Omupolisi a yi kiilonga a dhenga odhungo
Omupolisi moshitopolwa shaShana okwa taalela omutumba gweutho miilonga sho a yi e li kohi yodhungo pomaatjinga yopolisi mOshakati, omanga omulongiskola ngoka a kwatwa mokavidio ta nu e li pohauto yopolisi, ta tamanekwa noshipotha shomuyonena.
ILENI NANDJATO
Omunambelelwa ngoka gwopolisi okwa piyaganeke etulo miilonga lyoshitopolwa oshitiyali sho Operation Namib Desert mOshakati mEtitano.
Omanga Komanda gwOpolisi yaShana, Komufala Rauha Amwele, a li ta popitha aanambelewa mboka omanga ya thikama, omulumentu ngoka okwa tokola okukaatumba nokukutha ko oongaku dhe.
“Aaantu ngaashi ngwee ohaya manapo ethimbo na ihamu mana okupopya. Ngame onda loloka otandi kuutumba opo ndi thuwepo,” omulumentu ngoka iigidha.
Komanda gwomaatjinga ndjoka, Chief Inspector Johannes Mweyanale, okwa pula aaniilonga pamwe naye yaali yemu kuthepo nokumu fala mohauto.
“Iinima ya fa mpaka otayi holoka molwaashoka ne ookomanda ihamu konaakona aantu yeni. Omuntu nguka okwa pumbwa okutaalela omutumba gweitho meendeelo itatu vulu okusithwa ohoni ngaaka,” Amwele a popi.
Sho a pulwa, komanda gwoshitopolwa okwa popi kutya omunambelewa ngoka otaka ningilwa omutumba gweutho sho a holoka kiilonga a kolwa, ihe okwa popi kutya otaka tala kondjokonona yomunambelewa ngoka ku talike ngele ohe ya shito kiilonga a longitha iikolitha nenge okwa li owa a nu mesiku ndyoka. Okwa tsikile kutya etanga lywo oli na aanambelewa aahungimwenyo, na otaka tumwa kaanambelewa mboka.
MoKatima Mulilo omulongiskola okwa tulwa miipandeko konima yokavidio moka a monika tanu iikolitha e li pohauto yopolisi ka topolelwathanwa komalungula.
Omulumengtu ngoka okwa tegelelwa a holoke komeho yompangu mOmaandaha.
“Konima sho twa mono okavidio hoka, opolisi oya yi molukongo lwomulumentu ngoka na osha monika mo kutya oku li omulongiskola moshitopolwa shaZambezi. Ota tamanekekwa kwiikwatelelwa keyo pondje lyomilandu dhoCovid-19 nOmpango yIikolitha,” omupopiliko gwOpolisi, Kauna Shikwambi a popi.
Okwa popi kutya omaihumbato ge ogeli oluhindo nokwaahasimaneka elelo na itaga popilwa. Okwa tsikileko kutya oshigwana nashi ilonge okusimaneka opolisi pamwe niilonga yawo ethimbo kehe.
Omunambelelwa ngoka gwopolisi okwa piyaganeke etulo miilonga lyoshitopolwa oshitiyali sho Operation Namib Desert mOshakati mEtitano.
Omanga Komanda gwOpolisi yaShana, Komufala Rauha Amwele, a li ta popitha aanambelewa mboka omanga ya thikama, omulumentu ngoka okwa tokola okukaatumba nokukutha ko oongaku dhe.
“Aaantu ngaashi ngwee ohaya manapo ethimbo na ihamu mana okupopya. Ngame onda loloka otandi kuutumba opo ndi thuwepo,” omulumentu ngoka iigidha.
Komanda gwomaatjinga ndjoka, Chief Inspector Johannes Mweyanale, okwa pula aaniilonga pamwe naye yaali yemu kuthepo nokumu fala mohauto.
“Iinima ya fa mpaka otayi holoka molwaashoka ne ookomanda ihamu konaakona aantu yeni. Omuntu nguka okwa pumbwa okutaalela omutumba gweitho meendeelo itatu vulu okusithwa ohoni ngaaka,” Amwele a popi.
Sho a pulwa, komanda gwoshitopolwa okwa popi kutya omunambelewa ngoka otaka ningilwa omutumba gweutho sho a holoka kiilonga a kolwa, ihe okwa popi kutya otaka tala kondjokonona yomunambelewa ngoka ku talike ngele ohe ya shito kiilonga a longitha iikolitha nenge okwa li owa a nu mesiku ndyoka. Okwa tsikile kutya etanga lywo oli na aanambelewa aahungimwenyo, na otaka tumwa kaanambelewa mboka.
MoKatima Mulilo omulongiskola okwa tulwa miipandeko konima yokavidio moka a monika tanu iikolitha e li pohauto yopolisi ka topolelwathanwa komalungula.
Omulumengtu ngoka okwa tegelelwa a holoke komeho yompangu mOmaandaha.
“Konima sho twa mono okavidio hoka, opolisi oya yi molukongo lwomulumentu ngoka na osha monika mo kutya oku li omulongiskola moshitopolwa shaZambezi. Ota tamanekekwa kwiikwatelelwa keyo pondje lyomilandu dhoCovid-19 nOmpango yIikolitha,” omupopiliko gwOpolisi, Kauna Shikwambi a popi.
Okwa popi kutya omaihumbato ge ogeli oluhindo nokwaahasimaneka elelo na itaga popilwa. Okwa tsikileko kutya oshigwana nashi ilonge okusimaneka opolisi pamwe niilonga yawo ethimbo kehe.
Comments
Namibian Sun
No comments have been left on this article