Nora Schimming-Chase a hulitha
Omuleli Hage Geingob okuli gumwe gwotango maaleli okugandja omahekeleko ge kofamili ya nakusa.
“Noluhodhi olunene odha uvu onkundana yeso lyakuume kofamili na okuli omupiya gwoshigwana shaNamibia, Komrade Nora Schimming-Chase. Komrade Nora oshowo Komrade Libertine Amathila oya wayimine ekondjelomanguluko pondje yoshilongo onga aakondjelimanguluko aakiintu pamwe naKomrade Putuse Appolus moDar es Salaam moomvula dho1960. Otandi halele ofamili ye oonkondo,” Geingob a shanga etumwalaka ndyoka, kepandja lye lyoTwitter.
Omunadiplomata Tuliameni Kalomoh okwa popi kutya Schimming-Chase okuli omukondjelimanguluko ngoka a tula einekelo lye muNamibia.
Schimming-Chase okuli omukalelipo gwotango gwaNamibia koGermany.
Kalomoh okwa popi kutya pethimbo oshigwana shi li moluhodhi omolwa eso lye, osha pumbwa woo okutyapula shoka a pondola.
Okwa tsikile kutya nakusa okwa li kuume ke oshowo omugandjimayele kuye nokaanandiplomate yalwe.
Omonakadhona gwanakusa, Afra Schimming-Chase, ota dhimbuluka yina onga omukiintu ngoka a kondjele uuwanawa yaantu ayehe, nokukwashilipaleka kutya aantu otaye ke musila oshisho pomasiku ge gahugunina, sho a li ta ehama noonkondo.
Omunapolotika ngoka okwa tameke olweendo lwe lyopolotika, onga oshilyo shoSouth West Africa National Union (SWANU), gumwe gwomaatoti po yongundu yoCongress of Democrats mo 1999, na okuli omutoti po gwoshilimbo shongundu ndjoka 'A New Beginning'.
Gumwe gwomaatoti po naye ongundu yoCoD, Ben Ulenga okwa holola oluhodhi lwe omolwa ehulitho lyaSchimming-Chase, ta hokolola kutya okwa li ependefule mekondjelo lyuuthemba womuntu.
Uuministeli womakwatathano gopaigwana, owa gandja omahekeleko kofamili yanakusa. Amushanga Selma Ashipala-Musavyi okwa popi kutya nakusa okwa longo nuudhiginini miinakugwanithwa ye ayihe mbyoka a li iinekelelwa koshilongo na okwa li woo omugandjimayele omuwanawa kaaniilonga pamwe naye, unene mboka aashona.
JEMIMA BEUKES
“Noluhodhi olunene odha uvu onkundana yeso lyakuume kofamili na okuli omupiya gwoshigwana shaNamibia, Komrade Nora Schimming-Chase. Komrade Nora oshowo Komrade Libertine Amathila oya wayimine ekondjelomanguluko pondje yoshilongo onga aakondjelimanguluko aakiintu pamwe naKomrade Putuse Appolus moDar es Salaam moomvula dho1960. Otandi halele ofamili ye oonkondo,” Geingob a shanga etumwalaka ndyoka, kepandja lye lyoTwitter.
Omunadiplomata Tuliameni Kalomoh okwa popi kutya Schimming-Chase okuli omukondjelimanguluko ngoka a tula einekelo lye muNamibia.
Schimming-Chase okuli omukalelipo gwotango gwaNamibia koGermany.
Kalomoh okwa popi kutya pethimbo oshigwana shi li moluhodhi omolwa eso lye, osha pumbwa woo okutyapula shoka a pondola.
Okwa tsikile kutya nakusa okwa li kuume ke oshowo omugandjimayele kuye nokaanandiplomate yalwe.
Omonakadhona gwanakusa, Afra Schimming-Chase, ota dhimbuluka yina onga omukiintu ngoka a kondjele uuwanawa yaantu ayehe, nokukwashilipaleka kutya aantu otaye ke musila oshisho pomasiku ge gahugunina, sho a li ta ehama noonkondo.
Omunapolotika ngoka okwa tameke olweendo lwe lyopolotika, onga oshilyo shoSouth West Africa National Union (SWANU), gumwe gwomaatoti po yongundu yoCongress of Democrats mo 1999, na okuli omutoti po gwoshilimbo shongundu ndjoka 'A New Beginning'.
Gumwe gwomaatoti po naye ongundu yoCoD, Ben Ulenga okwa holola oluhodhi lwe omolwa ehulitho lyaSchimming-Chase, ta hokolola kutya okwa li ependefule mekondjelo lyuuthemba womuntu.
Uuministeli womakwatathano gopaigwana, owa gandja omahekeleko kofamili yanakusa. Amushanga Selma Ashipala-Musavyi okwa popi kutya nakusa okwa longo nuudhiginini miinakugwanithwa ye ayihe mbyoka a li iinekelelwa koshilongo na okwa li woo omugandjimayele omuwanawa kaaniilonga pamwe naye, unene mboka aashona.
JEMIMA BEUKES
Comments
Namibian Sun
No comments have been left on this article