Kwa tegelelwa natango iizemo yomakonaakono gohepatitis E momusati

Etukuko lyomukithi gwohepatitis E moshitopolwa shaMusati onkene tali limbilike konima sho oohandimwe ye Ii 15 mboka kwa lopota ya ulike omadhidhiliko gomomukithi ngoka , natango ye li metonatelo lyuunamiti, niizemo yomakonaakono ngoka ya ningilwa inayi pitithwa natango.Oshitopolwa shoka osha lopotwa eso limwe oshowo iipotha 11 yoHepatitis E Virus (HEV) ya kolekwa mokati kiipotha 52.Uuyelele mboka owa gandjwa komunambelewa omukomeho guundjolowele moshitipolwa shaMusati, Alfons Amoomo ngoka a lombwele oNamibian Sun kutya iipotha mbyoka oya lopotwa momwedhi gwa piti, noshitopolwa shiipyakidhila noonkambadhala dha nuninwa e yo moshipala lye taandelo lyomukithi ngoka.Omukiintu e li metegelelo a za momukunda Okando moshikandjohogololo shaShikuku okwa hulithile oshipangelo shaShakati, momasiku 16 gaMei onga oshizemo shomukithi ngoka.Amoomo okwa popi kutya okwa konaakonwa iipotha 52 moka iipotha 11 ya kolekwa. Mokati kiipotha mbyoka ya kolekwa itano oya zilila moTsandi, iyali omOshikuku, shimwe omOutapi oshowo iipotha itatu mbyoka ya zilila mOkahao. Okwa popi kutya aantu 26 mboka ya ningilwa omakonaakono inaya monika monika omukithi omanga iizemo yaantu 15 inayi gandjwa natango.Omunambelelwa ngoka ota kumagidha aakwashigwana ya kale aluhe nokuyoga iikaha yawo nothewa konima yokulongitha okandjugo nenge omanga inaya tameka okulongekidha oondya nenge okulundulula ominambo dhuunona. Naku longithwe omeya ga yogoka okuza koopomba nenge ku fulukithwe omeya, yo iinima mbyoka hayi pungulwa omeya tayi kala aluhe ya sikilwa.Momalukanda gaali gomOvenduka, oHavana oshowo Goreangab, namo omwa li lwa lopota etukuko lyomukithi ngoka momasiku iku13 ga Kotomba omvula ya piti. Okuya muMaalitsa gwonuumvo, okwa lopota omaso omulongo , aalumentu yane oshowo aakiintu yeli momategelelo yeli yahamano.Uuministeli wuundjolowele owali wa tseyitha kutya etata lyaamboka ya kwatwa komukithi ngoka, aakwashigwana yoomvula dhi li pokati ko 20 no 39. MoHavana omwa lopotwa iipotha 524 omanga moGoreangab mwa lopotwa iipotha 242.Omadhidhiliko gomukithi ngoka, oshivu, ekanitho lyehalo lyokulya, onkungo omanga aantu yamwe haya kwatwa kuuwehame womatsakaneneno gomasipa, oshowo taya nyu koshipa.Mekandeko lyomukithi ngoka, ehangano lyuundjolowele mUuyuni otali pula egandjo lyomeya ga yogoka koshigwana, oshowo eyandjakaneko lyuundjugo.ILENI NANDJATO

Kwa tegelelwa natango iizemo yomakonaakono gohepatitis E momusati

Comments

Namibian Sun 2025-05-01

Please login to leave a comment

Kwa tegelelwa natango iizemo yomakonaakono gohepatitis E momusati

Comments

Namibian Sun 2025-05-01

Please login to leave a comment

Login