Hage a popile omukalo gwe mekondjitho lyuulingilingi
Presidende Hage Geingob okwa popi kutya itaka sitha ohoni oominista dhe dhoka tadhi fekelelwa uulingilingi paku dhi tidha miilonga, sho kwa holoka omapulo kutya epangelo lye otali gandja ompito yokwiikutha miilonga pehala lyokutidha.
OMUTOOLINKUNDANA GWOMENI
OVENDUKA
Pethimbo lyoshipopiwa she shopapangelo tashi ithanwa State of the Nation Address mOmutumba gwoPashigwana oshiwike shapiti, Geingob okwa popi kutya oha kala aluhe e na omukanda gwetidho miilonga gwa shangwa nale gwa pwa uuna ominista ndjoka ya tindi okwiikutha miilonga.
Mekalo lye mombelelwa uule woomvula hamano, Geingob okwa kanitha oominista ne dhoka tadhi tamanekelwa uulingilingi.
Oominista dhoka, oSacky Shanghala (uuyuuki), Bernard Esau (oohi noonzo dhomomeya), Katrina Hanse-Himarwa (elongo) oshowo Peter Vilho (egameno), mboka ayehe oyiikutha miilonga pokati komvula yo2019 no 2021.
Hanse-Himarwa okwa monika ondjo moshipotha shuulingilingi, megandjo lyomagumbo gepangelo moMalinda, omanga Shanghala naEsau ye li mondjeedhililo ya tegelela epangulo lyawo miipotha yi na sha nefuto lyoombumbo mepingakanitho lyookota dhokukwata oohi.
Omayalulo gombaanga yaVilho moHong Kong ngoka ga etwa polweela oshowo ekutho lyiimaliwa mehangano lyoshikondo shegameno lyedhina August 26 osho sheetitha iikuthe miilonga.
Oominista dhoka dha tidhwa miilonga kuGeingob o Jerry Ekandjo naPendukeni Iivula-Ithana sho yali ya yi medhigathano lyuupresidede wongundu pethimbo lyomutumba gwaahogololi yongundu yoSwapo momvula yo 2017.
Geingob okwa popile elwitho lye lyuulingilingi sho a yamukula komapulo a ningilwa.
“Aantu oyeli mondjeedhililo, oominista,” okwa popi kutya mboka oShanghala naEsau .
Okwa popi kutya aantu otaya pula opo a tidhe miilonga pehala lyokugandja ompito yokwiikutha miilonga, ta popi kutya ashihe ezo miilonga.
Geingob okwe ya komutumba noombaapila dhoka a li a shangele oominista ta pula omayelithilo ngaashi minista nale Alpheus !Naruseb na okwa a li a pula okakomisi koAnti-Corruption Commission ka ninge omakonaakono.
Omupresidende okwa tsu omuthindo kutya uulingilingi owuli omukalo gwokukanithitha omauwanawa goshigwana koohandimwe.
OVENDUKA
Pethimbo lyoshipopiwa she shopapangelo tashi ithanwa State of the Nation Address mOmutumba gwoPashigwana oshiwike shapiti, Geingob okwa popi kutya oha kala aluhe e na omukanda gwetidho miilonga gwa shangwa nale gwa pwa uuna ominista ndjoka ya tindi okwiikutha miilonga.
Mekalo lye mombelelwa uule woomvula hamano, Geingob okwa kanitha oominista ne dhoka tadhi tamanekelwa uulingilingi.
Oominista dhoka, oSacky Shanghala (uuyuuki), Bernard Esau (oohi noonzo dhomomeya), Katrina Hanse-Himarwa (elongo) oshowo Peter Vilho (egameno), mboka ayehe oyiikutha miilonga pokati komvula yo2019 no 2021.
Hanse-Himarwa okwa monika ondjo moshipotha shuulingilingi, megandjo lyomagumbo gepangelo moMalinda, omanga Shanghala naEsau ye li mondjeedhililo ya tegelela epangulo lyawo miipotha yi na sha nefuto lyoombumbo mepingakanitho lyookota dhokukwata oohi.
Omayalulo gombaanga yaVilho moHong Kong ngoka ga etwa polweela oshowo ekutho lyiimaliwa mehangano lyoshikondo shegameno lyedhina August 26 osho sheetitha iikuthe miilonga.
Oominista dhoka dha tidhwa miilonga kuGeingob o Jerry Ekandjo naPendukeni Iivula-Ithana sho yali ya yi medhigathano lyuupresidede wongundu pethimbo lyomutumba gwaahogololi yongundu yoSwapo momvula yo 2017.
Geingob okwa popile elwitho lye lyuulingilingi sho a yamukula komapulo a ningilwa.
“Aantu oyeli mondjeedhililo, oominista,” okwa popi kutya mboka oShanghala naEsau .
Okwa popi kutya aantu otaya pula opo a tidhe miilonga pehala lyokugandja ompito yokwiikutha miilonga, ta popi kutya ashihe ezo miilonga.
Geingob okwe ya komutumba noombaapila dhoka a li a shangele oominista ta pula omayelithilo ngaashi minista nale Alpheus !Naruseb na okwa a li a pula okakomisi koAnti-Corruption Commission ka ninge omakonaakono.
Omupresidende okwa tsu omuthindo kutya uulingilingi owuli omukalo gwokukanithitha omauwanawa goshigwana koohandimwe.
Comments
Namibian Sun
No comments have been left on this article