Schlettwein a kaleke elando lyevi moAngola

Ehangano lyedhina Afrikuumba lyomunangeshefa moshikondo shomatungo Uazuva Kaumbi olya pula eyelitho okuza kepangelo, sha landula sho ominista yemona, Calle Schlettwein a pula opo uuministeli wiipindi wu kaleke meendelelo etsokumwe lyelando lyevi koshimaliwa shoomiliyona117, moLuanda shaAngola. Oshifokundaneki shoThe Namibian osha lopota mOmaandaha kutya epangelo lyaandjetu olya hala okulanda etungo lyoomiliyona 117 moAngola, netungo ndyoka olyomunangeshefa Titus Nakuumba. Oshikundaneki shoka osha lopota kutya evi ndyoka olyuunene woosquare metres 14 000 omanga omatungo ge na uunene woosquare metres 20 000. Palopota ndjoka ya pitithwa, epangelo aniwa olya hala okutunga ehala lyoongeshefa, noombelewa, ongulu yiilonga oshowo omagumbo nehala lyoompungulilo.Kaumbi okwa popi kutya uuministeli wiipindi oshowo mboka wiilonga owa holola hokwe yokulanda po ehala ndyoka okuza koAfrikuumba. “Otwa pumba okuuva kutya omolwashike elando ndyoka lya kalekwa, inatu pewa omatompelo gasha.” Osheendo shaanambelewa okuza kombelewa yahahende ndjai gwepangelo oshowo okuza kuuminsteli wiilonga nuuministeli wiipindi oya li ya yi koLuanda, opo ya tale ehala ndyoka pahapu dhaKaumbi. Naamboka oya holola kutya ehala ndyoka olya pumbiwa kepangelo.Kaumbi okwa tsikile kutya ehala ndyoka tali popiwa, epangelo olya pewa ompito yokulanda ehala ndyoka kondando yi li pevi, moka tali vulu okufuta ko oshipambu shimwe nokukala tali futuko shoka sha hupako muule woomvula ne. Olopota ndjoka ya pitithwa koThe Namibian oya ulike okopi yetsokumwe lyelando ndyoka, moka epangelo tali pumbwa li fute oopresenda 10 dhoshimaliwa shoomiliyona 1 yaUS, muule womasiku 14 ngele etsokumwe ndyoka lya shainwa noshimaliwa shoomiliyona dhaUs 1.5 otadhi pumbwa okufutwa omanga ehala ndyoka inali lundululwa momake gepangelo.Olopota yetsokumwe ndyoka natango oya ulike kutya oshimaliwa shoomiliyona 7.5 otashi kala nokufutwa muule woomvula ne niishoshela yoopresenda hamano.Ominista yemona oya popi kutya kutya oshiketha shiiyemo yepangelo inashi zimina elando ndyoka, na inaku landulwa omilandu ngaashi dhi li po. Kaumbi okwa popi kutya okwiinekela kutya uuministeli wiipindi otawu ke ya yelithila kutya omolwashike etsokumwe ndyoka tali kalekwa, sho epangelo lya kala tali ulike omulilo omuzizi melando lyehala ndyoka. Schlettwein okwa popi kutya uuministeli wiipindi inawu ninga eindilo lya sha okuza koshikondo shemona, na owa pumbwa woo natango okumona eziminino okuza kuhahende ndjai.Amushanga muuministeli wiipindi, Gabriel Sinimbo okwa popi kutya ita ti sha kombinga yoshikumungu shoka na okwa popi kutya eyamukulo olya pumbwa okuza kominista.OGONE TLHAGE

Schlettwein a kaleke elando lyevi moAngola

Comments

Namibian Sun 2025-04-04

Please login to leave a comment

Schlettwein a kaleke elando lyevi moAngola

Comments

Namibian Sun 2025-04-04

Please login to leave a comment

Login