Oopoloyeka mbali dhomoshilongo dha talika unene omeho komahangano gopondje
Omahangano gokutunga ga thika po 25 oga hogololwa nokutulwa momusholondondo moka tamu ka kuthwa omahangano ngoka taga ka pewa otendela yiilonga yokutunga nokuwapaeka elila lyeshina lyoWalvis Bay-Kranzberg oshowo etungo lyondjila ompe ndjoka yuuka koHosea Kutako International Airport.
OGONE TLHAGE
Ehangano lyaChina lyoChina Harbor Engineering Company, olya tulwa momusholondondo gwokulonga oopoloyeka adhihe dhoka mbali.
Ehangano ndyoka olya ningi eindilo lyiimanga kumwe nehangano lyomoshilongo lyoRoadhart CC kopoloyeka yelila lyeshina.
Ehangano limwe lyomoshilongo ndyoka lya hogogololwa olyedhina D&M, ndyoka lya ningi eindilo lyiimanga kumwe nomahangano gaChina lyedhina China Jiangxi oshowo China Henan.
Omahangano owala gaali gomoshilongo ga tulwa momusholondondo ngoka tamu ka hogololwa omahangano yokulonga opoloyeka yokapale koodhila.
Omahangano ngoka oga tumbulwa kutya NCR oshowo Top International Engineering Namibia. Omahangano galwe ga hogololwa oga za miilongo ngaashi Portugal , Spain oshowo India omanga omahangano ge li 12 gaChina.
Mokati komahangano 16 ngoka ga tulwa momusholondondo gwopoloyeka yondjila yokapalek koodhila oshowo 9 gondjila yeshina, omwa kwatelwa omahangano gaChina ge li 17, ngoka taga longo giithikamena nenge taga longele kumwe nomahangano galwe.
Ehangano lyoD&M Rail Construction wa olya li lyuulikwa momvula yo 2014 kehangano lyaTransNamib opo li longe ondjila yelila lyeshina yaKranzberg - Tsumeb koshimaliwa shoomiliyona 200, palopota yoshifokundaneki shoThe Namibian.
Ombaanga yoAfrican Development Bank (AfDB) oya tula po iipumbiwa opo omahangano ngoka taga longo opoloyeka ndhoka ga kale ge na iiyemo yokomvula ya thika poomiliyona 63. Omahangano ga pulwa woo ga kale ge na einyengo lyiimaliwa yomwaalu gwa thika poomiliyona 53 komwedhi.
Iipumbiwa mbyoka oya hwepopalekwa konima sho Ominista yEmona, Calle Schlettwein yiidhopo mo.
Omunambelewa Omukuluntu gwoRoads Authority, Conrad Lutombi ina vula okutya sha sho a ningilwa omapulo.
Omunambelelwa Omukomeho mUuministeli wIilonga, Willem Goeiemann okwa lombwele oNamibian Sun kutya ehogololo lyaalongi yoopoloyeka ndhoka otali tsikile.
Okwa popi kutya inaya mana natango na inaya kuthila ko natango oominista.
Oopoloyeka ndhoka adhihe otadhi pewa eyambidhidho lyiimaliwa okuza koAfrican Development Bank okupitila momukuli gwoobiliyona 2 ngoka gwa gandjwa muDesember gwo 2017.
Omvula ya piti oConstruction Industry Federation (CIF) oya pula epangelo opo li pule oAFDB yi yululeko kiipumbiwa mbyoka ya tula po kombinga yoopoloyeka ndhoka mbali.
Amushanga-ndjai gwoCIF Bärbel Kirchner, okwa li a popi kutya iipumbiwa mbyoka otayi ulike ya tulwa po nelalakano lyokupatela pondje omahangano gokutunga gomoshilongo.
Ondjila yokuya kokapale koodhila yomalila gaali guuka kombinga yimwe na otaku tengenekwa tayi ka tulwa omalila gatatu monakuyiwa, otayi ka tungwa muule woomwedhi 42.
Epangelo lyaChina olya gandja ompito kuNamibia opo a taambe eyambidhidho lyoshimaliwa shoobiliyona 10 sha nuninwa okuyambulapo iikwaniipangitho yomakwatathano moshilongo, okupitila moBelt and Road initiative. Ngele Namibia okwa taamba ompito ndjoka nena oshitopolwa shimwe po shoshimaliwa shoka otashi ka longithwa mopoloyeka yondjila yoHosea Kutako International Airport.
Ehangano lyaChina lyoChina Harbor Engineering Company, olya tulwa momusholondondo gwokulonga oopoloyeka adhihe dhoka mbali.
Ehangano ndyoka olya ningi eindilo lyiimanga kumwe nehangano lyomoshilongo lyoRoadhart CC kopoloyeka yelila lyeshina.
Ehangano limwe lyomoshilongo ndyoka lya hogogololwa olyedhina D&M, ndyoka lya ningi eindilo lyiimanga kumwe nomahangano gaChina lyedhina China Jiangxi oshowo China Henan.
Omahangano owala gaali gomoshilongo ga tulwa momusholondondo ngoka tamu ka hogololwa omahangano yokulonga opoloyeka yokapale koodhila.
Omahangano ngoka oga tumbulwa kutya NCR oshowo Top International Engineering Namibia. Omahangano galwe ga hogololwa oga za miilongo ngaashi Portugal , Spain oshowo India omanga omahangano ge li 12 gaChina.
Mokati komahangano 16 ngoka ga tulwa momusholondondo gwopoloyeka yondjila yokapalek koodhila oshowo 9 gondjila yeshina, omwa kwatelwa omahangano gaChina ge li 17, ngoka taga longo giithikamena nenge taga longele kumwe nomahangano galwe.
Ehangano lyoD&M Rail Construction wa olya li lyuulikwa momvula yo 2014 kehangano lyaTransNamib opo li longe ondjila yelila lyeshina yaKranzberg - Tsumeb koshimaliwa shoomiliyona 200, palopota yoshifokundaneki shoThe Namibian.
Ombaanga yoAfrican Development Bank (AfDB) oya tula po iipumbiwa opo omahangano ngoka taga longo opoloyeka ndhoka ga kale ge na iiyemo yokomvula ya thika poomiliyona 63. Omahangano ga pulwa woo ga kale ge na einyengo lyiimaliwa yomwaalu gwa thika poomiliyona 53 komwedhi.
Iipumbiwa mbyoka oya hwepopalekwa konima sho Ominista yEmona, Calle Schlettwein yiidhopo mo.
Omunambelewa Omukuluntu gwoRoads Authority, Conrad Lutombi ina vula okutya sha sho a ningilwa omapulo.
Omunambelelwa Omukomeho mUuministeli wIilonga, Willem Goeiemann okwa lombwele oNamibian Sun kutya ehogololo lyaalongi yoopoloyeka ndhoka otali tsikile.
Okwa popi kutya inaya mana natango na inaya kuthila ko natango oominista.
Oopoloyeka ndhoka adhihe otadhi pewa eyambidhidho lyiimaliwa okuza koAfrican Development Bank okupitila momukuli gwoobiliyona 2 ngoka gwa gandjwa muDesember gwo 2017.
Omvula ya piti oConstruction Industry Federation (CIF) oya pula epangelo opo li pule oAFDB yi yululeko kiipumbiwa mbyoka ya tula po kombinga yoopoloyeka ndhoka mbali.
Amushanga-ndjai gwoCIF Bärbel Kirchner, okwa li a popi kutya iipumbiwa mbyoka otayi ulike ya tulwa po nelalakano lyokupatela pondje omahangano gokutunga gomoshilongo.
Ondjila yokuya kokapale koodhila yomalila gaali guuka kombinga yimwe na otaku tengenekwa tayi ka tulwa omalila gatatu monakuyiwa, otayi ka tungwa muule woomwedhi 42.
Epangelo lyaChina olya gandja ompito kuNamibia opo a taambe eyambidhidho lyoshimaliwa shoobiliyona 10 sha nuninwa okuyambulapo iikwaniipangitho yomakwatathano moshilongo, okupitila moBelt and Road initiative. Ngele Namibia okwa taamba ompito ndjoka nena oshitopolwa shimwe po shoshimaliwa shoka otashi ka longithwa mopoloyeka yondjila yoHosea Kutako International Airport.
Comments
Namibian Sun
No comments have been left on this article