Onda hala okupopya oshindji: Iitya yaMandela ya hugunina
Konima yomasiku omashona omanga ina hulitha, omuleli gwopashigwana Kapere okwa li a holola kutya oku na ohokwe okupopya kombinga yonkalo ndjoka ya taalela ongundu yawo.
TOIVO NDJEBELA
OVENDUKA
Oshilyo shomutumba gwoPaliamende, Mandela Kapere ngoka a hulitha omasiku ga piti okwali a lombwele oshifokundaneki shoNamibian Sun omasiku gaheyali omanga ina hulitha kutya oku na ohokwe okupopya oshindji kombinga yonkalo yongundu tayi pangele ihe oku na uutile kutya ookomrade yakwawo itaye ke shi kutha ko nawa.
“Ondi mu na eyelitho ihe oshidhigu okuyelitha,” Kapere a popi momasiku 30 gaNovemba, okupitila ketumwalaka lyoWhatsApp, sha landula ehiyo ndyoka a ningilwa opo a ka kuthe ombinga moprograma yoNamibian Sun yedhina 'The Evening Review'.
Ongula yomasiku gaheyali gaDecemba onkundana ombwiinayi oya tseyithwa, kutya Kapere okwa hulitha omolwa oCovid-19.
“Onda hala okupopya oshindji kombinga yaashoka shi li po naashoka sha pumbwa okuholoka po ihe ondiikwata oompata kombinga yomalundululo gomeni oshowo okupopya shoka shi li momadhilaadhilo gandje.”
Lwanima esiku ndyoka, oNamibian Sun oya nongele kutya Kapere okwiikutha miilonga onga omunashipundi gwaaleli yoSwapo yanuninwa oshitopolwa shaHardap.
“Ishi, ondali ndi na einekelo okushikaleka pokati kombelewa yamushanga-ndjai nangame. Omwe shi uvu ngiini? Onda shanga omukanda gwezo miilonga mOlyomakaya,” Kapere a popi sho a ningilwa omapulo.
“Inandi pulwa nenge ndi pewe omayele, onde shi ningi kungame mwene.”
Swapo okwa kanitha omawi gomahogololo miizemo ayihe yomahogololo mbyoka ya tseyitha pambelewa moshitopolwa shaHardap, sha landula omahogololo ngoka ga ningwa momasiku 25 gaNovemba.
Ompangu yomahogololo mEtitano lya piti oya pula eningululo lyomahogololo miikandjohogololo ngaashi Aroab, Stampriet oshowo Mariental Rural, sha landula omaupyakadhi ga dhidhilikwa koElectoral Commission of Namibia (ECN).
Okuya pomasiku gomahogololo oshowo konima yomahogololo Kapere okwali gumwe gwomwaamboka ya popi yamanguluka kombinga yonkalo yongundu, mwa kwatelwa sho a pula ndjai nale gwetanga lyegameno, Martin Shalli , opo a gandje ombili koshigwana omolwa omapopyo gomambandameko ngoka a ningi.
Omolwa omapopyo ngoka nagakwawo galwe, oga etitha Kapere a ningilwe ehiyo ko 'The Evening Review'.
Namibian Sun okuuvite kutya aakwaSwapo yamwe inaya nyanyukilwa omapopyo gaKapere, sha etitha ya pule opo a gunwe.
OVENDUKA
Oshilyo shomutumba gwoPaliamende, Mandela Kapere ngoka a hulitha omasiku ga piti okwali a lombwele oshifokundaneki shoNamibian Sun omasiku gaheyali omanga ina hulitha kutya oku na ohokwe okupopya oshindji kombinga yonkalo yongundu tayi pangele ihe oku na uutile kutya ookomrade yakwawo itaye ke shi kutha ko nawa.
“Ondi mu na eyelitho ihe oshidhigu okuyelitha,” Kapere a popi momasiku 30 gaNovemba, okupitila ketumwalaka lyoWhatsApp, sha landula ehiyo ndyoka a ningilwa opo a ka kuthe ombinga moprograma yoNamibian Sun yedhina 'The Evening Review'.
Ongula yomasiku gaheyali gaDecemba onkundana ombwiinayi oya tseyithwa, kutya Kapere okwa hulitha omolwa oCovid-19.
“Onda hala okupopya oshindji kombinga yaashoka shi li po naashoka sha pumbwa okuholoka po ihe ondiikwata oompata kombinga yomalundululo gomeni oshowo okupopya shoka shi li momadhilaadhilo gandje.”
Lwanima esiku ndyoka, oNamibian Sun oya nongele kutya Kapere okwiikutha miilonga onga omunashipundi gwaaleli yoSwapo yanuninwa oshitopolwa shaHardap.
“Ishi, ondali ndi na einekelo okushikaleka pokati kombelewa yamushanga-ndjai nangame. Omwe shi uvu ngiini? Onda shanga omukanda gwezo miilonga mOlyomakaya,” Kapere a popi sho a ningilwa omapulo.
“Inandi pulwa nenge ndi pewe omayele, onde shi ningi kungame mwene.”
Swapo okwa kanitha omawi gomahogololo miizemo ayihe yomahogololo mbyoka ya tseyitha pambelewa moshitopolwa shaHardap, sha landula omahogololo ngoka ga ningwa momasiku 25 gaNovemba.
Ompangu yomahogololo mEtitano lya piti oya pula eningululo lyomahogololo miikandjohogololo ngaashi Aroab, Stampriet oshowo Mariental Rural, sha landula omaupyakadhi ga dhidhilikwa koElectoral Commission of Namibia (ECN).
Okuya pomasiku gomahogololo oshowo konima yomahogololo Kapere okwali gumwe gwomwaamboka ya popi yamanguluka kombinga yonkalo yongundu, mwa kwatelwa sho a pula ndjai nale gwetanga lyegameno, Martin Shalli , opo a gandje ombili koshigwana omolwa omapopyo gomambandameko ngoka a ningi.
Omolwa omapopyo ngoka nagakwawo galwe, oga etitha Kapere a ningilwe ehiyo ko 'The Evening Review'.
Namibian Sun okuuvite kutya aakwaSwapo yamwe inaya nyanyukilwa omapopyo gaKapere, sha etitha ya pule opo a gunwe.
Comments
Namibian Sun
No comments have been left on this article