Omikunda dhili 134 kadhi na omeya moKavango West
KENYA KAMBOWE
RUNDU
Aakwashigwana oyendji yomoshitopolwa shaKavango West kaye na omeya, naakalimo momikunda dha thika pe 134 ohaya ende iinano yookilometa 31 opo ya vule okumona omeya.
Shika osha hololwa kuNgoloneya gwoshitopolwa shoka, Sirkka Ausiku pethimbo lyoshipopiwa she shopashitopolwa shoka a ningi kuyele omwedhi nguka.
Ausiku okwa popi kutya oopresenda owala 77 dhaakalimo ye na omeya gokunwa ga yela omanga oopresenda dhoka dha hupako ohaya ende iinano iile okukakonga omeya.
Oshitopolwa shoka oshi na omikunda dhili 405 moka 134 kadhi na omeya. Ausiku okwa popi kutya oshikandjohogololo shaMpungu osho unene sha taalela uupyakadhi unene, omukunda dhili 58 kadhi na omeya.
Omvula ya piti Ewi lyaNooli olya yi molweendo moshikandjohogololo shaMpungu na osha mono nkene aakwashigwana taya mono iihuna.
Pomboola tayi adhika momukunda Katope Komugoro oshinano shookilometa 10 muuninginino waMpungu aantu oya popi kutya omboola ndjoka otayi gandja owala omeya kaantu mboka yeli moshinano shookilometa 7 okuza pomboola ndjoka.
Pethimbo lyomuloka ohaya longitha omeya gomvula ihe ngele omeya oga pwine ohaya longitha gomomboola.
Mboka kaye na iiyenditho ohaya futu oshimaliwa shooN$200 kwaamboka ye na uutemba woondoongi opo ye ya tekele omeya. Ohaku futwa wooN$70 kwaamboka ye na iimuna oshowo N$50 kwaamboka kaye na iimuna.
Ngoloneya okwa popi kutya nonando oombola odhindji otadhi fulwa, ope na natango ompumbwe onene.
Okwa pula uuministeli oshowo NamWater ya kandulepo uupyakadhi womeya moshitopowa.
RUNDU
Aakwashigwana oyendji yomoshitopolwa shaKavango West kaye na omeya, naakalimo momikunda dha thika pe 134 ohaya ende iinano yookilometa 31 opo ya vule okumona omeya.
Shika osha hololwa kuNgoloneya gwoshitopolwa shoka, Sirkka Ausiku pethimbo lyoshipopiwa she shopashitopolwa shoka a ningi kuyele omwedhi nguka.
Ausiku okwa popi kutya oopresenda owala 77 dhaakalimo ye na omeya gokunwa ga yela omanga oopresenda dhoka dha hupako ohaya ende iinano iile okukakonga omeya.
Oshitopolwa shoka oshi na omikunda dhili 405 moka 134 kadhi na omeya. Ausiku okwa popi kutya oshikandjohogololo shaMpungu osho unene sha taalela uupyakadhi unene, omukunda dhili 58 kadhi na omeya.
Omvula ya piti Ewi lyaNooli olya yi molweendo moshikandjohogololo shaMpungu na osha mono nkene aakwashigwana taya mono iihuna.
Pomboola tayi adhika momukunda Katope Komugoro oshinano shookilometa 10 muuninginino waMpungu aantu oya popi kutya omboola ndjoka otayi gandja owala omeya kaantu mboka yeli moshinano shookilometa 7 okuza pomboola ndjoka.
Pethimbo lyomuloka ohaya longitha omeya gomvula ihe ngele omeya oga pwine ohaya longitha gomomboola.
Mboka kaye na iiyenditho ohaya futu oshimaliwa shooN$200 kwaamboka ye na uutemba woondoongi opo ye ya tekele omeya. Ohaku futwa wooN$70 kwaamboka ye na iimuna oshowo N$50 kwaamboka kaye na iimuna.
Ngoloneya okwa popi kutya nonando oombola odhindji otadhi fulwa, ope na natango ompumbwe onene.
Okwa pula uuministeli oshowo NamWater ya kandulepo uupyakadhi womeya moshitopowa.
Comments
Namibian Sun
No comments have been left on this article