Mbumba nomukulukadhi yakwatwa koCorona
Omupevi presidende pamwe nomukulukadhi gwe, okwa lopotwa ya kwatwa kombuto yoCorona, na oya li ya kala poshitudhidhimbuluko shevalo lyomupresidende momasiku gatatu gaAguste ihe ina ya inekela ngele oko ya kwatelwa kombuto hoka.
JEMIMA BEUKES
OVENDUKA
Nangolo Mbumba pamwe nomukulukadhi gwe Susitjie oya kwatwa koCovid-19, naamboka oya li ya kala petyapulo lyevalo lyOmupresidende Hage Geingob ndyoka lya ningilwa kegumbo lye lyopaumwene momasiku gatatu gaAguste.
Omupevi presidende ngoka a gwanita oomvula 79 momasiku 15 gaAguste, okwa koleke koshifokundaneki shoNamibian Sun kutya okwa monika ombuto ihe okwa endelele okutinda kutya okwa kwatelwa kombuto ndjoka kopaati yevalo lyaGeingob.
Okwa popi kutya okwa ende piituthi oyindji miiwike ya piti mwakwatelwa nefummbiko, onkene ita vulu okutya okwa kwatelwa peni kombuto ndjoka.
Oshifo shoNamibian Sun oshi na uuyelele kutya aantu ya thika po 31 oya kala popaati yevalo lyomupresidende mwakwatelwa nakusa Jeff Mbako ngoka a li nale omugandjimayele gwaGeingob kiikumungu yaakwashigwana. Mbako okwa hulitha mOvenduka oshiwike sha piti.
Aanambelewa oya holola kutya Mbako ngoka a li omugandjimayele gwaGeingob pokati komvula yo 2015 no 2018 okwa hulitha komadhidhiliko gwombuto yoCorona, ngoka ga tameke konima yomasiku sho a kala popaati ndjoka.
Ominista yuundjolowele Kalumbi Shangula oya popi kutya Mbumba ayehe nomukadhi oyeli nawa.
Kwiikwatelelwa koonzo dhopopepi nEgumbo lyEpangelo, Mbumba okuli omuntu omutitatu ta kwatwa kombuto ndjoka sha landula oshituthivalo shoka sha ningilwa kegumbo lyopaumwene lyaGeingob tali ithanwa Casa Rosalia.
Amushanga gwoKabinete George Simataa ngoka a li a monika ombuto ndjoka inaya ko kopaati yaGeingob .
Okwa koleke kutya inaya ko kopaati ndjoka molwashoka ina hiwa.
Okwa koleke woo kutya okwa tipo nawa okuza kombuto ndjoka, sho iizemo ye yahugunina ya holola kutya ke na ombuto.
Omuprima Saara Kuugongelwa-Amadhila oshowo ominista yomakwatathano gopaigwana, Netumbo Nandi-Ndaitwah oya yi mokwiikalela konima sho ya yi mekwatathano nomuntu e na ombuto.
Omugandjimayele mEgumbo lyEpangelo, Inge Zaamwani-Kamwi naye okwa monika ombuto ndjoka omasiku gapiti, nomukanda okuza kEgumbo lyEpangelo ogwa holola kutya inaya kopaati yevalo lyomupresidende.
Amushanga gwiikundaneki mOmbelewa yOmupresidende, Alfredo Hengari, ina yamukula komapulo ngoka a ningilwa omanga onkundana ndjika inayi nyanyangidhwa.
[email protected]
OVENDUKA
Nangolo Mbumba pamwe nomukulukadhi gwe Susitjie oya kwatwa koCovid-19, naamboka oya li ya kala petyapulo lyevalo lyOmupresidende Hage Geingob ndyoka lya ningilwa kegumbo lye lyopaumwene momasiku gatatu gaAguste.
Omupevi presidende ngoka a gwanita oomvula 79 momasiku 15 gaAguste, okwa koleke koshifokundaneki shoNamibian Sun kutya okwa monika ombuto ihe okwa endelele okutinda kutya okwa kwatelwa kombuto ndjoka kopaati yevalo lyaGeingob.
Okwa popi kutya okwa ende piituthi oyindji miiwike ya piti mwakwatelwa nefummbiko, onkene ita vulu okutya okwa kwatelwa peni kombuto ndjoka.
Oshifo shoNamibian Sun oshi na uuyelele kutya aantu ya thika po 31 oya kala popaati yevalo lyomupresidende mwakwatelwa nakusa Jeff Mbako ngoka a li nale omugandjimayele gwaGeingob kiikumungu yaakwashigwana. Mbako okwa hulitha mOvenduka oshiwike sha piti.
Aanambelewa oya holola kutya Mbako ngoka a li omugandjimayele gwaGeingob pokati komvula yo 2015 no 2018 okwa hulitha komadhidhiliko gwombuto yoCorona, ngoka ga tameke konima yomasiku sho a kala popaati ndjoka.
Ominista yuundjolowele Kalumbi Shangula oya popi kutya Mbumba ayehe nomukadhi oyeli nawa.
Kwiikwatelelwa koonzo dhopopepi nEgumbo lyEpangelo, Mbumba okuli omuntu omutitatu ta kwatwa kombuto ndjoka sha landula oshituthivalo shoka sha ningilwa kegumbo lyopaumwene lyaGeingob tali ithanwa Casa Rosalia.
Amushanga gwoKabinete George Simataa ngoka a li a monika ombuto ndjoka inaya ko kopaati yaGeingob .
Okwa koleke kutya inaya ko kopaati ndjoka molwashoka ina hiwa.
Okwa koleke woo kutya okwa tipo nawa okuza kombuto ndjoka, sho iizemo ye yahugunina ya holola kutya ke na ombuto.
Omuprima Saara Kuugongelwa-Amadhila oshowo ominista yomakwatathano gopaigwana, Netumbo Nandi-Ndaitwah oya yi mokwiikalela konima sho ya yi mekwatathano nomuntu e na ombuto.
Omugandjimayele mEgumbo lyEpangelo, Inge Zaamwani-Kamwi naye okwa monika ombuto ndjoka omasiku gapiti, nomukanda okuza kEgumbo lyEpangelo ogwa holola kutya inaya kopaati yevalo lyomupresidende.
Amushanga gwiikundaneki mOmbelewa yOmupresidende, Alfredo Hengari, ina yamukula komapulo ngoka a ningilwa omanga onkundana ndjika inayi nyanyangidhwa.
[email protected]
Comments
Namibian Sun
No comments have been left on this article