GIPF a zi mokalungu

Omunambelewa omukuluntu gwoGovernment Institutions Pension Fund (GIPF), David Nuyoma, okwa popi kutya oshiputudhilo osha gandja eyambidhidho lyiihwapo pethimbo lyomakonaakono taga ningwa omolwa omikuli dhoka dha kana dha gandjwa okupitila moDevelopment Capital Portfolio (DCP) loan scheme. Oomiliyona odhindji inadhi futwa natango. Nuyoma okwa popi ngaaka ta yamukula ketseyitho inali tegelelwa ndyoka lya ningwa kOmupanguli-ndjai, Martha Imalwa ngoka a tseyitha kuyele kutya itaka vula okupangula omuntu moshipotha shoka sha konaakonwa uule woomvula 10, omolwa ekano lyoondokumende oshowo ompumbwe yuumbangi.Aafelekwa owala yaali taya ka pangulwa moshipotha shoka, nepangulo lyotango okwa tegelelwa li ningwe muKotomba.Nonando ongaaka Nuyoma okwa popi kutya ke na ontseyo kutya iipotha yi ni po tayi ka landulwa.“Oshidhigu okupopya kombinga yomapopyo gomupanguli ndjai. Onda ningi oomvula odhindji inandi mu mona. Oshidhigu okutseya shoka ta popi. GIPF okwa gandja kehe shoka a li e wete kutya otashi kwathele,” Nuyoma apopi.Okwa popi kutya oshiputudhilo shawo osha gandja omapeko ga thika po 200 ge na sha nomikuli dhoka dha gandjwa okupitila moDCP.“Otwa hala oshikumungu shika shi manithwe na otwa pyakudhuka natango okugandja uuyelele kepeko kehe,” Nuyoma a popi.Okwa popi kutya etseyitho lyomupanguli ndjai inali guma momukalo gontumba omapungulo gawo.Okwa tsikile kuGIPF okwiilongo oshilongwa okuza mekano lyomikuli dhoka, nokuza mpoka okwa kondopeke epangelo lye lyomapungulo.Kape na omukomeho, oshilyo shelelo lyoshiputudhilo nenge moDCP sha pangulilwa ekano lyiimaliwa mbyoka nonando GIPF okwa patulula oshipotha nopolisi. Oskema yomikuli dhoDCP Omikuli ndhoka odha gandjwa pokati komvula yo 1995 no 2005 sho GIPF a gandja oomiliyona 661.2 komahangano ge li 21.Nuyoma okwa popi kutya omahangano gamwe oga yi muupyakadhi woshimaliwa omolwa omalelo ga nkundipala nenge omalunduluko omawinayi moongeshefa ndhoka ga li geli. Monena omikuli dhoka odha kana kakele owala komikuli dhili ndatu dhoka dha li dha pewa omahangano ngaashi Etosha Fisheries, FNB Holdings Namibia oshowo Bank Windhoek. Omahangano gatatu oga ndopa okufuta ko nando okashona komikuli ndhoka gali ga pewa. Omahangano ngoka oga tumbulwa kutya Tsogang Investments (Pty) Ltd, ndyoka lya li lya pewa oomiliyona 5, opo li ka ninge okatomeno moWitvlei. Omina Investments (Pty) Ltd, ndyoka lya pewa oomiliyona 12 million, Coen Wium, ngoka a li a tseyika nale kutya okwali omupopepi nanakusa Aaron Mushimba, oye a li ta dhana onkandangala mokatomeno komoWitvlei oshowo Omina. Ehangano etitatu olyo Sepiolite Production (Pty) Ltd ndyoka lya pewa oomiliyona 10 million. Oshitenya shomupresidende nale Sam Nujoma, David Iimbili, okwa li e na ombinga mehangano ndika.Omahangano gamwe po ngoka ga li ga mono iimaliwa ongaashi Namibia Grape Company (NGC) oshowo Karas Abattoir noTannery, lya tseyika Ostrich Production Namibia.NGC okwa pewa oomiliyona 164.6 na okwa futu ko owala oomiliyona 56. Karas abattoir okwa pewa oomiliyona 179 na okwa futuko owala oomiliyona 18.5.Ongopolo Mining and Processing oya futako oomiliyona 50.4 dhomoomiliyona 70 dhoka yali ya pewa.Namibia Pig Farm (Pty) Ltd okwa pewa oomiliyona 26.4 na okwa futuko owala oomiliyona 9.8. Omaheke Tannery & Leather Processing oya galula owala oomiliyona mbali dhomoomiliyona 23 dhoka ya pewa.Namibia Housing Enterprise (NHE) oya pewa oomiliyona 15.8 na oya shunitha oshimaliwa shaantu ashihe.Windhoek Country Club & Resort yaMushimba shunitha oomiliyona 142.9 dhomoomiiyona 120, ehangano emwayina lyoSwakopmund Station Hotel, olya futa oomiliyona 40 dhoka lya li lya pewa.Multiline Investments (Pty) Ltd, ndyoka lya pewa oomiliyona 20 olya futa oomiliyona 23.3 mwa kwatelwa iishoshela. Tutunge Investments (Pty) Ltd, ndyoka lya pewa oomiliyona 4.6 olya futa oomiliyona 5.6. Preferred Management Services, oya futa oomiliyona 7 ndhoka ya li ya pewa. CATHERINE SASMAN

GIPF a zi mokalungu

Comments

Namibian Sun 2025-03-31

Please login to leave a comment

GIPF a zi mokalungu

Comments

Namibian Sun 2025-03-31

Please login to leave a comment

Login