RDP a tula einekelo lye muKavekotora
Mike Kavekotora okwa hogololwa nokuninga omupresidende omupe gwongundu yoRally for Democracy and Progress (RDP), nokudhengamo momahogololo Kandy Nehova oshowo Mariam Hamutenya sha landula omutumba gwomahogoolo gaaleli yongundu yoRDPP ngoka gwa ningwa mOsoondaha ya piti.
Ongundu ndjoka ya popi kutya aakuthimbinga ye li po 625 oya gongala moRamatex moshilandopagelo opo ya vule okukutha ombinga omahogololo gaaleli yongundu, mboka taya lele ongundu uule woomvula ntano dhili komeho.
Aakuthimbinga yeli po 490 oya kutha ombinga momahogololo.
Palopota yokomisi yomahogololo moRDP, omawi geli po 14 oga yonuka momahogololo guupresidende.
Kavekotora okwa mono omawi ge li po 243 (51.1%), a landulwa kuKandy Nehova (133) omanga Hamutenya a mono omawi 100.
Kavekotora ina vula okuholeka enyanyu lye nonando okwa zimine kutya oku na oshinakugwanithwa oshinene ngashiingeyi shi li komapepe ge.
Sho Nehova a ningilwa omapulaapulo okwa holola kutya omahogololo ngoka oga ningwa pauyuuki nopaundemokoli.
“Otandi dhilaadhila kutya ogali paundemokoli. Atuhe otwa sindana ngashiingeyi otatu ka ninga omahwahwameko twamanamo, omolwa omahogololo guupresidende oshowo gomutumba gwopashigwana. Otandi yambidhidha Kavekotora. Ngashiingeyi oye omupresidende na oye te tu kwatele komeho mokwaadha esindano lyetu.” Kennedy Shekupakela, okwa sindana po omahogololo guupeha presidende, na okwa dhengemo methigathano Heiko Lucks, omanga okandindate yimwe yiikutha mo.
Shekupakela okwa mono omawi 231, a landulwa kuLucks nomawi 137, Tjinezuma Kavari okwa mono omawi 76 omanga Eino Heelu a mono omawi 32. Pakotampango lyoRDP kape na ngoka a mono omawi ga gwana okumu petha oshipundi shoka onkene osha etitha Lucks a gandje po omawi ge kuShekupakela, ngoka kumwe omawi ge ga ningi 368.
Iizemo yamushanga gwongundu oshowo omupeha gwe nokomitiye yomahogololo oyali ya tegelelwa mOmaandaha.
NAMPA
Ongundu ndjoka ya popi kutya aakuthimbinga ye li po 625 oya gongala moRamatex moshilandopagelo opo ya vule okukutha ombinga omahogololo gaaleli yongundu, mboka taya lele ongundu uule woomvula ntano dhili komeho.
Aakuthimbinga yeli po 490 oya kutha ombinga momahogololo.
Palopota yokomisi yomahogololo moRDP, omawi geli po 14 oga yonuka momahogololo guupresidende.
Kavekotora okwa mono omawi ge li po 243 (51.1%), a landulwa kuKandy Nehova (133) omanga Hamutenya a mono omawi 100.
Kavekotora ina vula okuholeka enyanyu lye nonando okwa zimine kutya oku na oshinakugwanithwa oshinene ngashiingeyi shi li komapepe ge.
Sho Nehova a ningilwa omapulaapulo okwa holola kutya omahogololo ngoka oga ningwa pauyuuki nopaundemokoli.
“Otandi dhilaadhila kutya ogali paundemokoli. Atuhe otwa sindana ngashiingeyi otatu ka ninga omahwahwameko twamanamo, omolwa omahogololo guupresidende oshowo gomutumba gwopashigwana. Otandi yambidhidha Kavekotora. Ngashiingeyi oye omupresidende na oye te tu kwatele komeho mokwaadha esindano lyetu.” Kennedy Shekupakela, okwa sindana po omahogololo guupeha presidende, na okwa dhengemo methigathano Heiko Lucks, omanga okandindate yimwe yiikutha mo.
Shekupakela okwa mono omawi 231, a landulwa kuLucks nomawi 137, Tjinezuma Kavari okwa mono omawi 76 omanga Eino Heelu a mono omawi 32. Pakotampango lyoRDP kape na ngoka a mono omawi ga gwana okumu petha oshipundi shoka onkene osha etitha Lucks a gandje po omawi ge kuShekupakela, ngoka kumwe omawi ge ga ningi 368.
Iizemo yamushanga gwongundu oshowo omupeha gwe nokomitiye yomahogololo oyali ya tegelelwa mOmaandaha.
NAMPA
Comments
Namibian Sun
No comments have been left on this article