Omupresidende a talelepo omukwaniilwa gwaNdonga
Omupresidende gwoshilongo mehuliloshiwike lya piti okwa fala uuyenda mOmbala yoshitunda shaNdonga, pamwe noominista dhimwe po dhoKabinete koshilongo oshowo aanenentu yamwepo mepangelo.
Omupresidende Hage Geingob okwa popi mOlyomakaya kutya omanga omidhigululwakalo dha simana, aakwashigwana naya iholole tango onga AaNamibia ihe inaya iholola pamihoko.
Geingob okwa popi ngaaka pethimbo a taalelepo Omukwaniilwa, Fillemon Shuumbwa Nangolo, mehuliloshiwike lya piti.
Okwa popi kutya egumbo lyaNamibia eshona natango na kehe gumwe okwa pumbwa okulonga metungepo lyoshigwana.
Nangolo okwa lombwele Geingob kutya itayi iilonga yepangelo moshipala ihe ota yambidhidha iinyangadhalwa yepangelo yopashigwana, na ota yambidhidha Geingoba a manithe oshikako she shuuleli oshitiyali ngaashi aaleli yaali ya piti.
Geingob okwa talelepo Nangolo pOmbala ye pOnambango mOlyomakaya. Omupresidende okwa li pamwe nOmupeha-Presidende, Nangolo Mbumba, Omuprima Saara Kuugongelwa-Amadhila, oominista dhOkabinete oshowo aanambelewa yalwe yepangelo.
Nangolo okwa popi kutya omulandulwa gwe, Omukwaniilwa nale
Immanuel Kauluma Elifas, ngoka ye a li omuyakuli gwe inaya nando iilonga yepangelo moshipala, na ota landula moompadhi dhoka.
Okwa popi kutya oominista oshowo aanambelewa aakuluntu mepangelo naya gandje omayele komupresidende alele aluhe nawa.
“Inandi mona omulandulwa gwandje tayi moshipala iilonga yepangelo onkene ngame itandi yi woo iilonga yepangelo moshipala, ihe otandi yambidhidha epangelo niiyetwapo lyawo. Otandi kumagidha owala oominista dhOkabinete oshowo aanambelewa yopombanda mepangelo opo mu kwashilipaleke kutya otamu gandja omayele gongushu komupresidende opo a vule okupondola. Ngele omupresidende okwa ndopa nena omolweni mboka mu li popepi naye. One omeho ge nomakutsi ge,” Nangolo a popi.
“Presidende onda hala woo ndi ku kumagidhe kutya ngele oto kundathana sha nomuntu kala wa angala. Aantu ohaya hokolola omahokololo na ito nongele ngele otaye kupe omauyelele ga puka. Pulakena aluhe nawa.”
Geingob okwa popi kutya sho Nangolo a li nale omunambelewa omukuluntu metanga lyegameno, Ondonga oyi li momake omawanawa. Oshifokundaneki shoNamibian Sun oshi uuvite kutya pethimbo lyoonkundathaa dhomiyelo dha patwa, Omukwaniilwa Nangolo okwa pula kombinga yoshipangelo oshinene shoka Okabinete ka tokola okutunga mOndangwa. Geingob okwa popi kutya molwaashoka omukwaniilwa okwa pula kombinga yoshipangelo shomOndangwa, otaka landula oshikumungu shoka. Okwa popi kutya Ondangwa oya pumbwa oshipangelo oshinene shoka tashi kala tashi kwathele aapangwa miitopolwa yomonooli ngaashi Zambezi, iitopolwa iyali yaKavango, Kunene, Ohangwena, Oshikoto oshowo Omusati, molwaashoka oondolopa dhimwe odha yambukapo ihe Ondangwa oyi na owala okapale koodhila. Okwa popi kutya ota ka konga uuyelele kutya Okabinete oke li sigo openi nopoloyeka ndjoka.
Aaleli yalwe yopamithigululakwalo ya za momalelo gahetatu gopamuthigululwakalo monooli oya kala woo pOnambango, pethimbo lyetalelepo ndyoka.
ILENI NANDJATO
Geingob okwa popi ngaaka pethimbo a taalelepo Omukwaniilwa, Fillemon Shuumbwa Nangolo, mehuliloshiwike lya piti.
Okwa popi kutya egumbo lyaNamibia eshona natango na kehe gumwe okwa pumbwa okulonga metungepo lyoshigwana.
Nangolo okwa lombwele Geingob kutya itayi iilonga yepangelo moshipala ihe ota yambidhidha iinyangadhalwa yepangelo yopashigwana, na ota yambidhidha Geingoba a manithe oshikako she shuuleli oshitiyali ngaashi aaleli yaali ya piti.
Geingob okwa talelepo Nangolo pOmbala ye pOnambango mOlyomakaya. Omupresidende okwa li pamwe nOmupeha-Presidende, Nangolo Mbumba, Omuprima Saara Kuugongelwa-Amadhila, oominista dhOkabinete oshowo aanambelewa yalwe yepangelo.
Nangolo okwa popi kutya omulandulwa gwe, Omukwaniilwa nale
Immanuel Kauluma Elifas, ngoka ye a li omuyakuli gwe inaya nando iilonga yepangelo moshipala, na ota landula moompadhi dhoka.
Okwa popi kutya oominista oshowo aanambelewa aakuluntu mepangelo naya gandje omayele komupresidende alele aluhe nawa.
“Inandi mona omulandulwa gwandje tayi moshipala iilonga yepangelo onkene ngame itandi yi woo iilonga yepangelo moshipala, ihe otandi yambidhidha epangelo niiyetwapo lyawo. Otandi kumagidha owala oominista dhOkabinete oshowo aanambelewa yopombanda mepangelo opo mu kwashilipaleke kutya otamu gandja omayele gongushu komupresidende opo a vule okupondola. Ngele omupresidende okwa ndopa nena omolweni mboka mu li popepi naye. One omeho ge nomakutsi ge,” Nangolo a popi.
“Presidende onda hala woo ndi ku kumagidhe kutya ngele oto kundathana sha nomuntu kala wa angala. Aantu ohaya hokolola omahokololo na ito nongele ngele otaye kupe omauyelele ga puka. Pulakena aluhe nawa.”
Geingob okwa popi kutya sho Nangolo a li nale omunambelewa omukuluntu metanga lyegameno, Ondonga oyi li momake omawanawa. Oshifokundaneki shoNamibian Sun oshi uuvite kutya pethimbo lyoonkundathaa dhomiyelo dha patwa, Omukwaniilwa Nangolo okwa pula kombinga yoshipangelo oshinene shoka Okabinete ka tokola okutunga mOndangwa. Geingob okwa popi kutya molwaashoka omukwaniilwa okwa pula kombinga yoshipangelo shomOndangwa, otaka landula oshikumungu shoka. Okwa popi kutya Ondangwa oya pumbwa oshipangelo oshinene shoka tashi kala tashi kwathele aapangwa miitopolwa yomonooli ngaashi Zambezi, iitopolwa iyali yaKavango, Kunene, Ohangwena, Oshikoto oshowo Omusati, molwaashoka oondolopa dhimwe odha yambukapo ihe Ondangwa oyi na owala okapale koodhila. Okwa popi kutya ota ka konga uuyelele kutya Okabinete oke li sigo openi nopoloyeka ndjoka.
Aaleli yalwe yopamithigululakwalo ya za momalelo gahetatu gopamuthigululwakalo monooli oya kala woo pOnambango, pethimbo lyetalelepo ndyoka.
ILENI NANDJATO
Comments
Namibian Sun
No comments have been left on this article