Oniipa otayi ka mona omayambidhidho okuza kuELCIN
Ondoolopa yaOniipa oya yi metsokumwe uvathano nongeleka yaELCIN opo ondoolopa ndjoka yi vule okumona omayambidhidho okuza kongongangerki ndjoka.
Momaanda elelo lyondoolopa yaNiipa oshowo ELCIN oya shaina etsokumwe ndyoka lya nuninwa okuyambulapo ondoolopa ndjoka mekwathelo lyongeleka yaELCIN, ndjoka oyo yi na oshitopolwa shevi oshinene mondoolopa moka.
Onandjokwe ndjoka oyo yi li ehala tali nana oyendji mondoolopa ndjoka, oya totwa po kaatumwa yaSoomi momvula yo-1911.
Oya kala ehala lyaaSoomi nokonima oya ningi oombonge oonene dhaELCIN. Ongeleka oya yambulapo ehala ndyoka nokumona oshitopolwa oshinene shevi pehala ndyoka. Sho Oniipa ya ningwa ondoolopa mo-2015 ongeleka ndjoka oya adhika nale yi na iikwaniipangitho oyindji mwakwatelwa oshipangelo shOnandjokwe Lutheran Hospital.
Pethimbo lyeshaino ndyoka Mayola gwaNiipa, Immanuel Kambonde okwa popi kutya ondoolopa oya hala okumona eyambidhidho okuza kuELCIN opo woo ya vule okumona omayambidhidho okuza komahangano ngoka giimanga kumwe nongeleka ndjoka.
“Onandjokwe oyi li ongulumpungulilo kuyoyene na ohayi nana aatalelipo oyenji okuza muuyuni. Ehala oli na ondjokonona nondoolopa yetu oya pumbwa okumona uuwanawa okupitila mehala ndyoka. Otwa nyanyukwa sho elelo lyongeleka lya zimine okuya mekwatathano natse,” Kambonde ta ti.
Omunambelewa omukuluntu gwondoolopa, Junias Jacob okwa popi kutya enenedhiladhilo lyetsokumwe ndyoka okukwashilipaleka kutya elelo lyondoolopa olya mona ompito yevi ndyoka. Okwa popi kutya ELCIN oye omutotipo gwoNandjokwe ndjoka oyo yili endiki enene lyondoolopa yaNiipa.
Jacob okwa popi otaya ka longitha ekwatathano ewanawa lyongeleka opo ya ye moonkundathana nooyene yevi, yo ondoolopa yi vule okumona evi kuyambulwepo ondoolopa. Pehala lyongeleka omukomeho gwaELCIN gwEvi nOmaliko, Omusita Wilhelm Hainane okwa popi kutya ongeleka yawo kayi li ompinge neyambulepo lyondooopa naashoka osho sha etitha ya vule okuya metsokumwe nondoolopa yaNiipa.
“Sho AaSoomi ye ya moNamibia oye ya nokukala mpaka na oya e ta aantu momudhingoloko nguka nokuya longa onkalamwenyo. Etsokumwe ndika otali tsakanitha omalalakano gongeleka . Otatu ka longa aantu yetu mOniipa kutya oya pumbwa okukala nokulongela kumwe ngiini mokutunga Namibia.”
ILENI NANDJATO
Momaanda elelo lyondoolopa yaNiipa oshowo ELCIN oya shaina etsokumwe ndyoka lya nuninwa okuyambulapo ondoolopa ndjoka mekwathelo lyongeleka yaELCIN, ndjoka oyo yi na oshitopolwa shevi oshinene mondoolopa moka.
Onandjokwe ndjoka oyo yi li ehala tali nana oyendji mondoolopa ndjoka, oya totwa po kaatumwa yaSoomi momvula yo-1911.
Oya kala ehala lyaaSoomi nokonima oya ningi oombonge oonene dhaELCIN. Ongeleka oya yambulapo ehala ndyoka nokumona oshitopolwa oshinene shevi pehala ndyoka. Sho Oniipa ya ningwa ondoolopa mo-2015 ongeleka ndjoka oya adhika nale yi na iikwaniipangitho oyindji mwakwatelwa oshipangelo shOnandjokwe Lutheran Hospital.
Pethimbo lyeshaino ndyoka Mayola gwaNiipa, Immanuel Kambonde okwa popi kutya ondoolopa oya hala okumona eyambidhidho okuza kuELCIN opo woo ya vule okumona omayambidhidho okuza komahangano ngoka giimanga kumwe nongeleka ndjoka.
“Onandjokwe oyi li ongulumpungulilo kuyoyene na ohayi nana aatalelipo oyenji okuza muuyuni. Ehala oli na ondjokonona nondoolopa yetu oya pumbwa okumona uuwanawa okupitila mehala ndyoka. Otwa nyanyukwa sho elelo lyongeleka lya zimine okuya mekwatathano natse,” Kambonde ta ti.
Omunambelewa omukuluntu gwondoolopa, Junias Jacob okwa popi kutya enenedhiladhilo lyetsokumwe ndyoka okukwashilipaleka kutya elelo lyondoolopa olya mona ompito yevi ndyoka. Okwa popi kutya ELCIN oye omutotipo gwoNandjokwe ndjoka oyo yili endiki enene lyondoolopa yaNiipa.
Jacob okwa popi otaya ka longitha ekwatathano ewanawa lyongeleka opo ya ye moonkundathana nooyene yevi, yo ondoolopa yi vule okumona evi kuyambulwepo ondoolopa. Pehala lyongeleka omukomeho gwaELCIN gwEvi nOmaliko, Omusita Wilhelm Hainane okwa popi kutya ongeleka yawo kayi li ompinge neyambulepo lyondooopa naashoka osho sha etitha ya vule okuya metsokumwe nondoolopa yaNiipa.
“Sho AaSoomi ye ya moNamibia oye ya nokukala mpaka na oya e ta aantu momudhingoloko nguka nokuya longa onkalamwenyo. Etsokumwe ndika otali tsakanitha omalalakano gongeleka . Otatu ka longa aantu yetu mOniipa kutya oya pumbwa okukala nokulongela kumwe ngiini mokutunga Namibia.”
ILENI NANDJATO
Comments
Namibian Sun
No comments have been left on this article