Ndeitunga a kunkilile omatanga ge
Ndeitunga okwa tsu woo omukumo aakwashigwana ya lopote iimbuluma
Kakukutu kOpolisi, Sebastian Ndeitunga okwa kunkilile iilyo yetanga lyopolisi mEtitano kutya nayi longe nuudhiginini nokugandja ekwatho kAaNamibia.
Ndeitunga ndhika okwe dhipopi n, pethimbo lyoshituthi sheyelo lyaanambelewa yopolisi o52 mboka ya pewa iinakugwanithwa iipe, na okwa popi woo kutya oonakuyelwa inaya kala owala ya kuutumba yamwena ihe naya gwanithe po iilonga yawo ngaashi ye yi nuninwa.
“Kamu shi aahona noombelewa moka tamu longele kadhi shi dheni ihe odhoshigwana shoka osho hashi futu oondjambi dheni. Kakeni mu na ombili noshigwana nokushi kwatha mpoka tashi pumbwa omakwatho.'
Mboka ya yelwa ongaashi Komanda nale gwOshitopolwa shaShikoto, Komufala Anne Marie Nainda ngoka a pewa ombandi yuuMayola-Ndjai. Nainda ngashiingeyi okuli omupeha omukonaakoni-ndjai gwoshikondo shiilonga mOpolisi. Mayola-Ndjai Nainda okwa wayimine Etanga lyOpolisi mo-1992 omanga owala e na oomvula 18. Okwa tamekela iilonga ye moKatututa nalwanima okwa tuminwa kosasiyona yaVenduka.
Okwa longela woo oInterpol sigo osho a ningwa komanda gwoshitopolwa shaShikoto mo-2007. Nainda oye omukiintu gwotango ta yelwa nokuningwa omupeha gwaNdeitunga.
Konima sho a yi moshipundi shevululuko lyaMayola-Ndjai, James Tjivikua, ngoka a li chief of operations, ngashiingeyi Mayola-Ndjai Desiderius Shilunga oye ta kutha po ehala lye.
Ngoka a li nale omunambelewa omukwatakanithi nomukonaakoni gwiimbuluma Omupeha Komufala, Ottilie Kashuupulwa gwOshitopolwa shErongo, okwa lundululilwa mOshitopolwa shaShana onga omukomeho omupe gwiilonga metanga ndyoka moshitopolwa shaShana, omanga ngoka ta longo pehala lyakomanda gwoshitopolwa sha//Karas Region, Omupeha Komufala Julia Sakuwa, oye ngashiingeyi omukomeho gwiilonga moshitopolwa shaZambezi. Omayelo ngoka noompito ndhoka oompe odha yi miilonga mesiku lyotango lyaApilili.
Ndeitunga okwa dhenge omuthindo kombinga yuuthikepamwe moompito dhiilonga metanga lyopolisi, pethimbo a popitha iilyo.
“Taleni ongula yonena pokapale kondhelela inandi mona po nando oshipala shomutiligane. Andola ohatu kala nondhelela yetu ombwaanawa ngele otu na omalwaala ga yooloka.Otandi indile aavali aatiligane opo ya tse omukumo aanona yawo ya wayimine etanga lyopolisi. Oshikunino ohashi kala owala oshiwanawa ngele shi na oongala dhomaludhi ga yooloka. Inandi hala okukala we tandi mono okapale kondhelela ke na owala olwaala lumwe.” Okwa gunu woo iilyo opo yi longe nuudhiginini ta popi kutya otaku ka talika omeho mboka itaya longo neitulemo.
“Otandi ka shuna ponkatu yopevi noombandi ndatu uuna nda mono kutya mboka opo owala mwa yelwa itamu gwanitha po iilonga yeni. Aanambelelewa mboka taya longo uulingiling na itaya gwanitha po iilonga yawo oye li esithahoni enene kungame noketanga lyopolisi alihe. Nonando otu na aanambelewa aashona mopolisi yetu, oshihwepo okukala tu na aanambelewa mboka itaye tu sitha ohoni oshowo aanambelewa mboka haya pitika omapeko ga kane.”
Okwa pula aakwashigwana opo ya kale taya lopota iimbuluma ta ti, aashiinda oyo haya kala yeshi egumbo ndyoka hali landitha iingangamithi popepi nayo nenge kutya omushiinda shawo oha dhenge omukulukadhi gwe. Okwa indile aantu opo ya lopote iimbuluma mbyoka kopolisi meendelelo.
Okwa holola woo omaiyuvo ge kombinga yeyiyako mondjeedhililo lyookwatwa mOshakati, omasiku ga piti, ta popi kutya otaka katuka yemwene oonkatu molwaashoka ka pwa li etonatelo okuza kaanambelewa yopevi.
Sho a popi kombinga yonkalo yeliko, Ndeitunga okwa popi kutya oshidhigu okukandula po omukundu gwompumbwe yomagumbo oshowo aanambelewa pethimbo ndika. Okwa popi kutya omolwa omukundu gwiiyemo, osha etitha woo ya kaleke manga etungo lyoombonge dhoshikondo oompe oshowo oombelewa dhopaitopolwa.
Ndeitunga okwa popi kutya oya shunitha pevi elongitho lyiimaliwa yomahooli okuza poomiliyona 110 okuya po-20, na okwa popi kutya oya pumbwa okulundulula melongitho lyawo lyiimaliwa nongele hasho iihauto otashi vulika yi ka kale itayi longithwa, ta pula woo ekwato nelongitho nawa lyiiyenditho.
Tanja Bause
Ndeitunga ndhika okwe dhipopi n, pethimbo lyoshituthi sheyelo lyaanambelewa yopolisi o52 mboka ya pewa iinakugwanithwa iipe, na okwa popi woo kutya oonakuyelwa inaya kala owala ya kuutumba yamwena ihe naya gwanithe po iilonga yawo ngaashi ye yi nuninwa.
“Kamu shi aahona noombelewa moka tamu longele kadhi shi dheni ihe odhoshigwana shoka osho hashi futu oondjambi dheni. Kakeni mu na ombili noshigwana nokushi kwatha mpoka tashi pumbwa omakwatho.'
Mboka ya yelwa ongaashi Komanda nale gwOshitopolwa shaShikoto, Komufala Anne Marie Nainda ngoka a pewa ombandi yuuMayola-Ndjai. Nainda ngashiingeyi okuli omupeha omukonaakoni-ndjai gwoshikondo shiilonga mOpolisi. Mayola-Ndjai Nainda okwa wayimine Etanga lyOpolisi mo-1992 omanga owala e na oomvula 18. Okwa tamekela iilonga ye moKatututa nalwanima okwa tuminwa kosasiyona yaVenduka.
Okwa longela woo oInterpol sigo osho a ningwa komanda gwoshitopolwa shaShikoto mo-2007. Nainda oye omukiintu gwotango ta yelwa nokuningwa omupeha gwaNdeitunga.
Konima sho a yi moshipundi shevululuko lyaMayola-Ndjai, James Tjivikua, ngoka a li chief of operations, ngashiingeyi Mayola-Ndjai Desiderius Shilunga oye ta kutha po ehala lye.
Ngoka a li nale omunambelewa omukwatakanithi nomukonaakoni gwiimbuluma Omupeha Komufala, Ottilie Kashuupulwa gwOshitopolwa shErongo, okwa lundululilwa mOshitopolwa shaShana onga omukomeho omupe gwiilonga metanga ndyoka moshitopolwa shaShana, omanga ngoka ta longo pehala lyakomanda gwoshitopolwa sha//Karas Region, Omupeha Komufala Julia Sakuwa, oye ngashiingeyi omukomeho gwiilonga moshitopolwa shaZambezi. Omayelo ngoka noompito ndhoka oompe odha yi miilonga mesiku lyotango lyaApilili.
Ndeitunga okwa dhenge omuthindo kombinga yuuthikepamwe moompito dhiilonga metanga lyopolisi, pethimbo a popitha iilyo.
“Taleni ongula yonena pokapale kondhelela inandi mona po nando oshipala shomutiligane. Andola ohatu kala nondhelela yetu ombwaanawa ngele otu na omalwaala ga yooloka.Otandi indile aavali aatiligane opo ya tse omukumo aanona yawo ya wayimine etanga lyopolisi. Oshikunino ohashi kala owala oshiwanawa ngele shi na oongala dhomaludhi ga yooloka. Inandi hala okukala we tandi mono okapale kondhelela ke na owala olwaala lumwe.” Okwa gunu woo iilyo opo yi longe nuudhiginini ta popi kutya otaku ka talika omeho mboka itaya longo neitulemo.
“Otandi ka shuna ponkatu yopevi noombandi ndatu uuna nda mono kutya mboka opo owala mwa yelwa itamu gwanitha po iilonga yeni. Aanambelelewa mboka taya longo uulingiling na itaya gwanitha po iilonga yawo oye li esithahoni enene kungame noketanga lyopolisi alihe. Nonando otu na aanambelewa aashona mopolisi yetu, oshihwepo okukala tu na aanambelewa mboka itaye tu sitha ohoni oshowo aanambelewa mboka haya pitika omapeko ga kane.”
Okwa pula aakwashigwana opo ya kale taya lopota iimbuluma ta ti, aashiinda oyo haya kala yeshi egumbo ndyoka hali landitha iingangamithi popepi nayo nenge kutya omushiinda shawo oha dhenge omukulukadhi gwe. Okwa indile aantu opo ya lopote iimbuluma mbyoka kopolisi meendelelo.
Okwa holola woo omaiyuvo ge kombinga yeyiyako mondjeedhililo lyookwatwa mOshakati, omasiku ga piti, ta popi kutya otaka katuka yemwene oonkatu molwaashoka ka pwa li etonatelo okuza kaanambelewa yopevi.
Sho a popi kombinga yonkalo yeliko, Ndeitunga okwa popi kutya oshidhigu okukandula po omukundu gwompumbwe yomagumbo oshowo aanambelewa pethimbo ndika. Okwa popi kutya omolwa omukundu gwiiyemo, osha etitha woo ya kaleke manga etungo lyoombonge dhoshikondo oompe oshowo oombelewa dhopaitopolwa.
Ndeitunga okwa popi kutya oya shunitha pevi elongitho lyiimaliwa yomahooli okuza poomiliyona 110 okuya po-20, na okwa popi kutya oya pumbwa okulundulula melongitho lyawo lyiimaliwa nongele hasho iihauto otashi vulika yi ka kale itayi longithwa, ta pula woo ekwato nelongitho nawa lyiiyenditho.
Tanja Bause
Comments
Namibian Sun
No comments have been left on this article