Omukondjelimanguluko a hala okugandja po oshitopolwa shofaalama ye oshali
Omusamaria omusihenda okwa holola ohokwe ye opo a gandje po oshitopolwa shuunene woohecta 10 000 shofaalama ye moshitopolwa shaHardap, onga omukalo gwokunkondopeka mboka yeli mompumbwe yevi.
Victoria Kauluma, ngoka a shangithwa onga omukondjelimanguluko okwa popi kutya oshitopolwa shoka a hala okugandja po, oshil i oshitopolwa shofaalama ye yuunene woohecta 20 364.
Kauluma ngoka e li omonakadhona gwOmukwaniilwa gwaNdonga, Immanuel Kauluma Elifas, okwa li a landa ofaalama yedhina Farm Lahnstein yonomola 193 na okwa tembukile mofaalama ye ndjoka omvula ya piti.
Okwa popi kutya nonando ongaaka ofaalama ndjoka onene noonkondo kuye pamwe noyana yaali mboka haya kala koCanada.
“Inandi hala okukala ongame awike mofaalama onda hala okugandja po oshitopolwa shimwe, kaantu yomoHardap,” Kauluma a popi.
Elelakano lye okugandja oshitopolwa shoka miitopolwa iishona mbyoka tayi vulu okulongithwa muunafaalama uushona naamboka wopokati.
Okwa hala oshitopolwa shoka shi topolwe muungundu 44 naashoka otashi ka gandja uuwanawa kaantu ya thika po 2000.
“Inandi hala okulandithapo oshitopolwa shoka nenge ndi shi hiilithe. Onda hala okushigandja po kaantu mboka ye li mompumbwe. Osha li omagano kungame okuza kuKalunga onkene onda hala okutopola omagano gandje ngoka,” Kauluma a popi momasiku 14 gaMei.
Okwa popi kutya oshitopolwa shoka ote ke shi gandja komuntu kehe pwaahena ondjolola yuukwamuhoko. Okwa tsikile kutya otaka tala unene kaantu ya za moshitopolwa shaHardap mboka ye li mompumbwe molwaashoka kape na ngoka te ya sile oshisho. Okwa popi kutya oshihwepo aantu mboka ya ninge oshikunino shawo nokukala taya longo oondya dhawo yeye.
“Ookansela moshitopolwa shaHardap oye na oompito odhindji ihe itaya tala koompumbwe dhoshigwana. Ookansela yamwe oye na ooplota dhi li 10 no 15, oofalama nomagumbo. Omolwashike itaya gandja po iinima yimwe kaathigona? Kape na kansela ngoka ta tala koshigwana. Otaya iyambapaleke owala. Aantu moshitopolwa shaHardap kaye na iilonga, yo itaya tulululwa. Kamu na omayambidhidho gaanangeshefa aashona naamboka yopokati nenge oopoloyeka dheyambulepo lyaakiintu naanyasha. Ookansela otaya gandja owala omauwanawa goopoloyeka ndhoka kookume kawo noofamili dhawo. Omolwashike aantu mboka itaya tulululwa opo ya vule okuhuma komeho?”
Okwa popi kutya okwa kala ta dhilaadhila uule wethimbo ele, na okwa tsuwa omukumo ketokolo lyomukokoli presidende sho a gandja koshigwana oskola oshowo okaklinika mofaalama ye.
Okwa hiya mboka ye na ohokwe moshitopolwa shevi shoka, opo yiishangithwe momatungo gonomola 062 mepandanda lyo Bahnhof Street moRehoboth nenge ya ninge ekwatathano naye koonomola dhongodhi 081 467 6195 nenge 081 473 1569.
“Kehe gumwe ota vulu okwiishangitha ihe nakale omukalimo gwomoshitopolwa shaHardap. Mboka taya ishangitha naya kale ye na iimuna ihe inandi hala owala okugandja po oshitopolwa shoka shevi shi longithwe muulithilo onda hala aantu ya ninge iikunino yawo nokulonga oondya dhawo.”
Okwa tsu omuthindo kutya itaka pitika oondingosho tadhi tulwa moshitopolwa shoka, na okwa pula yakwawo mboka ya mono iitopolwa yomavi iinene ya landule moompadhi dhe nokugandja koshigwana unene kwaamboka ye li mompumbwe yomavi.
“Inamu kala mwiihole owala. Gandjeni iitopolwa yomavi koshigwana shokomongula shaNamibia,” Kauluma a popi.
Catherine Sasman
Kauluma ngoka e li omonakadhona gwOmukwaniilwa gwaNdonga, Immanuel Kauluma Elifas, okwa li a landa ofaalama yedhina Farm Lahnstein yonomola 193 na okwa tembukile mofaalama ye ndjoka omvula ya piti.
Okwa popi kutya nonando ongaaka ofaalama ndjoka onene noonkondo kuye pamwe noyana yaali mboka haya kala koCanada.
“Inandi hala okukala ongame awike mofaalama onda hala okugandja po oshitopolwa shimwe, kaantu yomoHardap,” Kauluma a popi.
Elelakano lye okugandja oshitopolwa shoka miitopolwa iishona mbyoka tayi vulu okulongithwa muunafaalama uushona naamboka wopokati.
Okwa hala oshitopolwa shoka shi topolwe muungundu 44 naashoka otashi ka gandja uuwanawa kaantu ya thika po 2000.
“Inandi hala okulandithapo oshitopolwa shoka nenge ndi shi hiilithe. Onda hala okushigandja po kaantu mboka ye li mompumbwe. Osha li omagano kungame okuza kuKalunga onkene onda hala okutopola omagano gandje ngoka,” Kauluma a popi momasiku 14 gaMei.
Okwa popi kutya oshitopolwa shoka ote ke shi gandja komuntu kehe pwaahena ondjolola yuukwamuhoko. Okwa tsikile kutya otaka tala unene kaantu ya za moshitopolwa shaHardap mboka ye li mompumbwe molwaashoka kape na ngoka te ya sile oshisho. Okwa popi kutya oshihwepo aantu mboka ya ninge oshikunino shawo nokukala taya longo oondya dhawo yeye.
“Ookansela moshitopolwa shaHardap oye na oompito odhindji ihe itaya tala koompumbwe dhoshigwana. Ookansela yamwe oye na ooplota dhi li 10 no 15, oofalama nomagumbo. Omolwashike itaya gandja po iinima yimwe kaathigona? Kape na kansela ngoka ta tala koshigwana. Otaya iyambapaleke owala. Aantu moshitopolwa shaHardap kaye na iilonga, yo itaya tulululwa. Kamu na omayambidhidho gaanangeshefa aashona naamboka yopokati nenge oopoloyeka dheyambulepo lyaakiintu naanyasha. Ookansela otaya gandja owala omauwanawa goopoloyeka ndhoka kookume kawo noofamili dhawo. Omolwashike aantu mboka itaya tulululwa opo ya vule okuhuma komeho?”
Okwa popi kutya okwa kala ta dhilaadhila uule wethimbo ele, na okwa tsuwa omukumo ketokolo lyomukokoli presidende sho a gandja koshigwana oskola oshowo okaklinika mofaalama ye.
Okwa hiya mboka ye na ohokwe moshitopolwa shevi shoka, opo yiishangithwe momatungo gonomola 062 mepandanda lyo Bahnhof Street moRehoboth nenge ya ninge ekwatathano naye koonomola dhongodhi 081 467 6195 nenge 081 473 1569.
“Kehe gumwe ota vulu okwiishangitha ihe nakale omukalimo gwomoshitopolwa shaHardap. Mboka taya ishangitha naya kale ye na iimuna ihe inandi hala owala okugandja po oshitopolwa shoka shevi shi longithwe muulithilo onda hala aantu ya ninge iikunino yawo nokulonga oondya dhawo.”
Okwa tsu omuthindo kutya itaka pitika oondingosho tadhi tulwa moshitopolwa shoka, na okwa pula yakwawo mboka ya mono iitopolwa yomavi iinene ya landule moompadhi dhe nokugandja koshigwana unene kwaamboka ye li mompumbwe yomavi.
“Inamu kala mwiihole owala. Gandjeni iitopolwa yomavi koshigwana shokomongula shaNamibia,” Kauluma a popi.
Catherine Sasman
Comments
Namibian Sun
No comments have been left on this article