Osasiyona yopolisi mOshifo inayi pwa okutungwa natango
Oshikondo shiilonga yomatungo mOpolisi yaNamibia osha kutha ko iilonga yetungo lyosasiyona yopolisi mOshifo moRuacana moshitopolwa shaMusati, sho ehangano lyoAMA Engineering and Construction, lya ndopa okugwanitha po iilonga.
Etungo ndyoka lyongushu yoomiliyona 27.8 olya tamekele mo 2012 na olya kala uule woomvula hamano inali manithwa sha landula omananathano ga kala pokati kehangano ndyoka lyokutunga oshowo uuministeli wegameno nuuhepelo. Ehangano ndyoka olya li lya pewa otendela opo li tunge osasiyona ndjoka mo 2011, niilonga oya tamekelwa mo 2012 na oyali ya tegelelwa yi manithwe mo 2014. Palopota yomuyalulimambo gwepangelo, ndjoka yomo 2016, momvula yo 2012 uuministeli owiikalekele iimaliwa yoomiliyona 27.8 mbyoka ya nuninwa opoloyeka ndoka opo yi kale yamanithwa momwedhi Malitsa mo 2014. Okuya muMalitsa gwo 2015, oomiliyona 21.65 odha longithwa mopoloyeka ndjoka nonando inayi manithwa. Omupopiliko gwopolisi yaNamibia, Chief Inspector Kauna Shikwambi, okwa popi kutya oshikondo shopolisi kasha li sha nyanyukilwa iilonga yehangano ndyoka lyoAMA Engineering and Construction na oya pula opo li hulithe po iilonga.
Okwa popi kutya oshikondo shomatungo muuministeli wawo osha li woo tashi manitha iilonga yetungo lyoombelewa oonene dhoshitopolwa shaMusati mOutapi, moka aatungi nayo ya ndopa okugwanitha po iilonga. Mwene gwehangano lyoAMA Engineering and Construction, Peter Kanu Amadhila okwa tindi okuyamukula.
“Itandi ku yamukula mwaashoka, otwa pata omolwa iituthi yomatango omanene,” Amadhila a yamukula sho a ningilwa omapulaapulo. Monena opolisi yaRuacana otayi longele mosasiyona yopakathimbo ndjoka yi li monkalo yanayipala noonkondo.
Uuna etungo ndyoka lya manithwa, otali ka kala li na oombelewa, oondjeedhililo oshowo omahala gaanambelewa ya thika po 30 gokuza nokila yomidhimba.
ILENI NANDJATO
Etungo ndyoka lyongushu yoomiliyona 27.8 olya tamekele mo 2012 na olya kala uule woomvula hamano inali manithwa sha landula omananathano ga kala pokati kehangano ndyoka lyokutunga oshowo uuministeli wegameno nuuhepelo. Ehangano ndyoka olya li lya pewa otendela opo li tunge osasiyona ndjoka mo 2011, niilonga oya tamekelwa mo 2012 na oyali ya tegelelwa yi manithwe mo 2014. Palopota yomuyalulimambo gwepangelo, ndjoka yomo 2016, momvula yo 2012 uuministeli owiikalekele iimaliwa yoomiliyona 27.8 mbyoka ya nuninwa opoloyeka ndoka opo yi kale yamanithwa momwedhi Malitsa mo 2014. Okuya muMalitsa gwo 2015, oomiliyona 21.65 odha longithwa mopoloyeka ndjoka nonando inayi manithwa. Omupopiliko gwopolisi yaNamibia, Chief Inspector Kauna Shikwambi, okwa popi kutya oshikondo shopolisi kasha li sha nyanyukilwa iilonga yehangano ndyoka lyoAMA Engineering and Construction na oya pula opo li hulithe po iilonga.
Okwa popi kutya oshikondo shomatungo muuministeli wawo osha li woo tashi manitha iilonga yetungo lyoombelewa oonene dhoshitopolwa shaMusati mOutapi, moka aatungi nayo ya ndopa okugwanitha po iilonga. Mwene gwehangano lyoAMA Engineering and Construction, Peter Kanu Amadhila okwa tindi okuyamukula.
“Itandi ku yamukula mwaashoka, otwa pata omolwa iituthi yomatango omanene,” Amadhila a yamukula sho a ningilwa omapulaapulo. Monena opolisi yaRuacana otayi longele mosasiyona yopakathimbo ndjoka yi li monkalo yanayipala noonkondo.
Uuna etungo ndyoka lya manithwa, otali ka kala li na oombelewa, oondjeedhililo oshowo omahala gaanambelewa ya thika po 30 gokuza nokila yomidhimba.
ILENI NANDJATO
Comments
Namibian Sun
No comments have been left on this article