Omadhilongo gopangeshefa oga simana noonkondo-Iindji
Omunashipundi gwoshitayi shehangano lyaanangeshefa moshilongo monooli yoshilongo, ano Namibia Chamber of Commerce and Industry (NCCI), Tomas Iindji, okwa popi kutya aaanyasha otaya ka vula okuyambidhidha kekoko lyeliko lyoshilongo, ngele oya tameke okwiitula moongeshefa omanga aashona.
Iindji okwa popi ngaaka mOnathinge, pethimbo lyegandjo lyomapapa koshikandjolongo shoka, ndyoka lya ningwa ehuliloshiwike lya piti.
Iindji okwa popi kombinga yesimano lyoshilongwa shuunangeshefa mooskola na nkene kutya otashi yambidhidha kekoko lyeliko.
Okwa popi kutya aanyasha oya pumbwa omayambidhidho opo ya kunwe ombuto yuunangeshefa omanga aashona.
Okwa tsikile kutya ngele aanyasha oya pewa omukumo ngoka omanga aashona, nena otaya koko ye na edhiladhilo lyokutota oongeshefa, opo ya vule okukuta miilonga AaNamibia yakwawo yo ya vule okukondjitha oluhepo nokwaaneha iilonga.
“Oongeshefa otadhi totopo iilonga, otadhi yambulapo onkalamwenyo yaakwashigwana.
Otadhi etitha oompito dhomayambulepo muutekinika oshowo ethigathano ewanawa pangeshefa.
Elalakano lyomayambulepo paliko okukaleka onkalo yetu AaNamibia yi li nawa, ndjoka tayi etitha tu kale nomwenyo ethimbo oshowo okugandja oompito kuyakwetu nokukaleka po oshigwana shetu,” Iindji a popi.
Okwa popi kutya omalundululo okuza momikalo moka iinima ya kala tayi ningwa monakuziwa nenge pamuthigululwakalo, inaga talikako onga omukundu, ihe naga talike ko onga omayambulepo.
KENYA KAMBOWE
Iindji okwa popi ngaaka mOnathinge, pethimbo lyegandjo lyomapapa koshikandjolongo shoka, ndyoka lya ningwa ehuliloshiwike lya piti.
Iindji okwa popi kombinga yesimano lyoshilongwa shuunangeshefa mooskola na nkene kutya otashi yambidhidha kekoko lyeliko.
Okwa popi kutya aanyasha oya pumbwa omayambidhidho opo ya kunwe ombuto yuunangeshefa omanga aashona.
Okwa tsikile kutya ngele aanyasha oya pewa omukumo ngoka omanga aashona, nena otaya koko ye na edhiladhilo lyokutota oongeshefa, opo ya vule okukuta miilonga AaNamibia yakwawo yo ya vule okukondjitha oluhepo nokwaaneha iilonga.
“Oongeshefa otadhi totopo iilonga, otadhi yambulapo onkalamwenyo yaakwashigwana.
Otadhi etitha oompito dhomayambulepo muutekinika oshowo ethigathano ewanawa pangeshefa.
Elalakano lyomayambulepo paliko okukaleka onkalo yetu AaNamibia yi li nawa, ndjoka tayi etitha tu kale nomwenyo ethimbo oshowo okugandja oompito kuyakwetu nokukaleka po oshigwana shetu,” Iindji a popi.
Okwa popi kutya omalundululo okuza momikalo moka iinima ya kala tayi ningwa monakuziwa nenge pamuthigululwakalo, inaga talikako onga omukundu, ihe naga talike ko onga omayambulepo.
KENYA KAMBOWE
Comments
Namibian Sun
No comments have been left on this article