Uumutse woshilongo 40 000 wa ndumbalala mombelewa
Uuministeli wiikwameni nomatembu otau kambadhala okweeta po omifango tadhi kwatha mokuthikitha uumutse woshilongo kooyene, oshoka uumutse 52 896 womumuutse 93 019 owa ilwa kombelewa okanamundonda (muule woomvula ndatu) nuumutse 40 123 owa ndumbalala mombelewa natango.
Omayalulo ngaka ogoshikako sha 1 Apilili 2021 sigo 16 Juli nuumvo.
Pegandjo lyomauyelele okuza kokakomitiye kOkabinete oshiwike sha zi ko, omupevi minista gwiikwameni nomatembu Lucia Witbooi okwa ti dhimwe dhomomikalo taa longitha okukandula po omukundu nguka, ookamunsela yiikandjohogololo naa indile oshigwana shi ka tale ko uumutse wawo koombelewa dhawo dhopaitopolwa.
Moshigwana
Pokati mpoka, Witbooi okwa ti uuministeli owi ipyakidhila noshinyangadhalwa shomashango goyendji opo ya pewe omikanda dhoshilongo miikandjohogololo ayihe 121, oshikonga shika sha tamekele mu 5 Febuluali.
Sigo 16 Juli, aantu 94 317 oya yakulwa moshinyangadhalwa shika.
Omayakulo moshinyangadhalwa shokuya koshigwana ongaashi oonzapo dhomavalo, uumutse woshilongo, omikanda dha kana nokukutha ko uumutse woshilongo, oshowo eshango nendhindhiliko lyaantu yaa na uukwashigwana naamboka yaa na uuthemba woshilongo.
“Oshinyangadhalwa shika otashi hulu 31 Juli noshigwana osha tegelelwa shi longithe ompito ndjika," okwa ti.
Uukwatya waantu yaa na uukwashigwana ohau ndhindhilikwa pethimbo lyomashango moshigwana ku kwashilipalekwe kutya aantu yaa na uukwashigwana noyaa na uuthemba woshilongo oya ndhindhilikwa. “Uukwatya wawo otau ka konakonwa, nomaindilo gawo otaga ka talika nawa.”
Iipumbiwanima inayi lunduluka natango
Witbooi okwa ti uukwatya waantu yaa na uukwashigwana noyaa na uuthemba woshilongo otau ka nyolwa membo lyomadhina, ndyoka tali ka kwatha mokuya totha mo nokuya konga mo uuna oontotwaveta dha pitithwa, ndhoka tadhi popi kombinga yaantu yaa na uukwashigwana naamboka yaa na uuthemba woshilongo.
“Nandi tumbule kutya iipumbiwanima yokumona omikanda dhoshilongo inayi lunduluka," okwa fatulula.
Witbooi okwa ti omikanda dhoshilongo ohadhi pewa owala mboka ya gwanitha po iipumbiwanima ngaashi ya tulwa po koveta.
“Omayakulo gomashango otaga tsikile ngaashi shito koombelewa dhetu moshilongo ashihe.”
Omayalulo ngaka ogoshikako sha 1 Apilili 2021 sigo 16 Juli nuumvo.
Pegandjo lyomauyelele okuza kokakomitiye kOkabinete oshiwike sha zi ko, omupevi minista gwiikwameni nomatembu Lucia Witbooi okwa ti dhimwe dhomomikalo taa longitha okukandula po omukundu nguka, ookamunsela yiikandjohogololo naa indile oshigwana shi ka tale ko uumutse wawo koombelewa dhawo dhopaitopolwa.
Moshigwana
Pokati mpoka, Witbooi okwa ti uuministeli owi ipyakidhila noshinyangadhalwa shomashango goyendji opo ya pewe omikanda dhoshilongo miikandjohogololo ayihe 121, oshikonga shika sha tamekele mu 5 Febuluali.
Sigo 16 Juli, aantu 94 317 oya yakulwa moshinyangadhalwa shika.
Omayakulo moshinyangadhalwa shokuya koshigwana ongaashi oonzapo dhomavalo, uumutse woshilongo, omikanda dha kana nokukutha ko uumutse woshilongo, oshowo eshango nendhindhiliko lyaantu yaa na uukwashigwana naamboka yaa na uuthemba woshilongo.
“Oshinyangadhalwa shika otashi hulu 31 Juli noshigwana osha tegelelwa shi longithe ompito ndjika," okwa ti.
Uukwatya waantu yaa na uukwashigwana ohau ndhindhilikwa pethimbo lyomashango moshigwana ku kwashilipalekwe kutya aantu yaa na uukwashigwana noyaa na uuthemba woshilongo oya ndhindhilikwa. “Uukwatya wawo otau ka konakonwa, nomaindilo gawo otaga ka talika nawa.”
Iipumbiwanima inayi lunduluka natango
Witbooi okwa ti uukwatya waantu yaa na uukwashigwana noyaa na uuthemba woshilongo otau ka nyolwa membo lyomadhina, ndyoka tali ka kwatha mokuya totha mo nokuya konga mo uuna oontotwaveta dha pitithwa, ndhoka tadhi popi kombinga yaantu yaa na uukwashigwana naamboka yaa na uuthemba woshilongo.
“Nandi tumbule kutya iipumbiwanima yokumona omikanda dhoshilongo inayi lunduluka," okwa fatulula.
Witbooi okwa ti omikanda dhoshilongo ohadhi pewa owala mboka ya gwanitha po iipumbiwanima ngaashi ya tulwa po koveta.
“Omayakulo gomashango otaga tsikile ngaashi shito koombelewa dhetu moshilongo ashihe.”
Comments
Namibian Sun
No comments have been left on this article