Omuselekadhi gwaLubowksi a shangele Geingob ombilive

Mombaaapila ye ndjoka yamanguluka, Gabrielle Lubowski okwa shanga kutya: “Ongoye wa li omuntu gwa hugunina okupopya naAnton. Okwa popi nangoye uuyelele wa holekwa mboka ne yaali inamu vula okupopya mwa kuutumba tamu nu okoofi ihe omwa ende mepandanda lyaKaiser (ngashiingeyi Independence Avenue), opo ka mu uvike shoka tamu popi. Konima yoowili ooshona, Anton okwa sa.”Omutenya gwEtitatu, omukalelipo gwopaveta gwaGeingob, Sisa Namandje okwa shanga omukanda moka a popi kutya oohapu dhaLubowski odhili enyateko lyedhina, na kamu na uukwashili washa momapopyo ge. Namandje okwa pula Lubowski a gandje ombili omanga omasiku 24 gaJuni inaga thikana nenge a tulilwe mo oshipotha shenyateko lyedhina.Mombaapila ndjoka, Gabrielle okwa popi kutya Geingob okwa nu po Anton, na oya dhigupalelwa konkalamwenyo unene aanona ye yaaali mboka yakoko yaahe na he.“Inandi tonda nale omuntu monkalamwenyo yandje ngaashi ngoye. Ihe nonando ongaaka uutondwe mbuka ongame owala wa ehameke ihe hangoye. Owa zi komukondjelimanguluko nokuninga omuprina gwotango gwoshilongo nomupresidende omutitatu gwoshilogo. Kesilohenda lyaKalunga onda etha po uutondwe mboka kungame mwene.”Gabrielle okwa koleke kutya oye a shanga ombaapila ndjoka ihe kali a yaha yi ye moshigwana. Nonando ongaaka okwa popi kutya okwa kala nokupula Geingob opo andola ya tsakanene naye yo yakundathane shoka a li a popi naAnton onguluhi ndjoka a dhipagwa.Omunamimvo 37, omuhwahwameki ngoka a li e li ompinge nuukoloni okwa yahwa sha ningilwa mepandanda lyaSanderburg Street Ovenduka, komeho yegumbo lye momasiku 12 gaSepetemba momvula yo 1989.Okwa yahwa iikando yontumba nondjembo yoAK-47 na kwa hulitha omolwa oshilalo shoholo momutse. Gabrielle okwa popi kutya Geingob okwa kala nokumwiidhimbika nonando ye okwa kambadhala opo andola a ye naye moonkundathana. Mombaapila ye ndjoka a shanga okwa popi kutya okwa taambako kutya etindo lye okupopya naye otashi ulike kutya okwa taambako ondjo.Okwa popi kutya ota kala aluhe nokudhimbuluka Geingob kutya omulumentu ngoka a nu po mumwayina opo a ye pombanda.Okwa popi kutya elalakano lye kalya li lyombaaapila ndjoka yi ye moshigwana ihe osha li andola edhimbulukitho.“Kape na ngoka a galukilendje. Onda popya naantu yahamano ngashiingeyi. Kandi uviteko kutya omolwashike Hage ina hala okupopya nangame. Onda fa owala tandi popi nekuma. Owa hala ndi ye moshigwana?” Gabrielle a pula ngaaka.Gabrielle okwa dhenge omuthindo kutya oku na uuthemba okupopya naGeingob yemwene, molwaashoka okwa mona uudhigu na okwa pumbwa okupopya naye opo a tule omadhilaadhilo pamwe.Omapulo Momvula yo 2013, Namibian Sun oya lopota kutya oSouth Africa's Truth and Reconciliation Commission (TRC) oya manguluka Swapo kutya ke na mo olunyala nenge haye ta pewa ombedhi omolwa eso lyaLubowski.Pethimbo ndyoka, omukonaakoni gwoTRC, advocate Dumisa Ntsebeza okwa yi pondje omapopyo gaGabrielle, kutya iilyo yimwe yepangelo ndyoka lya li tali yi koshipundi oyo ya dhipaga omusamane gwe.Ntsebeza, ngoka a konaakona omiyonena dhiita okwa holola woo iizemo yomakonaakono shi na sha neso lyaLubowski nokulopota kutya Swapo ke na mo olunyala.Sho TRC ngoka omunashipundi gwe a li Archbishop Desmond Tutu, a puwa opo a topole epeko lyuuyelele meso yaLubowski nepangelo lyaNamibia nenge Swapo, oya yamukula kutya kayi shi okomitiye yawo na na ya totepo okomitiye yawo yomapekaapeko ngoka.Omitumba dhomapekaapeko dhoTRC odha tamekele momvula yo 1996 na odha hulu nolopota ndjoka ya pewa omupresidende nale gwoshilongo shoka, Nelson Mandela momasiku 19 gaKotomba 1998 omanga kombinga yomakonaaono medhipago lyaLubowski ganingwa momasiku ga 3 sigo 24 gaApilili mo 1996.Konima yoomvula, natango ofamili yaLubowski otayi kongo omayamukulo na oya popi kutya embo lya shangwa komutoolikundana Evelyn Groenink, lyedhina 'Incorruptible - The Story of the Murders of Dulcie September, Anton Lubowski and Chris Hani', inali kwathela sha.Embo olya ulike omunwe ominista yiikwapondje yaSouth Afrika nale, Pik Botha kutya oye a dhana onkandangala onene medhipago lyaLubowksi.Pethimbo ndyoka omwanamati gwaLubowski, Almo okwa popi kutya nonando embo ndyoka olya gandja ethano eshona kutya omolwashike he a dhipagwa, okwa popi kutya uuyelele itawu nana unene opo ku talululwe oshipotha shoka.JEMIMA BEUKES

Omuselekadhi gwaLubowksi a shangele Geingob ombilive

Comments

Namibian Sun 2025-04-02

Please login to leave a comment

Omuselekadhi gwaLubowksi a shangele Geingob ombilive

Comments

Namibian Sun 2025-04-02

Please login to leave a comment

Login