OTA kayi na ontseyo kombinga yedhimbuluko lyaNehale
Elelo lyopamuthigululwakalo mOndonga olya popi kutya kali na ontseyo ya sha kombinga yoshituthi shedhimbuluko lyependa lyaNdonga, Omukwaniilwa nale Nehale, shoka tashi pangelwa okuningwa mehuliloshiwike ndika twa taalela.
Edhimbuluko ndyoka otaku pangelwa tali ningwa moshikunino shiiyamakuti, mEtosha National Park.
Omunashipundi gwokomitiye ndjoka tayi longekidha edhimbuluko ndyoka, Ndashuunye “Papa” Shikongeni, okwa popi kutya Elelo lyaNdonga kali na ontseyo kombinga yoshituthidhimbuluko shoka molwaashoka oyeli moombelewa dhelelo shaaheli pamulandu.
Shikongeni okwa pititha ehiyo oshiwike shika, pamukanda gu na oshilimbo shelelo lyaNdonga ta hiya aakwashigwana mOndonga oshowo AaNamibia koombinga noombinga opo ya wayimine oshituthi shoka tashi ningilwa mOlyomakaya mEtosha.
Shikongeni okwa popi kutya mOsoondaha okwa yakula ongodhi okuzilila kuamushanga gwelelo lyaNdonga, Nepando Amupanda, na oya nyenyeta kombinga yedhimbuluko ndyoka.
“Molwaashoka aantu mboka oey li moombelewa dhelelo shaaheli paveta, oye na owala uutile kutya otu na omalalakano gokuyakutha moombelewa. Okomitiye yetu hasho ya totelwapo shoka, na oya totwapo omanga nokuli iikolokosha yaNdonga inayi tameka. Tse otatu ungaunga nedhimbuluko lyuufule wOmukwaniilwa Nehale Kambonde mo 1904. Tse itatu ungaunga nombelewa yaNdonga molwaashoka oya ndopa okutupa omikanda dhomauliko,” Shikongeni a popi. Okwa tsikile kutya nale okwali ha kuutumba nokuya moonkundathana nomukwaniilwa, ihe ngashiingeyi omukwaniilwa okuli monkalo moka ita vulu okupopya nenge okuninga omatokolo.
Shikongeni okwa popi kutya, iilyo yawo yokomitiye yili iheyali oya ulikwa mo 2016 nomvula ya piti oya ningi edhimbuluko lyawo lyotango, ndyoka lya li lya nuninwa okusuukulula oshihongwathano shaNehale poNamutoni Front mEtosha National Park.
“Otu na nale aantu mboka twali twa pewa opo tu longe nayo mokomitiye ndjika na itatu piyaganekwa kwaamboka yahala elelo. Oshituthi shetu otashi pula komeho ngaashi sha pangelwa. Tse otatu kalelepo uuthiga waNdonga na kape na we shilwe.”
Omupeha omunashipundi gwokomitiye ndjoka, oVilho Kamanya, ngoka a li nale Ngoloneya gwaShikoto, na okuli gumwe gwomookansela mboka ya tidhwa miilonga melelo lyaNdonga.
Momulandu gwoprograma yedhimbuluko ndyoka, omwa hololwa kutya , ngoka a li uulikwa nale onga omulanduli gwomukwaniilwa Immanuel Kauluma Elifas, Fillemon Nangolo Shuumbwa, otaka popya pehala lyOmukwaniilwa gwaNdonga omanga Omupeha Minista gwOmidhingoloko Tommy Nambahu kwa tegelelwa a ka popye pehala lyepangelo. Omupopiliko gwomukwaniilwa, Naeman Amalwa oshowo Nepando oya lombwele oNamibian Sun kutya kaye na ontseyo yoshituthi shoka tashi pangelwa na itaya vulu okugandja uuyelele wa gwedhwa po.
Shikongeni okwa popi kutya ehala ndyoka tali ka tulwa oshihongwathano shaNehale olya ulikwa kOmukokoli Presidende, Sam Nujoma , pamwe nOmukwaniilwa gwaNdonga mo 1993. Hugunina Shikongeni okwa popi kutya otaya kala nokuninga edhimbuluko ndyoka kehe omvula, sigo oshihongwathano shoka sha tulwa po, kutya nee onkalo yelelo lyoshilongo shoka oyi li monkalo yi li ngiini.
Omunashipundi gwokomitiye ndjoka tayi longekidha edhimbuluko ndyoka, Ndashuunye “Papa” Shikongeni, okwa popi kutya Elelo lyaNdonga kali na ontseyo kombinga yoshituthidhimbuluko shoka molwaashoka oyeli moombelewa dhelelo shaaheli pamulandu.
Shikongeni okwa pititha ehiyo oshiwike shika, pamukanda gu na oshilimbo shelelo lyaNdonga ta hiya aakwashigwana mOndonga oshowo AaNamibia koombinga noombinga opo ya wayimine oshituthi shoka tashi ningilwa mOlyomakaya mEtosha.
Shikongeni okwa popi kutya mOsoondaha okwa yakula ongodhi okuzilila kuamushanga gwelelo lyaNdonga, Nepando Amupanda, na oya nyenyeta kombinga yedhimbuluko ndyoka.
“Molwaashoka aantu mboka oey li moombelewa dhelelo shaaheli paveta, oye na owala uutile kutya otu na omalalakano gokuyakutha moombelewa. Okomitiye yetu hasho ya totelwapo shoka, na oya totwapo omanga nokuli iikolokosha yaNdonga inayi tameka. Tse otatu ungaunga nedhimbuluko lyuufule wOmukwaniilwa Nehale Kambonde mo 1904. Tse itatu ungaunga nombelewa yaNdonga molwaashoka oya ndopa okutupa omikanda dhomauliko,” Shikongeni a popi. Okwa tsikile kutya nale okwali ha kuutumba nokuya moonkundathana nomukwaniilwa, ihe ngashiingeyi omukwaniilwa okuli monkalo moka ita vulu okupopya nenge okuninga omatokolo.
Shikongeni okwa popi kutya, iilyo yawo yokomitiye yili iheyali oya ulikwa mo 2016 nomvula ya piti oya ningi edhimbuluko lyawo lyotango, ndyoka lya li lya nuninwa okusuukulula oshihongwathano shaNehale poNamutoni Front mEtosha National Park.
“Otu na nale aantu mboka twali twa pewa opo tu longe nayo mokomitiye ndjika na itatu piyaganekwa kwaamboka yahala elelo. Oshituthi shetu otashi pula komeho ngaashi sha pangelwa. Tse otatu kalelepo uuthiga waNdonga na kape na we shilwe.”
Omupeha omunashipundi gwokomitiye ndjoka, oVilho Kamanya, ngoka a li nale Ngoloneya gwaShikoto, na okuli gumwe gwomookansela mboka ya tidhwa miilonga melelo lyaNdonga.
Momulandu gwoprograma yedhimbuluko ndyoka, omwa hololwa kutya , ngoka a li uulikwa nale onga omulanduli gwomukwaniilwa Immanuel Kauluma Elifas, Fillemon Nangolo Shuumbwa, otaka popya pehala lyOmukwaniilwa gwaNdonga omanga Omupeha Minista gwOmidhingoloko Tommy Nambahu kwa tegelelwa a ka popye pehala lyepangelo. Omupopiliko gwomukwaniilwa, Naeman Amalwa oshowo Nepando oya lombwele oNamibian Sun kutya kaye na ontseyo yoshituthi shoka tashi pangelwa na itaya vulu okugandja uuyelele wa gwedhwa po.
Shikongeni okwa popi kutya ehala ndyoka tali ka tulwa oshihongwathano shaNehale olya ulikwa kOmukokoli Presidende, Sam Nujoma , pamwe nOmukwaniilwa gwaNdonga mo 1993. Hugunina Shikongeni okwa popi kutya otaya kala nokuninga edhimbuluko ndyoka kehe omvula, sigo oshihongwathano shoka sha tulwa po, kutya nee onkalo yelelo lyoshilongo shoka oyi li monkalo yi li ngiini.
Comments
Namibian Sun
No comments have been left on this article