kutya ota blocka ongodhi ye ngele okwa tsikile nokukambadhala okukupukulula aawiliki yongundu, shika oshe eta, opo i ipule nawa.“Ngame gumwe gomaatoti po yongundu yoIPC, ngaashi owala Itula. Ngame gumwe gwomwaamboka ya kongo omaishanokaha gaantu opo ongundu yi nyolithwe kOkakomisi kOmahogololo moNamibia,” okwa lombwele Namibian Sun.“Otandi shi popi ndaa na uumbanda washa kutya Itula okayamukulwa. Oto kala ngiini omuleli gwongundu yompilameno ihe iho pulakene kutse mba tu li komutunda tu li noshigwana?”Mwetupunga okwa gwedha po: “Ngame omunangeshefa nda longitha omaliko gandje molwa uuwanawa woshigwana, oshikwawo, onda kutha ombinga mekondjelo manguluko lyoshilongo shika ihe ota lombwele ndje mongodhi kutya ngele itandi hulitha po okupukulula aawiliki, inandi mu dhengela nenge ndi mu tumine uukwatamawi, ngele hasho ota blocka onomola yandje. Omuleli gwoludhi luni ha longo ngawo?”Okwa holola wo kutya okwa ulikwa pamuthika gwoshikandjohogololo nopamuthika gwopashitopolwa opo a ka kalele po ongundu. "Ashike sho twa yi koshigongiilonga shopaigwana shokuhogolola iilyo tayi ka kalela po ongundu mOmutumba gwopashigwana kOvenduka, otwa thiminikwa tu hogolole aantu yokiitopolwa yilwe owala. Lombwela ndje, otashi ikwata ngaa opo omuntu wu hogolole omuntu waa shi uukwatya we?“Ngele shoka inashi gwana, inatu tseya kutya mboka ye li momusholondondo oya mona omawi gangapi. Kashi li pauyuuki nomolwaashoka, ngame nomukulukadhi gwandje, otwa tokola tu galukile koSwapo.”Iikumungu yomongunduSho a pulwa ngele okwa yemata owala molwaashoka kee mo momusholondondo gwiilyo tayi ka kalela po IPC mOmutumba gwoPashigwana, Mwetupunga okwa ti inaya wayimina opolitika molwa oopoosa ihe onelalakano okweeta elunduluko moNamibia ayihe.Mombilive ye yokuthiga po ongundu, okwa ti wo kutya omatokolo ihaga ningwa kaantu ayehe mongundu ye nale.Oshikwawo, okwa ti oluhoko oluhoko mongundu yoIPC, okuza pevi( paitopolwa) sigo opombanda ( pashigwana).Mwetupunga okwi indile mboka a hwahwameka ya wayimine ongundu opo ya ze mo mongundu yoIPC nokugalukila koSwapo.Oshilongo shuudemokoliSho a kwatakaniwa naye opo a tye ko sha, omupopiliko gwoIPC Immanuel Nashinge okwa koleke a yakula ombilive yokuza mo mongundu kwaMwetupunga ihe Nashinge okwa yamukula nonyati kombinga yuukayamukulwa mokulela kwaItula.“Haye gwotango ta popi kombinga yuukayamukulwa; omahokololo ngono omakulu. Haye gwotango ta thigi po ongundu nohaye ta kala gwahugunina. Otatu pula komeho naamboka ya hala okumangulula Namibia. Otatu ka tsakanena naye nookuume ke momasiku 27 gaNovemba ,” Nashinge a ti.Nashinge okwa ti aantu oya wayimine ongundu yoIPC kuyoyene, nongele oya hala okuza mo, uuthemba wawo okushi ninga.“Owi ile, nongele owa hala okuya, mbono uuthemba woye wopaudemokoli. Mboka inaya ilongekidhila elunduluko otaya ka ya. Otatu tala koshinenenima shomomasiku 27 Novemba sho tatu ka hogolola.”#NamibiaTaTokola2024#NamibiaDecides2024

Ketu: Itula okwa ningile ndje omatilitho kutya ota blocka ongodhi yandje

Comments

Namibian Sun 2024-11-22

Please login to leave a comment

Ketu: Itula okwa ningile ndje omatilitho kutya ota blocka ongodhi yandje

Comments

Namibian Sun 2024-11-22

Please login to leave a comment

Login