Ombudsman ta popile ondjokana yaantu yuukashikekookantu woludhi lumwe
Aakiintu yaali mboka ya hokana moSouth Afrika oomvula omulongo dha piti, oya tula mo oshipotha moNamibia moka ya hala ondjokana yawo yi talikeko paveta.
Oshipotha mOmpangu yoPombanda moka aahokanathani yaali aakiintu taya pula ondjokana yawo yi talikeko moNamibia itashi patanekwa kombelelwa yombudsman, ndjoka ya popi kutya ondjokana dhaantu yuukwatya wumwe nayi pewe uuthemba ngaashi owala oondjokana oonkwawo.
“Onga omuhwahwameki guuthemba womuntu otandi pataneke ngiini ondjokana yi talikeko moshilongo. Aluhe onda gamene uuthemba womashenge,” John Walters gwombudsman a popi.
Ombelelwa yOmbudsman oyi li momusholondondo gwaayamukuli yahetatu mboka ya tulwa mo meindilo ndyoka lya ningwa kuJulia Susan Jacobs oshowo Anita Grobler, ngoka a valelwa mOtjiwarongo na okwa hokana Jacobs moSouth Africa oomvula omulongo dha piti. Mboka yaali oya kala pamwe uule woomvula 25.
Aayamukuli yalwe moshipotha shoka, uuministeli wiikwameni nomatembu, hahende ndjai gwepangelo, mboka ya popi kutya otaya kapataneka eindilo ndyoka nomatompelo kutya ondjokana moNamibia oya pitikwa owala pokati komukiintu nomulumentu ihe ha pokati kaakiintu yaali nenge aalumentu yaali.
Moshipotha sha faaathana shoka sha li sha tulwa mo kuMatsobane Daniel Digashu oshowo Johann Hendrik Potgieter momvula yo 2017 moka taya pula ondjokana yawo yi talikeko kepangelo, Ombudsman oye a Ii a ningwa omuyakuli na ina pataneka eindilo ndyoka.
Aanamibia oyendji otaya pula ekutho po lyompango ndjoka itayi pitika iihulo pokati kaantu yaali yuukwashike kookantu wa faathana, taya pula opo ku simanekwe uuthemba waantu mboka.
Omunyekadhi gwaNamibia, Monica Geingos okwa li a pula woo ekuthepo lyoompango dhoka oonkulu tadhi indika iihulo pokati kaalumentu.
Natango oonkundathana dha li dha kwatelwa komeho kombudsman kuyele nuumvo odha pula egamenenepo lyuuthemba waakwashigwana ayehe nokupula iikumungu mbyoka yi talike meendelelelo.
Yvonne Dausab, omunashipundi gwoLaw Reform and Development Commission (LRDC), okwa li a popi kutya ekotampango lyaNamibia oli na ompumbwe yelaka lya gwana okugamena uuthemba womashenge, ta popi kutya ekotampango kali na oontopolwa dhegameno lyuuthemba waantu mboka.
Omunashipundi gwoNational Council, Margaret Mensah-Williams okwa popi naye kutya nonando itashi ulike nawa, ethimbo olya thikana opo ku kundathanwe iikumungu yomashenge molwaashoka ogeli oshitopolwa shoshigwana.
Meindilo lyawo lyompangu ndyoka ya ningwa, Jacobs okwa popi kutya oya thiminika okuya kompangu omvula ya piti konima sho ya taalele omashongo gontumba moonkambadhala dhawo okutembukile moNamibia.
Okwa popi kutya osha yela kutya oonkambadhala dhawo opo a mone omikanda dhuukwashigwana moshilongo otadhi tindwa molwaashoka oondjokana dhomashenge inashi talikako kepangelo lyaNamibia.
Jacobs pamwe naakalelipo ye yopaveta otaya popi kutya Namibia ke na ompango ndjoka tayi tala owala oondjokana pokati kaakiintu naalumentu mboka ya hokanene miilongo yimwe onkene ondjokana yawo nayi talikeko owala ngaashi oondjokana dhilwe.
Oya popi kutya mboka yaali naya pewe uuthemba wokukala nofamili yawo kohi yekotampango lyaNamibia, taya popi kutya kashi li mondjila okuningila okatongo aahokanathani mboka molwaashoka oyuukwatwa wumwe, nokupopya kutya shoka otashi yi pondje uuthemba wawo.
Oshipotha shoka otashi ka pulakenwa mOmpangu yoPombanda kOmupanguli Harald Geier momasiku ga4 gaSeptemba 2019.
Jacobs pamwe nomukulukadhi gwe, oya kalelwa po kuStephen Vlieghe gwoKoep & Partners omanga hahende gwepangelo Sylvia Kahengombe a kalelapo aayamukuli moshipotha shoka.
JANA-MARI SMITH
“Onga omuhwahwameki guuthemba womuntu otandi pataneke ngiini ondjokana yi talikeko moshilongo. Aluhe onda gamene uuthemba womashenge,” John Walters gwombudsman a popi.
Ombelelwa yOmbudsman oyi li momusholondondo gwaayamukuli yahetatu mboka ya tulwa mo meindilo ndyoka lya ningwa kuJulia Susan Jacobs oshowo Anita Grobler, ngoka a valelwa mOtjiwarongo na okwa hokana Jacobs moSouth Africa oomvula omulongo dha piti. Mboka yaali oya kala pamwe uule woomvula 25.
Aayamukuli yalwe moshipotha shoka, uuministeli wiikwameni nomatembu, hahende ndjai gwepangelo, mboka ya popi kutya otaya kapataneka eindilo ndyoka nomatompelo kutya ondjokana moNamibia oya pitikwa owala pokati komukiintu nomulumentu ihe ha pokati kaakiintu yaali nenge aalumentu yaali.
Moshipotha sha faaathana shoka sha li sha tulwa mo kuMatsobane Daniel Digashu oshowo Johann Hendrik Potgieter momvula yo 2017 moka taya pula ondjokana yawo yi talikeko kepangelo, Ombudsman oye a Ii a ningwa omuyakuli na ina pataneka eindilo ndyoka.
Aanamibia oyendji otaya pula ekutho po lyompango ndjoka itayi pitika iihulo pokati kaantu yaali yuukwashike kookantu wa faathana, taya pula opo ku simanekwe uuthemba waantu mboka.
Omunyekadhi gwaNamibia, Monica Geingos okwa li a pula woo ekuthepo lyoompango dhoka oonkulu tadhi indika iihulo pokati kaalumentu.
Natango oonkundathana dha li dha kwatelwa komeho kombudsman kuyele nuumvo odha pula egamenenepo lyuuthemba waakwashigwana ayehe nokupula iikumungu mbyoka yi talike meendelelelo.
Yvonne Dausab, omunashipundi gwoLaw Reform and Development Commission (LRDC), okwa li a popi kutya ekotampango lyaNamibia oli na ompumbwe yelaka lya gwana okugamena uuthemba womashenge, ta popi kutya ekotampango kali na oontopolwa dhegameno lyuuthemba waantu mboka.
Omunashipundi gwoNational Council, Margaret Mensah-Williams okwa popi naye kutya nonando itashi ulike nawa, ethimbo olya thikana opo ku kundathanwe iikumungu yomashenge molwaashoka ogeli oshitopolwa shoshigwana.
Meindilo lyawo lyompangu ndyoka ya ningwa, Jacobs okwa popi kutya oya thiminika okuya kompangu omvula ya piti konima sho ya taalele omashongo gontumba moonkambadhala dhawo okutembukile moNamibia.
Okwa popi kutya osha yela kutya oonkambadhala dhawo opo a mone omikanda dhuukwashigwana moshilongo otadhi tindwa molwaashoka oondjokana dhomashenge inashi talikako kepangelo lyaNamibia.
Jacobs pamwe naakalelipo ye yopaveta otaya popi kutya Namibia ke na ompango ndjoka tayi tala owala oondjokana pokati kaakiintu naalumentu mboka ya hokanene miilongo yimwe onkene ondjokana yawo nayi talikeko owala ngaashi oondjokana dhilwe.
Oya popi kutya mboka yaali naya pewe uuthemba wokukala nofamili yawo kohi yekotampango lyaNamibia, taya popi kutya kashi li mondjila okuningila okatongo aahokanathani mboka molwaashoka oyuukwatwa wumwe, nokupopya kutya shoka otashi yi pondje uuthemba wawo.
Oshipotha shoka otashi ka pulakenwa mOmpangu yoPombanda kOmupanguli Harald Geier momasiku ga4 gaSeptemba 2019.
Jacobs pamwe nomukulukadhi gwe, oya kalelwa po kuStephen Vlieghe gwoKoep & Partners omanga hahende gwepangelo Sylvia Kahengombe a kalelapo aayamukuli moshipotha shoka.
JANA-MARI SMITH
Comments
Namibian Sun
No comments have been left on this article