Ocorona ya kalekitha iituthi iinene
Elelo lyOndoolopa yaShakati, olya tokola okukaleka omauliko giipindi goTotem Expo and Exhibition, ngoka ga li taga pangelwa okuningwa pokati komasiku 29 Mei sigo ga6 Juni.
ILENI NANDJATO
OSHAKATI
Natango elelo lyomukunda gwaKongo olya tokola okukaleka omauliko gOmaludi ngoka gali taga pangelwa okukalako momasiku 27 sigo 30 gaMei.
Omatseyitho ngoka oga ningwa sha landula omatseyitho gopapangelo ngoka ga ningwa komutse goshilongo moonkambadhala okuyanda etaandelo lyomukithi gwocorona, moka aantu inaya pitikwa okungundumana pehala limwe. Elelo lyondoolopa yaNdangwa nalyo lya tseyitha ekaleko lyomauliko giipindi mondoolopa moka, ngoka ga li ge na okukalako momasiku 27 sigo omasiku gaali gaMei.
Omauliko goTotem
Omunambelewa omupopiliko gwelelo lyondolopa yaShakati, Katarina Kamari okwa popi kutya oya tokola okuundulila komeho omauliko ngoka. Nelalakano lyokugandja ompito kaantu yiidhimbulule komazimo gawo oshituthi shoka ohashi gandja woo ompito kaanangeshefa ya vule okulanditha iilandithomwa yawo.
“Inatu hala okukaleka iipindi mbyoka thilu thilu ihe otu na einekelo kutya otatu ka mona ethimbo tali wapaleke momukokomo gwomvula, twiikwatelela konkalo yocorona. Ngele otwa mono kutya itatu vulu okumona esiku tali wapalele nena otatu ga kaleke.” Kamari okwa gwedha po kutya oya kaleke woo uulalelo wowina wa nuninwa okugongela oshimaliwa shomauliko ngoka, mboka wa li wu na okukalako momasiku 25 gaApilili.
Omaludi
Oshituthi oshititatu shOmauliko gOmaludi, moka aanafaalama ya za monooli yoshilongo haya ulike iimuna yawo, nokugandja olupandu kaanafaalama mboka ye na iimuna ya paluka, nasho osha kalekwa. Omunambelewa Omukuluntu gwelelo lyomukunda gwaKongo, Wodibo Haulofu okwa popi kutya oshi li omupya omunene sho taya kaleke oshituthi shoka nuumvo, sho sha li tashi mono eyambidhidho enene okuza koshigwana. Iituthi yilwe mbyoka ya kalekwa manga ongaashi Olufuko Annual Cultural Festival, Ongwediva Annual Trade Fair, Eenhana Expo, Oshikuku Trade Fair oshowo Ehao Expo.
OSHAKATI
Natango elelo lyomukunda gwaKongo olya tokola okukaleka omauliko gOmaludi ngoka gali taga pangelwa okukalako momasiku 27 sigo 30 gaMei.
Omatseyitho ngoka oga ningwa sha landula omatseyitho gopapangelo ngoka ga ningwa komutse goshilongo moonkambadhala okuyanda etaandelo lyomukithi gwocorona, moka aantu inaya pitikwa okungundumana pehala limwe. Elelo lyondoolopa yaNdangwa nalyo lya tseyitha ekaleko lyomauliko giipindi mondoolopa moka, ngoka ga li ge na okukalako momasiku 27 sigo omasiku gaali gaMei.
Omauliko goTotem
Omunambelewa omupopiliko gwelelo lyondolopa yaShakati, Katarina Kamari okwa popi kutya oya tokola okuundulila komeho omauliko ngoka. Nelalakano lyokugandja ompito kaantu yiidhimbulule komazimo gawo oshituthi shoka ohashi gandja woo ompito kaanangeshefa ya vule okulanditha iilandithomwa yawo.
“Inatu hala okukaleka iipindi mbyoka thilu thilu ihe otu na einekelo kutya otatu ka mona ethimbo tali wapaleke momukokomo gwomvula, twiikwatelela konkalo yocorona. Ngele otwa mono kutya itatu vulu okumona esiku tali wapalele nena otatu ga kaleke.” Kamari okwa gwedha po kutya oya kaleke woo uulalelo wowina wa nuninwa okugongela oshimaliwa shomauliko ngoka, mboka wa li wu na okukalako momasiku 25 gaApilili.
Omaludi
Oshituthi oshititatu shOmauliko gOmaludi, moka aanafaalama ya za monooli yoshilongo haya ulike iimuna yawo, nokugandja olupandu kaanafaalama mboka ye na iimuna ya paluka, nasho osha kalekwa. Omunambelewa Omukuluntu gwelelo lyomukunda gwaKongo, Wodibo Haulofu okwa popi kutya oshi li omupya omunene sho taya kaleke oshituthi shoka nuumvo, sho sha li tashi mono eyambidhidho enene okuza koshigwana. Iituthi yilwe mbyoka ya kalekwa manga ongaashi Olufuko Annual Cultural Festival, Ongwediva Annual Trade Fair, Eenhana Expo, Oshikuku Trade Fair oshowo Ehao Expo.
Comments
Namibian Sun
No comments have been left on this article