Itula okwa lunduluka, nakukuthwa miilonga Smith-Howard a popi

OMUTOOLINKUNDANA GWOMENI OVENDUKAKansela gwoIndependent Patriots for Change (IPC) mondoolopa yaSwakop, Ciske Smith-Howard okwa popi kutya omuleli gwongundu yawo, Dr Panduleni Itula, okwa ninga omukayamukulwa.Sho a popi koprograma yo The Evening Review sha landula ekutho miilonga lye onga kansela, Smith-Howard okwa popi kutya Itula ngoka a li omuhogololwa iithikamena methigathano yuupresidende nomupresindede Hage Geingob momvula yo 2019, ota lele ongundu kwiikwatelelwa komilandu dhe mwene.Smith-Howard okwa popi kutya okwa yi moontamanana kongundu yoWhatsApp, niilyo iikwawo moIPC sha landula sho a li a tula momutumba gweutho oshilyo shelelo lyongundu mokomitiye yelelo yaHenties Bay, Siefried Junios //Garoeb molwa okwa li a pewa egeelo kelelo lyondoolopa ndjoka a li ha longele omolwa uulingilingi.Okwa popi kutya kashi li mondjila ongundu yi tule melelo omuntu ngoka a li a tidhwa miilonga omolwa uulingilingi.Namibian Sun oya mono uuyelele kutya shimwe shoka sha etitha ekutho miilonga lyaSmith-Howard olya etithwa sho kutya iha zi moshikandjohogololo shoka.Ope na woo okwaa hauvathana shoSmith-Howard’ a li a gandja omikanda dhomusamane gwe opo a ninge oshilyo shelelo lyehangano lyoErongo Red.Nonando ongaaka okwa popile omusamane gwe kutya okwa gwanithapo iipumbiwa ayihe tayi pumbiwa.Okwa popi kutya sha landula oontamanana dhoka, okwa li uulwa kutya oku na okatongo, naItula okwe mu kutha miilonga. Okwa popi kutya oya tsakanene mOvenduka naItula okwe mu kutha iilonga ina pulakena kehokololo lye.“Onda uvithwa nayi kuItula. Keli ngaashi ndali ndi shi. Ke na uukwatya nowino yuuleli na onda uvithwa nayi kelelo.”IPC okwa kala miikundaneki uule womathimbo ngaka ta kutha miilonga ookansela, okwa li kwa kuthwa miilonga Desiree Davids, ngoka a li omukalelipo gwongundu ndjoka melelo lyaVenduka oshowo ookansela yamwe melelo ndyoka mboka ya li ya kuthwamo ihe oya shunwamo inaku gandjwa omatompelo moshigwana.Movenduka ongundu oya nuka omusholondondo gwawo gwomahogololo noku ulika Jürgen Hecht onga kansela ngoka a pingenepo, Fillemon Hambuda, ngoka a kuthwa melelo, sha etitha eikutho miilonga lyaRozelda Somses, ngoka a li a landula ko momusholondondo.Ayehe Itula nomupopiliko gwongundu, Imms Nashinge oya tindi kutya IPC okwa kutha miilonga Smith-Howard, nonando okwa gandjwa omukanda gwekutho miilonga.Ngele IPC ota galula Smith-Howard onga kansela, paveta yomahogololo shoka oshi na okuningwa muule womasiku 90.

Itula okwa lunduluka, nakukuthwa miilonga Smith-Howard a popi

Comments

Namibian Sun 2025-04-04

Please login to leave a comment

Itula okwa lunduluka, nakukuthwa miilonga Smith-Howard a popi

Comments

Namibian Sun 2025-04-04

Please login to leave a comment

Login