'Oya thaneke owala omathano'

FRANCOISE STEYNBERG NAELLANIE SMITOVENDUKA“Kandi shi ependa molwaashoka kape na ngoka a hupu,” Johannes Kambonde, ngoka a hilimo omuhingidhila Pierre Blaauw (40) okuza mokadhagadha taka pi, Etine lya piti, a popi.“Ombili unene sho kape na ngoka a hupu. Oya li taya vulu okuhupa,” Kambonde omunamimvo 43, a lombwele oshikundanekifo shoRepublikein.“Kape na ngoka a kwathelendje moku ya hupitha. Aantu oya li taya thaneke owala nokukutha uuvidio.”Kambonde, ngoka ha longele ehangano lyoHertz car rentals, okwa itsu moshiponga shoka omanga a li mondjila okuya kegumbo okuza koHosea Kutako International Airport omutenya gwEtine.“Onda nuka mo mohauto sho nda mono iitekela yokadhagadhaga tayi pi, nomuhingi ta kambadhala okuza mo.Kasha li oshipu oku mu kutha mo, onda pi koonyala. Onda kutha mo okambindja kandje na onde mu nanene koha dhopate ihe omwiidhi ogwa tameke tagu pi.Kape na ngoka a kwathelendje okudhima omulilo. Onda li nda hala okuka hila mo omufaalelwa okuza miitekela yokadhagadhaga ihe ondali ndi na okudhima omulilo tango,” Kambonde a hokolola.Okwa popi kutya oya li taya popi naBlaauw ethimbo alihe ya tegelela oambulansa yi dhike.“Onde mu pula edhina na okwe li popi kutya oye Pierre. Onde mu pula ngele okwa hokana okwa yamukula kutya ahowe.”Kambonde okwa popi kutya Blaauw okwa kala ta pula kutya omufaalelwa gwe kutya oku li ngiini.“Onde mu lombwele kutya kuume ke oku li nawa. Konima sho aagandji yomakwatho gopaulumomhumbwe ya thiki, gumwe okwe mu lombwele kutya kuume ke okwa hulitha. Kali e na okumu lombwela ngaaka.”Okwa popi kutya ina mona ehungomwenyo lyasha.“Onkalo odhigu noonkondo okumona aantu ye li momulilo. Otandi longo pethimbo ndika lyomatango omanene na otandi kala tandi piti pehala ndika kehe esiku. Okutala ehala ndika otashi kala aluhe nokudhimbulukitha ndje, kandi shi ngele omadhidhiliko ngoka otaga zi po.”Kambonde ngoka a za mOndangwa na okwa kala mOvenduka okuza omvula yo 1999, okwa popi kutya okwa hokana na oku na aanona omugoyi.“Ondi na ofamili nomutima gwandje oguuvite nayi nokweetela ohenda oofamili dhoonakusa. Ondi na ohokwe okuuva kutya omafumbiko gawo otaga ningwa uunake.”Blaauw okwa li a taambelwa moshipangelo shaLady Pohamba Private Hospital omolwa iilalo yomulilo na okwa hulitha ongula yEtitano. Omufaalelwa okwa dhimbululwa kutya Donbaldt Noa (26), omonamati gwaPaulus Noa, omunambelewa omukuluntuwiliki gwoAnti-Corruption Commission (ACC). OmakonaakonoOlopota yopetameko kombinga yoshiponga shoka okwa tegelelwa yi pitidhwe oshiwike shika koshikondo shOmakonaakono gIiponga yOmatukodhila.Olopota oya manithwa nale ihe okwa tegelelwa yi shainwe kOminista yIilonga nOmalweendo, John Mutorwa, ngoka a li keemo moshilandopangelo mehuliloshiwike.Pahapu dhomunambelelwa omupopiliko gwOpolisi, Kauna Shikwambi, okadhagadhaga hoka ka tuka okuza pokapale kaEros Airport, okiidhenge mongodhi yolusheno na oka yaka omulilo, nokupyapo thiluthilu.Oshiponga osha holoka potundi onti 14:20 pokati kOvenduka neinda lyondjila pofaalama yaKapps Farm.Omukomeho omukonaakoni gwiiponga yomatukodhila,Magnus Abraham, okwa lombwele oNamibian Sun kutya otaya konaakona kutya omolwashike okadhagadhaga hoka kali taka tuka pevi noonkondo.

'Oya thaneke owala omathano'

Comments

Namibian Sun 2025-04-02

Please login to leave a comment

'Oya thaneke owala omathano'

Comments

Namibian Sun 2025-04-02

Please login to leave a comment

Login