Iilonga yoSwapo oyi iwetikile – Netumbo
Omupevi-presitende gwoSwapo noye okandidate yopaupresitende Netumbo Nandi-Ndaitwah okwa ti omayenyeto kutya ongundu tayi pangele inayi longa sha okuza sho oshilongo sha mangulukile- kage li mondjila.
Pethimbo ta gandja oshipopiwa she mOlyomakaya koRundu, Nandi-Ndaitwah okwa ti kutya ongundu yoSwapo oyo osheenditho shoka she eta ekoko nehumo komeho lyoshilongo.
Okwa dhenge omuthindo kutya ongundu yoSwapo itaya ka gwaaleka nande Aanamibia mboka yi itaala momukandauvaneko gwawo nomondjodhi yonakuyiwa.
“Oomvula 34 dha piti odhe ya nomalunduluko omanene. Aasheki yetu otaya vulu okutya inapu lunduluka sha okuza pemanguluko, ashike ongongundu nongepangelo, otatu koleke kutya haayihe yi li nawa," okwa ti.
"Otwa tseya kombinga yomashongo twa taalela, unenene okwaa-na-iilonga, hoka kwa guma nayi aagundjuka notaku etitha oluhepo niigwana yetu. Kakele, iilonga noopolohalama twa tula miilonga odha longwa opo dhi kuthe po okwaa-na-iilonga nokukandula po oluhepo,” okwa gwedha po.
Elongo ongoshitsa shotango
Okandidate yopaupresitende oya dhenge omuthindo kesimano lyelongo ongekankameno lyomilandu dhoSwapo, nokwa ndjandjukununa elongo “ongo omuthikithi-pamwe omunene nomunkondopeki.”
“Nomolwaashoka, okuza mo1990, otwa tala lela kelongo. Nena, oopelesenda 90% dhAanamibia oye shi okunyola nokuyalula noopelesenda 98% dhuunona Uunamibia ohawu yi koskola.
Ooskola odha tungwa moshilongo ashihe.
"Mokati kooskola 14 047 dha li moshilongo mo2022, 181 odhi li moKavango Uuzilo, mwa kwatelwa ooskola dhookombaina 36, ooprimaskola 125, oosekondele 11, oskola yimwe yoompumbwe dhi ikalekelwa (aanuulema), oshiputudhilo shimwe shelongo lyopombanda, nomandiki gaheyali guungomba. Kehe ngoka ta ti epangelo olye etha po iitopolwa ngaashi Kavango Uuzilo ota fundju. Oyana yetu ohaya yi kooskola ndhika."
Ondungethaneko
Omupevi-presitende gwoSwapo okwa popi wo kombinga yekoko lyookinda mooprimaskola, okwa ndhindhilike kutya ookinda ndhika ohadhi lelwa kaakwashigwana pakwathelo lyepangelo.
Okwa ti ongundu yoSwapo oyi itula mo mokweendeleleka ekwatele mo lyookinda moskola yongula moshilongo, omanga tayi tsikile nokutunga ooskola oompe.
"Ngaashi nda uvanekele pethimbo nda li ominista yiipambele yaakiintu nonkalo nawa yuunona, ondi itula mo mokukwatela mo ookinda moskola yongula manga inaandi za ko kuuministeli mboka– nena, otu na ookinda mooskola dhetu. Ohandi ningi omauvaneko tandi vulu okuga tsakanitha. Omukandauvaneko goSwapo kagu shi owala odokumende; ogwo ondungethaneko tayi ka tulwa miilonga."
Uundjolowele wAanamibia
Nandi-Ndaitwah okwa longitha ompito opo a holole eyokomeho lya ningwa po moshikondo shuundjolowele, ta popi kombinga yetalelo po lye koshipangelo shaRundu ongula yOlyomakaya.
“Onda kwashilipalekwa natango mokuuva kutya otu na ngaashingeyi oondohotola dha pyokoka ndhoka dha pumbiwa notwa mona wo omashina niilongitho ya pumbiwa, nonando oyindji oya pumbiwa natango. Eshongo natango tu na olyokutunga iipangelo opo oondohotola ndhika dha pyokoka dhi longele mo."
Okwa ti Oshitopolwa Kavango Uuzilo oshi na omayakulilo guundjolowele 40, okuza komayakulilo guundjolowele 32 mo2016.
"Omayakulilo guundjolowele ngaka oga kwatela mo uuklinika 36, endiki limwe lyuundjolowele, iipangelo iyali yopaitopolwa noshipangelo shimwe oshinenenene. Natu nkondopeke oshipangelo shetu oshinenenene mokukwashilipaleka oshi na aaniilonga ya pumbiwa noosala noombete dha gwana. Oshigwana shi na uundjolowele osho oshigwana shi na oonkondo dhokweeta po sha, noitatu vulu tu okweethela pevi uundjolowele waantu yetu," okwa ti.
Okwa holola wo kutya omukandauvaneko gwoSwapo ogwa tala koopolohalama dhuundjolowele wopamadhiladhilo noketamununo mo lyomayakulilo guundjolowele, mwa kwatelwa okutula pamuthika uuklinika wu ninge omandiki guundjolowele.
“Oshikwawo, otwi itula mo mokugwedhela oshimaliwa (oshikwiila) shaakulupe, shoothigwa, shuunona wu li moluhepo, shaanuulema noshoonakulwa aakulu. Otwa tameka okugandja oshimaliwa(omakwatho) shi kwathele mboka ye li mompumbwe mboka ihaya mono omakwatho galwe ga za kepangelo,” okwa gwedha po.
[email protected]
#NamibiaDecides2024
Pethimbo ta gandja oshipopiwa she mOlyomakaya koRundu, Nandi-Ndaitwah okwa ti kutya ongundu yoSwapo oyo osheenditho shoka she eta ekoko nehumo komeho lyoshilongo.
Okwa dhenge omuthindo kutya ongundu yoSwapo itaya ka gwaaleka nande Aanamibia mboka yi itaala momukandauvaneko gwawo nomondjodhi yonakuyiwa.
“Oomvula 34 dha piti odhe ya nomalunduluko omanene. Aasheki yetu otaya vulu okutya inapu lunduluka sha okuza pemanguluko, ashike ongongundu nongepangelo, otatu koleke kutya haayihe yi li nawa," okwa ti.
"Otwa tseya kombinga yomashongo twa taalela, unenene okwaa-na-iilonga, hoka kwa guma nayi aagundjuka notaku etitha oluhepo niigwana yetu. Kakele, iilonga noopolohalama twa tula miilonga odha longwa opo dhi kuthe po okwaa-na-iilonga nokukandula po oluhepo,” okwa gwedha po.
Elongo ongoshitsa shotango
Okandidate yopaupresitende oya dhenge omuthindo kesimano lyelongo ongekankameno lyomilandu dhoSwapo, nokwa ndjandjukununa elongo “ongo omuthikithi-pamwe omunene nomunkondopeki.”
“Nomolwaashoka, okuza mo1990, otwa tala lela kelongo. Nena, oopelesenda 90% dhAanamibia oye shi okunyola nokuyalula noopelesenda 98% dhuunona Uunamibia ohawu yi koskola.
Ooskola odha tungwa moshilongo ashihe.
"Mokati kooskola 14 047 dha li moshilongo mo2022, 181 odhi li moKavango Uuzilo, mwa kwatelwa ooskola dhookombaina 36, ooprimaskola 125, oosekondele 11, oskola yimwe yoompumbwe dhi ikalekelwa (aanuulema), oshiputudhilo shimwe shelongo lyopombanda, nomandiki gaheyali guungomba. Kehe ngoka ta ti epangelo olye etha po iitopolwa ngaashi Kavango Uuzilo ota fundju. Oyana yetu ohaya yi kooskola ndhika."
Ondungethaneko
Omupevi-presitende gwoSwapo okwa popi wo kombinga yekoko lyookinda mooprimaskola, okwa ndhindhilike kutya ookinda ndhika ohadhi lelwa kaakwashigwana pakwathelo lyepangelo.
Okwa ti ongundu yoSwapo oyi itula mo mokweendeleleka ekwatele mo lyookinda moskola yongula moshilongo, omanga tayi tsikile nokutunga ooskola oompe.
"Ngaashi nda uvanekele pethimbo nda li ominista yiipambele yaakiintu nonkalo nawa yuunona, ondi itula mo mokukwatela mo ookinda moskola yongula manga inaandi za ko kuuministeli mboka– nena, otu na ookinda mooskola dhetu. Ohandi ningi omauvaneko tandi vulu okuga tsakanitha. Omukandauvaneko goSwapo kagu shi owala odokumende; ogwo ondungethaneko tayi ka tulwa miilonga."
Uundjolowele wAanamibia
Nandi-Ndaitwah okwa longitha ompito opo a holole eyokomeho lya ningwa po moshikondo shuundjolowele, ta popi kombinga yetalelo po lye koshipangelo shaRundu ongula yOlyomakaya.
“Onda kwashilipalekwa natango mokuuva kutya otu na ngaashingeyi oondohotola dha pyokoka ndhoka dha pumbiwa notwa mona wo omashina niilongitho ya pumbiwa, nonando oyindji oya pumbiwa natango. Eshongo natango tu na olyokutunga iipangelo opo oondohotola ndhika dha pyokoka dhi longele mo."
Okwa ti Oshitopolwa Kavango Uuzilo oshi na omayakulilo guundjolowele 40, okuza komayakulilo guundjolowele 32 mo2016.
"Omayakulilo guundjolowele ngaka oga kwatela mo uuklinika 36, endiki limwe lyuundjolowele, iipangelo iyali yopaitopolwa noshipangelo shimwe oshinenenene. Natu nkondopeke oshipangelo shetu oshinenenene mokukwashilipaleka oshi na aaniilonga ya pumbiwa noosala noombete dha gwana. Oshigwana shi na uundjolowele osho oshigwana shi na oonkondo dhokweeta po sha, noitatu vulu tu okweethela pevi uundjolowele waantu yetu," okwa ti.
Okwa holola wo kutya omukandauvaneko gwoSwapo ogwa tala koopolohalama dhuundjolowele wopamadhiladhilo noketamununo mo lyomayakulilo guundjolowele, mwa kwatelwa okutula pamuthika uuklinika wu ninge omandiki guundjolowele.
“Oshikwawo, otwi itula mo mokugwedhela oshimaliwa (oshikwiila) shaakulupe, shoothigwa, shuunona wu li moluhepo, shaanuulema noshoonakulwa aakulu. Otwa tameka okugandja oshimaliwa(omakwatho) shi kwathele mboka ye li mompumbwe mboka ihaya mono omakwatho galwe ga za kepangelo,” okwa gwedha po.
[email protected]
#NamibiaDecides2024
Comments
Namibian Sun
No comments have been left on this article