Ookwaathanekwa kwaanandholongo otaku yi moshipala okukwatululwa kwawo, onzo ya ti

Opolisi otayi ti oyi na omulandu tagu dhengele opo aanandholongo ya kale ya thanekwa omafano, unenene mboka ya longa iikulumuna ya shiga ko naamboka inayaa pangulwa natango.Kakele, paushili, iitaasi yimwe yopolisi ohayi ndopa okutula miilonga omulandu nguka, shoka hashi dhigupaleke olukongo lwaalongi yomiyonena ngele yi iyaka mokakuma.Konima yoomwedhi ne, Oshikondo shOkukonakona Iimbuluma mOpolisi osha holola kutya okuza mo2019, aanandholongo 970 oyi iyaka mondholongo. Mokati kawo aanandholongo 690 oya kwatululwa, omanga 284 oye li we mokashoko natango.Omwedhi gwa zi ko, aanandholongo 11 oyi iyaka mokakuma kopolisi yaMuthiya, mokati kaamboka yahamano oya kwatululwa. Opolisi yaMuthiya otayi adhika metungo lyoshinanena moombonge oonene dhElelo lyOshitopolwa shaShikoto, ndyoka lya tungwa koomiliona N$280.Kape na omafanoKakele, omupolisi gwomOshikoto, ngoka inaa hala okutumbulwa kedhina, okwa ti opolisi otayi nyengwa okukwatulula yatano mboka ya fadhuka po omolwashoka kape na omathano gawo.Kakele kwaashika, opolisi oyi indila oshigwana shi ya kongithe ko kaafekelwa mbaka, shoka she eta opolisi yi landule omifofodholo ndhoka "hadhi mana po ethimbo niiniwe," omupolisi a hokolola.“Nopolisi ya hala nokuhalela okukwatulula aalongi yomiyonena, ohayi pulakene kukehe ehokololo, nuuna aapolisi ye ya pehala ndyoka ya lombwela, ohaya dhimbulula kutya aantu nenge omuntu ta fekelwa haye ngoka ta kongwa."Okwa ti ando shika osha yandwa ngele aanandholongo oya thanekelwe.Poompito dhimwe, aapolisi oye na elago lyokukwata aafekelwa okupitila mokumona omafano gawo komapandja gawo gokomalungula.OmulanduSho a kwatakaniwa naye a tye kosha mEtitano lyoshiwike sha zi ko, Omupeha Inspekta gwopolisi gwIikwambelewa, Mayola Ndjai Anne-Marie Nainda, okwa ti: “Shika oshinyangadhalwa hashi ningwa, ano omulandu gwopolisi, kutya uuna twa kwata po aafekelwa, unene mboka ya longa iikulumana ya shiga ko...aanambelewa-konakoni nenge aapolisi yomalunga naya thaneke nokukutha aafekelwa mboka omanyala.” Okwa ti omafano oga simana molwa omatompelo ogendji, mwa kwatelwa okudhimbulula nawa aafekelwa opo ya holoke mompangu, oshowo okudhimbulula oonakufadhukapo naamboka haya ndopa okugwanitha po omalombwelo gombooloha nenge ihaya holoka kompangu uuna tashi dhengele.Omathano ohage shi "tu ningile oshipu tu andjaganeke omafano ngoka noku ya kwatulula nenge okuya mona mpoka ye li," okwa ti.Kombinga yoshikumungu shokOmuthiya, Nainda okwa ti omafano gaafekelwa oga andjaganekwa shoka she eta aanandholongo yahamano yomaanandholongo omulongo nagumwe mboka yi iyakele mondholongo ya kwatululwe."Onda kwashilipaleke owala nkene onkalo ya li, ashike aafekelwa yamwe mboka oya thanekwa – aanandholongo 11 mboka yi iyaka mokakuma, yamwe yomuyo, oomboka ya longa iikulumuna ya shiga ko, oya thanekwa,” Nainda a ti.kenya@namibiansun.com

Ookwaathanekwa kwaanandholongo otaku yi moshipala okukwatululwa kwawo, onzo ya ti

Comments

Namibian Sun 2025-04-04

Please login to leave a comment

Ookwaathanekwa kwaanandholongo otaku yi moshipala okukwatululwa kwawo, onzo ya ti

Comments

Namibian Sun 2025-04-04

Please login to leave a comment

Login