Ongeshefa yuudhano womashina otayi ka tulwa paveta
Ominista yoshikondo shomatalelepo, Pohamba Shifeta okwa tseyitha kutya oongeshefa ndhoka dhi na omashina gomajackpot oshowo omashina galwe ihe kashi na omikandapitiko itadhi ka patwa, nonando mboka ye na omikanda otaya thiminike epangelo opo li katukile oonkatu mboka kaye na omikanda.
Shifeta okwa popi kutya okwii yaadha monkalo ya dhigupala konima sho aanangeshefa mboka ye na omikanda dhokukala nomashina ye mu fala kompangu taya pula opo uuministeli wu kwateko omashina moongeshefa ndhoka tadhi longo kaadhina oombaapila nokupata woo oongeshefa ndhoka.
Minista okwa popi ngaaka pethimbo a li ta popitha aanangeshefa yomonooli yoshilongo nokuya pa uuyelele kombinga yompango ompe tayi ithanwa Gaming and Entertainment Control Act of 2018. Omutumba ngoka ogwa ningilwa mondoolopa yaShakati, oshiwike sha piti.
Sha landula etulo miilonga lyompango ndjoka momwedhi Mei nuumvo, ongundu tayi ithanwa Gambling House Association of Namibia and Bandits Gambling CC oya yi kompangu tayi pula opo Shifeta a tule miilonga ontopolwa onti 42 yompango yoCasinos and Gambling Houses Act, yomomvula yo 1994.
Ompango otayi pula opo oolisensa dhi gandjwe kaanangeshefa yomashina omanga ontopolwa onti 42 tayi pula minista uulike aakonaaakoni mboka taya tula miilonga oveta ndjoka.
Kwiikwatelelwa koondokumende dhompangu dhoka dha monika koNamibian Sun, oGambling House Association of Namibia and Bandits Gambling CC oya gandja kuShifeta uule womasiku 60 opo a kale uulika aakonaakoni mboka.
Aayamukuli yalwe moshipotha shoka, omunashipundi gwoCasino Board oshowo omupanguli-ndjai.
Meyamukulo lye, Shifeta pamwe nosheendo she shaakalelipo yopaveta oya pula ompangu opo yi lelepeke ethimbo moka a a tegelelwa a yamukule, nuule woomwedhi ne.
Pethimbo lyomutumba ngoka a ningi mOshakati, Shifeta okwa popi kutya moshilongo omu na omashina ogendji na omashona owala ge na oolisensa, ta gwedha po kutya kape na omashina taga ka kwatwako nenge oongeshefa tadhi ka pata.
“Ondi shishi kutya pampango kape na ngoka a pitikwa okulonga keena olisensa ihe otu li nale monkalo moka aantu oyendji taya longo kaye na oolisensa. Omashina owala geli 2 800 ge na omikanda ihe otu na omashina ga thika lwopo 100 000 moshilongo ngoka kage na oolisensa noongeshefa ndhoka odha kuta miilonga aantu oyendji. Ngele otwa pata oongeshefa ndhoka nena aantu oyendji otaya ka kanitha iilonga.”
“Onduuviteko ekemo lyaamboka ya falandje kompango molwaashoka otaya nyokomwa kwaamboka taya longo yaana omikanda ihe paungaye mwene onkalo ondi yi uviteko sha yoloka. Shoka tatu pangele okuninga, okugandja oolisensa kaanangeshefa mboka kaye na omikanda opo katu kale we nomanyenyeto.”
Minista okwa popi kutya ompango ndjoka oya kwatelamo owala mboka ye na oongeshefa dhomashina omanga omashina ngoka taga adhika moondingosho inaga kwatelwa mo.
Okwa popi kutya ompango otayi ka talululwa opo yi kwateleko woo mboka ye na omashina moondingosho dhawo.
Jabulani Ncube okuza kombelewa yoohahende dhepangelo ota kalelepo Shifeta omanga Shaun Ellis from Ellis and Partners ta kalelepo oGambling House Association of Namibia and Bandits Gambling CC.
Shifeta oshiwike sha piti okwa pula eindilo opo a pewe ethimbo lya thika poomwedhi ne. Omupanguli Thomas Masuku ngoka a pulakene oshipotha shoka ina ninga natango etokolo.
ILENI NANDJATO
Minista okwa popi ngaaka pethimbo a li ta popitha aanangeshefa yomonooli yoshilongo nokuya pa uuyelele kombinga yompango ompe tayi ithanwa Gaming and Entertainment Control Act of 2018. Omutumba ngoka ogwa ningilwa mondoolopa yaShakati, oshiwike sha piti.
Sha landula etulo miilonga lyompango ndjoka momwedhi Mei nuumvo, ongundu tayi ithanwa Gambling House Association of Namibia and Bandits Gambling CC oya yi kompangu tayi pula opo Shifeta a tule miilonga ontopolwa onti 42 yompango yoCasinos and Gambling Houses Act, yomomvula yo 1994.
Ompango otayi pula opo oolisensa dhi gandjwe kaanangeshefa yomashina omanga ontopolwa onti 42 tayi pula minista uulike aakonaaakoni mboka taya tula miilonga oveta ndjoka.
Kwiikwatelelwa koondokumende dhompangu dhoka dha monika koNamibian Sun, oGambling House Association of Namibia and Bandits Gambling CC oya gandja kuShifeta uule womasiku 60 opo a kale uulika aakonaakoni mboka.
Aayamukuli yalwe moshipotha shoka, omunashipundi gwoCasino Board oshowo omupanguli-ndjai.
Meyamukulo lye, Shifeta pamwe nosheendo she shaakalelipo yopaveta oya pula ompangu opo yi lelepeke ethimbo moka a a tegelelwa a yamukule, nuule woomwedhi ne.
Pethimbo lyomutumba ngoka a ningi mOshakati, Shifeta okwa popi kutya moshilongo omu na omashina ogendji na omashona owala ge na oolisensa, ta gwedha po kutya kape na omashina taga ka kwatwako nenge oongeshefa tadhi ka pata.
“Ondi shishi kutya pampango kape na ngoka a pitikwa okulonga keena olisensa ihe otu li nale monkalo moka aantu oyendji taya longo kaye na oolisensa. Omashina owala geli 2 800 ge na omikanda ihe otu na omashina ga thika lwopo 100 000 moshilongo ngoka kage na oolisensa noongeshefa ndhoka odha kuta miilonga aantu oyendji. Ngele otwa pata oongeshefa ndhoka nena aantu oyendji otaya ka kanitha iilonga.”
“Onduuviteko ekemo lyaamboka ya falandje kompango molwaashoka otaya nyokomwa kwaamboka taya longo yaana omikanda ihe paungaye mwene onkalo ondi yi uviteko sha yoloka. Shoka tatu pangele okuninga, okugandja oolisensa kaanangeshefa mboka kaye na omikanda opo katu kale we nomanyenyeto.”
Minista okwa popi kutya ompango ndjoka oya kwatelamo owala mboka ye na oongeshefa dhomashina omanga omashina ngoka taga adhika moondingosho inaga kwatelwa mo.
Okwa popi kutya ompango otayi ka talululwa opo yi kwateleko woo mboka ye na omashina moondingosho dhawo.
Jabulani Ncube okuza kombelewa yoohahende dhepangelo ota kalelepo Shifeta omanga Shaun Ellis from Ellis and Partners ta kalelepo oGambling House Association of Namibia and Bandits Gambling CC.
Shifeta oshiwike sha piti okwa pula eindilo opo a pewe ethimbo lya thika poomwedhi ne. Omupanguli Thomas Masuku ngoka a pulakene oshipotha shoka ina ninga natango etokolo.
ILENI NANDJATO
Comments
Namibian Sun
No comments have been left on this article