Eyandjakaneko lyomeya olya ninga oshilalakanenwa shotango shepangelo

Pedro Maritz, ngoka e li oshilyo shokomitiye tayi ithanwa technical committee (TCE) ndjoka tayi longo kohi yoCabinet Committee of Water Supply Security (CCWSS), ndjoka ya totwapo kOmupresidende Hage Geingob momvula yo 2016, okwa yelitha oshiwike sha piti kutya okabinete oka tula miilonga omagwedhelepo gokomitiye yopautekinika yoCCWSS, ngoka ga nuninwa omulandu gokwaandjakaneka omeya.Maritz okwa li ta popi pomutumba gwiikundathanwa yomeya ngoka gwa ningwa ongulohi yEtiyali lyoshiwike sha piti, gwa longekidhwa koScientific Society of Namibia okutala kombinga yonkalo yeyandjakaneko lyomeya monena oshowo monakuyiwa.Okwa popi kutya muule woomvula ndatu dha piti, ongundu ndjoka tayi kwatelwa komeho komulandu gwawo oye shi pondola okudhidhilika mo omidhingoloko dhoka dha taalela ompumbwe yomeya moNamibia.Okwa popi kutya shoka ya mono po nomagwedhelepo agehe ngoka ya mono, oye ga gandja kokabinete na oga ningi oshitopowa shongundu ndjoka tayi ka unga unga noshitopolwa oshitiyali shoka tashi ka kwatela komeho omadhilongo goopoloyeka dhoonzo dhomeya moshilongo ashihe.Maritz okwa popi kutya oshilalakanenwa shotango okukandula po omukundu gwomeya moshilandopangelo oshowo omahala gopokati koshilongo.Iinyangadhala oyindji kohi yoshitopolwa shotango oya manithwa nale na oya yambulapo ompito yoshilandopangelo shi vule okuyambulapo oomboola dhawo dhomeya nokuvula okumona omeya ga thika poocubic meta dha thika poomiliyona 12.Shimwe shoka sha pondolwa po natango miinyangadhalwa yoshitopolwa shotango okutameka momvula yo 2016, omwa kwatelwa eyambulepo lyoskema yomeya momudhingoloko gwaKarst moGrootfontein sigo Von Bach Dam, ndjoka tayi ka mbalipaleka ondjele yomeya okuza monzo ndjoka.MuApilili nuumvo, okabinete okwa tula miilonga oprograma yopaulumomhumbwe ndjoka tayi pula oshimaliwa shoobiliyona 3.094 muule woomvula ntano.Maritz okwa yelitha kutya onga oshitopolwa shoshitopolwa oshitiyali omakonaakono noompangela dhomonakuyiwa osha pumbiwa okushuna konima nokukwashilipaleka kutya okwa ningwa omakonaakono gomondjila ngoka taga gamenenepo omeya.Mokati kiitsa 47 mbyoka ya konwaakonwa kongundu yaatseyinawa na oya nuninwa okuyambulapo onkalo yeyandjakaneko lyomeya muule wethimbo efupi oshowo ethimbo ele momudhingoloko gwopokati kaNamibia, iitsa owala iyali ya monika mo kutya oyo tayi vulu okutulwa miilonga nokuninga oshitopolwa shoopoloyeka dhoka dhuule woomvula ntano.Shotango okuyambulapo omulandu gwomeya momandiki gokuwapalekela omeya ndyoka lyaGammams, Ujams oshowo Otjomuise oshowo okutunga endiki etiyali lyokuwapalekela omeya moshilandopangelo.Oshitiyali okupatulula omulandu gwokutopola omeya gayela momudhingoloko gwaKarst Four pokati ka Abenab oshowo Tsumeb monooli.Oopoloyeka dhilwe tadhi tulwa miilonga muule woomvula ntano, osha kalwatela mo eyambulepo lyendiki lyokuwapalekela nokupungula omeya mOshakati oshowo eyambulepo lyoopoloyeka dhomeya moshitopolwa shaHangwena. Natango ongundu ndjoka otayi ka tala kendiki lyokuwapalekela omeya moRundu oshowo elundululo lyominino mbali omunene dhomeya komunkulofuta, omunino ngoka gwa za moKuiseb okuya moSwakopmund oshowo omunino ngoka gwa za mo Omdel okuza momunino gwaSwakopmund.Iimaliwa mbyoka tayi ka longithwa mopoloyeka ndhoka otayi ka zilila muuministeli wuunamapya, omeya nomakuti oshowo CCWSS mekwathelo lyaatseyinawa yopautekinika mbyoka taya ka kutha ko oshinakugwanithwa ashihe shoopoloyeka ndhoka.Oshimaliwa shoobiliyona 3 otashi ka longithwa woo mokumanitha oopoloyeka yoTCE.Maritz okwa yelitha kutya iilonga yoshitopolwa shotango otayi ka pewa eyambidhidho lyiimaliwa okuza kepangelo, noshimaliwa shoka otaku tengenekwa tashi kala poomiliyona 300.JANA-MARI SMITH

Eyandjakaneko lyomeya olya ninga oshilalakanenwa shotango shepangelo

Comments

Namibian Sun 2025-04-04

Please login to leave a comment

Eyandjakaneko lyomeya olya ninga oshilalakanenwa shotango shepangelo

Comments

Namibian Sun 2025-04-04

Please login to leave a comment

Login