Omunangeshefa a gandja omayambidhidho koskola
Omagano ngoka ogongushu yooN$50 000
Okuyamukula kehokololo lyapitile miikundaneki kutya, aalongiskola moshitopolwa shaMusati otaya longitha iimaliwa yawo yene okulanda iikwathitholongo mooskola, shika osha thiminike omunangeshefa Maria Nakale a gandje omagano giikwathitholongo, gongushu yooN$ 50 000 kooskola dha thika lwopo-25 moshitopolwa.
Ngoloneya gwOshitopolwa shaMusati, Erginus Endjala okwa tumbula tati Nakale, okuli omuniilonga gwehangano lyoFirst Capital Company, okwa gumwa komutima koshinyolwa shika sha pitithwa koNamibia Sun omasiku ga piti, no okwa tokola okugandja omagano giipumbiwa mbyoka, okupitila mombelewa yangoloneya. Ooskola 25 ndhoka dha mono omagano ngaka odha za miikandjo ngaashi Okahao, Otamanzi, Onesi, Tsandi noRuacana.
Endjala okwa popi kutya okuuvitile etumba aandungiki moshitopolwa she molwaashoka okushi shi kutya ooskola odhindji odha taalela ompumbwe yiikwaniipangitho yesiku kehe, ihe shoka inashi ya moshipala aalongi ya tsikile no ku gandja elongo kaanaskola. Endjala okwa pandula Nakale, ngoka ina vula okukalapo pegandjo lyomagano ngoka a gandja. Endjala okwa popi kutya nonando omagano ngoka ga gandjwa itaga vulu okukandula po ompumbwe yiikwathitholongo mooskola adhihe moshitopolwa, okwa pandula noonkondo Nakale moonkambadhala dhe dhokuumba nokashona hoka ali ena. Ngoloneya okwa pula mboka ya mono omakwatho ye ga longithe mokuyambulapo elongo mooskola dhawo. Aakuluntu-skola ya za mooskola ndhoka dha mono omakwatho oya longitha ompito ndjoka okutseyithila Endjala kutya, ooskola dhawo odha taaalela omwaalu omunene gwaanaskola taya faula kootundi, omolwa oprograma yokugandja oondya mooskola ndjoka yiihulu mooskola dhawo mo-2014.
“Onda haluka no kuuva nayi molwaashoka kape na ngoka a tseyithilandje oshinima shika okuza koshikondo shelongo moshitopolwa. Aluhe ohandi ningi iigongi naakuluntu yelongo ihe inaya thamuna uupyakadhi mbuka kungame. Otandi ka katuka onkatu meendelelo,” Endjala uuvaneke.
ILENI NANDJATO
Ngoloneya gwOshitopolwa shaMusati, Erginus Endjala okwa tumbula tati Nakale, okuli omuniilonga gwehangano lyoFirst Capital Company, okwa gumwa komutima koshinyolwa shika sha pitithwa koNamibia Sun omasiku ga piti, no okwa tokola okugandja omagano giipumbiwa mbyoka, okupitila mombelewa yangoloneya. Ooskola 25 ndhoka dha mono omagano ngaka odha za miikandjo ngaashi Okahao, Otamanzi, Onesi, Tsandi noRuacana.
Endjala okwa popi kutya okuuvitile etumba aandungiki moshitopolwa she molwaashoka okushi shi kutya ooskola odhindji odha taalela ompumbwe yiikwaniipangitho yesiku kehe, ihe shoka inashi ya moshipala aalongi ya tsikile no ku gandja elongo kaanaskola. Endjala okwa pandula Nakale, ngoka ina vula okukalapo pegandjo lyomagano ngoka a gandja. Endjala okwa popi kutya nonando omagano ngoka ga gandjwa itaga vulu okukandula po ompumbwe yiikwathitholongo mooskola adhihe moshitopolwa, okwa pandula noonkondo Nakale moonkambadhala dhe dhokuumba nokashona hoka ali ena. Ngoloneya okwa pula mboka ya mono omakwatho ye ga longithe mokuyambulapo elongo mooskola dhawo. Aakuluntu-skola ya za mooskola ndhoka dha mono omakwatho oya longitha ompito ndjoka okutseyithila Endjala kutya, ooskola dhawo odha taaalela omwaalu omunene gwaanaskola taya faula kootundi, omolwa oprograma yokugandja oondya mooskola ndjoka yiihulu mooskola dhawo mo-2014.
“Onda haluka no kuuva nayi molwaashoka kape na ngoka a tseyithilandje oshinima shika okuza koshikondo shelongo moshitopolwa. Aluhe ohandi ningi iigongi naakuluntu yelongo ihe inaya thamuna uupyakadhi mbuka kungame. Otandi ka katuka onkatu meendelelo,” Endjala uuvaneke.
ILENI NANDJATO
Comments
Namibian Sun
No comments have been left on this article