Omunahambo mohambo yaKaapanda ke wetike

Omvula yimwe monena ya piti, konima nkene Elizabeth Akooko a gandja ombinzi ye opo ku kaningwe omakonaakono goDNA, okumona ngele iipongolo yomuntu, mbyoka ya monika oyomona ngoka akanene mohambo yominista nale yOmauyelele nOmakwatathano momudhingoloko gwaNamatanga mOshitopolwa shaMusati.Opolisi oya popi kutya opwa li uupyakadhi miizemo mbyoka yombinzi ihe oye yi tuma komalelo gomondjila na oya tegelela okumona iizemo mbyoka mbala.Shoka osha popiwa kuregional crime investigator gOmusati Omupevi Komufala, Bonifatias Kanyetu. “Otatu indile kunakuvala ngoka a hala omayamukulo ge opo iidhidhimike. Otwa li nuupyakadhi womakonaakono goDNA ndjoka ihe otwa mana nomakonaakono ngashiingeyi otwa tegelela owala omayamukulo ngoka,” Kanyetu ta ti.Akooko okwa popi kutya okwa limbililwa noonkondo na ita vulu we okutegelea. Okwa popi kutya ethimbo ele lya piti sho opolisi yemu kutha ombinzi ihe ngashiingeyi itayi mu lombwele sha.Okwa popi kutya oku uvite nale nayi omolwa omona ngoka a kana ihe natango opolisi otayi mu uvitha nayi. Okwa popi kutya momukalo ngoka mwa kana omona oshowo omukalo ngoka eshi uvu otashi halutha nayi.“Momasiku ga-4 gAguste omvula ya piti, onda uvu etumwalaka moradio yoNBC yOshiwambo kutya Jurius okwa kana. Kanda li ndi shi ngele oha longo onga omulithi gwiimuna. Okwa kuthwa pofamili ya he mOnyaanya. Onda kutha ko onomola ndjoka ga gandjwa pethimbo etumwalaka ndyoka lya pitithwa naasho nda dhenge ongodhi ndjoka onda tseyithilwa kutya oyominista nale Joel Kaapanda. Onda uvu nayi noonkondo okutseya kutya omumwandje okwa na okupitila moradio. Otashi ehameke noonkondo na otashi ulike okwaahasimaneka aathigona,” Akoko ta ti.Omutenya gwomasiku 31 Juli, 2015, Jurius okwa falwa kohambo yaKaapanda mOnamatanga kuPinias Nashilongo ngoka e li omukwanezimo gwaKaapanda na ina monika we okuza kesiku ndyoka. Nashilongo okwa lopota kopolisi yaKahao kutya Julius okwa kana momasiku ga 4 gaAguste nomesiku ndyoka okwiitsuwa omudhimba gwomuntu gwa ninga nayi momudhingoloko ngoka. Opolisi yaKahao oya patulula epeko lyomapulaapulo. Opolisi oya popi kutya inayi vula okudhimbulula omudhimba molwaashoka ogwa li gwa yonagulwa kiilikama.Opolisi oya koleke olopota yaakwanezimo kutya Kaapanda okwa lombwele ofamili ndjoka kutya omanga Jurius ina kana okwa dhengele Kaapanda ongodhi ta popi kutya pohambo ope na aantu mboka yemu ningile omatilitho geso, na okwa li uuvu omakuthilo.“Kaapanda ineshi kutha ko onga oshinima shi na oshilonga na okwa li e na okulopota oshiningwanima shoka kopolisi meendelelo, ihe okwa tegelele omasiku gatatu opo a tume omuntu kohambo. Otwe mu pula e tu fale kohambo ye ihe okwa tindi, ota holeke shike?” Frieda Mulunga, yinagona yaJurius a popi.

Omunahambo mohambo yaKaapanda ke wetike

Comments

Namibian Sun 2025-04-16

Please login to leave a comment

Omunahambo mohambo yaKaapanda ke wetike

Comments

Namibian Sun 2025-04-16

Please login to leave a comment

Login