Roads Authority a falwa kompangu
YANNA SMITH
Moshipotha shoka tashi ka kala shotango sholudhi ndoka mondjokonona yaNamibia, ehangano lyoG4S Cash Solutions Namibia olya tokola okufutitha ehangano lyoRoads Authority (RA), opamwe naBrigitte Goases omolwa oshiponga shomondjila shoka sha holoka pokati kaVenduka naRehoboth.
G4S okwa popi kutya ombesa ye yoIveco oyiidhenge mongombe ya sa ndjoka ya li ya lala mondjila pokati kotundi onti 22:57 momasiku 19 Novemba 2015.
Ehangano olya popi kutya okwa li kwa ningwa oshiponga shotango moka ololi yiidhinge mongombe yaGoases ndjoka yaadhika tayi enda enda mondjila yoB1 na oya dhipagwa moshiponga shoka ihe oya kala owala yeethiwa yi kale mopate.
Oshiponga oshitiyali osha etitha ohauto ndjoka yiidhenge mohauto ya li komeho yawo yehangano lyoWP Transport.
Onga oshizemo shoshiponga shoka, G4S okwa popi kutya okwa futu oshimaliwa sha thika poN$300 065 omolwa eyonagulo kohauto yawo ndjoka mwakwatelwa iifuta yokunana po ehauto okuza pehala lyoshiponga.
Natango WP Transport ota pula ehangano ndyoka opo li mu fute oshimaliwa sha thika pooN$1 228 436.86, mwakwatelwa iishoshela yoopresenda 20, omolwa eyonagulo lya ningilwa eloli lyawo.
G4S ota gandja uusama kuRA oshowo Gaoses kutya oyo ya pumbwa okupewa uusama moshiningwanima shoka.
Pahapu dhaG4S, Goases oye mwene gwongombe ndjoka nompango oye mu pa oshinakugwanithwa shokukwashilipaleka kutya iimuna ye inayi kala mopate yaayehe paku kaleka oloogolo lwe monkalo yi li nawa.
Oya popi kutya shoka otashi uthwa kompango yoRoads Ordinance yomo 1972.
G4S okwa lombwele ompangu kutya RA oku na oshinakugwanithwa shokupangela omweelo gokamba yiimuna mondjila yo D1320 popepi noGroot Aub.
Ehangano ndyoka olya popi kutya RA oku na oshinakugwanithwa shokukwashilipaleka kutya oloogolo ndoka olya longwa nawa niimuna itayi vulu okuza mo opo yi ka kale mondjila yaayehe.
Ayehe RA oshowo Goases oya tindi okuzimina ondjo moshiningwanima shoka.
Momaandaha omupanguli Herman Oosthuizen okwa undulile oshipotha shika komasiku 18 gaFebruali. Francois Erasmus ota kalelepo paveta G4S omanga Francois Bangamwabo ta kalelepo RA na Trevor Brockerhoff ota kalelepo Goases.
Moshipotha shoka tashi ka kala shotango sholudhi ndoka mondjokonona yaNamibia, ehangano lyoG4S Cash Solutions Namibia olya tokola okufutitha ehangano lyoRoads Authority (RA), opamwe naBrigitte Goases omolwa oshiponga shomondjila shoka sha holoka pokati kaVenduka naRehoboth.
G4S okwa popi kutya ombesa ye yoIveco oyiidhenge mongombe ya sa ndjoka ya li ya lala mondjila pokati kotundi onti 22:57 momasiku 19 Novemba 2015.
Ehangano olya popi kutya okwa li kwa ningwa oshiponga shotango moka ololi yiidhinge mongombe yaGoases ndjoka yaadhika tayi enda enda mondjila yoB1 na oya dhipagwa moshiponga shoka ihe oya kala owala yeethiwa yi kale mopate.
Oshiponga oshitiyali osha etitha ohauto ndjoka yiidhenge mohauto ya li komeho yawo yehangano lyoWP Transport.
Onga oshizemo shoshiponga shoka, G4S okwa popi kutya okwa futu oshimaliwa sha thika poN$300 065 omolwa eyonagulo kohauto yawo ndjoka mwakwatelwa iifuta yokunana po ehauto okuza pehala lyoshiponga.
Natango WP Transport ota pula ehangano ndyoka opo li mu fute oshimaliwa sha thika pooN$1 228 436.86, mwakwatelwa iishoshela yoopresenda 20, omolwa eyonagulo lya ningilwa eloli lyawo.
G4S ota gandja uusama kuRA oshowo Gaoses kutya oyo ya pumbwa okupewa uusama moshiningwanima shoka.
Pahapu dhaG4S, Goases oye mwene gwongombe ndjoka nompango oye mu pa oshinakugwanithwa shokukwashilipaleka kutya iimuna ye inayi kala mopate yaayehe paku kaleka oloogolo lwe monkalo yi li nawa.
Oya popi kutya shoka otashi uthwa kompango yoRoads Ordinance yomo 1972.
G4S okwa lombwele ompangu kutya RA oku na oshinakugwanithwa shokupangela omweelo gokamba yiimuna mondjila yo D1320 popepi noGroot Aub.
Ehangano ndyoka olya popi kutya RA oku na oshinakugwanithwa shokukwashilipaleka kutya oloogolo ndoka olya longwa nawa niimuna itayi vulu okuza mo opo yi ka kale mondjila yaayehe.
Ayehe RA oshowo Goases oya tindi okuzimina ondjo moshiningwanima shoka.
Momaandaha omupanguli Herman Oosthuizen okwa undulile oshipotha shika komasiku 18 gaFebruali. Francois Erasmus ota kalelepo paveta G4S omanga Francois Bangamwabo ta kalelepo RA na Trevor Brockerhoff ota kalelepo Goases.
Comments
Namibian Sun
No comments have been left on this article