Etopoko moNCCI
Ekwatathano kali li nawa pokati kelelo lyehangano lyaanangeshefa moshilongo lyoNamibia Chamber of Commerce and Industry oshowo ongundu yaanangeshefa monooli, otali yi moshipala onakuyiwa yuukumwe mehangano ndyoka.
Onkalo yomananathano netopoko oya etitha etithwa sho ngashiingeyi sho elelo lyoNCCI itali taambako oshitayi shoNCCI shoka tashi longele monooli.
Omupresidende gwoNCCI, Sven Thieme omathimbo ngaka okwa popi kutya oshitayi shehangano ndyoka monooli kohi yomunashipundi, Tomas Koneka Iindji kashi li paveta. “Iitayi yaNCCI ohayi longele moondoolopa ihe hamiitopolwa. NCCI ehangano lya hangana ndyoka tali kalelepo uuwanawa waanangeshefa AaNamibia,” Thieme a popi.
Oshifokudaneki shoNamibian Sun oshuuvu kutya ongundu yaanangeshefa mboka monooli oya ningi omahogololo ngoka taga utha eitongolomo moNCCI nokukala nongundu yawo yiithikamena ndjoka tayi kalelepo uuwanawa waanangeshefa moshitopolwa shoka.
Elelo lyoNCCI olya lundilwa kutya itali kalelepo uuwanawa waanangeshefa yaNamibia, naIindji okwa popi kutya otashi kumitha sho Thieme opo owala a mono ngashiingeyi kutya elelo lyoNCCI monooli kali li paveta.
“Otashi kumitha sho omupresidende gwoNCCI opo owala a mono kutya oshitayi shoNCCI monooli kashili paveta, sho oshikako she tashi thiki pehulilo. Otandi tsu omuthindo mpaka kutya oshitayi shonooli shoka kashi li paveta osho she ya tula koshipundi nomuntu ngashiingeyi oto limbililwa kutya otaya popi shike ihe otatu ka tsakanena kOmutumba gwoKomvula ngoka tagu ningwa momwedhi twa taalela nenge komeho,” Iindji a popi.
Oshitayi shoNCCI monooli osha totwa po onga okomitiye yokukaleapo aanangeshefa miitopolwa ngaashi Oshana, Ohangwena, Omusati oshowo Oshikoto sha landula etokolo ndyoka lya ningwa omvula yo 2008.
Aanangeshefa mboka ya ningi oonkundathana noshifokundaneki shika, oya popi kutya uuwanawa wawo owa kalelwa po hwepo koshitayi shoka. Oya popi kutya oshitayi shoka osha kala miilonga uule wethimbo ele.
“Oshitayi shomonooli osha tameke okulonga nale,” Gerson Okawu ngoka e li oshilyo shoshitayi shoNCCI monooli a popi.
“Katu shi shoka tashi popiwa. Oshitayi shomonooli osha kala nokutupa omayambidhidho ethimbo ele ngashiingeyi. Kandi na uupyakadhi wa sha noshitayi shika.” Omunangeshefa Banda Shilimela, naye okwa yi moohapu dha Okawu na okwa gwedha po kutya oshitayi shoka pauyelele mboka e na kashi shi oshiyetwapo shaIindji molwaashoka osha kala miilonga ethimbo ele ngashiingeyi. Okwa popi kutya oshitayi shoka ohashi yambidhidha aanangeshefa monooli, na ke wete pe na gumwe taka vula okugandja eyambidhidho ngaashi ndyoka kaanangeshefa mboka.
Omatilitho gokuthiga po olutu
Thieme okwa tsu omukumo kutya ngoka ina nyanyukilwa omatokolo ngoka taga ningwa kelelo lyehangano, otaya vulu okwiitopolamo nokukala kuyoyene na okwe ya halele ompolo.
“Ekotampango otali gandja emanguluko naangoka a hala okutota po ehangano lye okwa manguluka.” Omunambelewa Omukuluntuwiliki gwoNCCI, Charity Mwiya, tindi omapopyo getopoko ko kehangano koshitayi shomonooli.
'Kape na etopoko'
Pahapu dhe okwati, NCCI ota lundulula nkene e na okuninga omakonakono gelongitho lyiiyemo naamboka yeli ompinge nelelo lye, oye wete kutya otaku ka hololwa iilonga yawo polweela sho elelo lyoNCCI tali kambadhala okweeta puuyelele iilonga yehangano ndyoka.
“Ngele tashi ya komayalulo itatu vulu okukala nomayalulo goombaanga ga yooloka. Sho nda yi koshipundi otwa kambadhala okuninga iinima polweela.”
Okwa tsikile kuya ope na iilyo yimwe mboka inayi pandula omalunduluko ngoka taga ningwa mehangano.
NCCI ongundu ya kalela po aanangeshefa yomoshilongo na ohayi iyithana kutya ewi lyaanangeshefa yaNamibia.
OGONE TLHAGE
Omupresidende gwoNCCI, Sven Thieme omathimbo ngaka okwa popi kutya oshitayi shehangano ndyoka monooli kohi yomunashipundi, Tomas Koneka Iindji kashi li paveta. “Iitayi yaNCCI ohayi longele moondoolopa ihe hamiitopolwa. NCCI ehangano lya hangana ndyoka tali kalelepo uuwanawa waanangeshefa AaNamibia,” Thieme a popi.
Oshifokudaneki shoNamibian Sun oshuuvu kutya ongundu yaanangeshefa mboka monooli oya ningi omahogololo ngoka taga utha eitongolomo moNCCI nokukala nongundu yawo yiithikamena ndjoka tayi kalelepo uuwanawa waanangeshefa moshitopolwa shoka.
Elelo lyoNCCI olya lundilwa kutya itali kalelepo uuwanawa waanangeshefa yaNamibia, naIindji okwa popi kutya otashi kumitha sho Thieme opo owala a mono ngashiingeyi kutya elelo lyoNCCI monooli kali li paveta.
“Otashi kumitha sho omupresidende gwoNCCI opo owala a mono kutya oshitayi shoNCCI monooli kashili paveta, sho oshikako she tashi thiki pehulilo. Otandi tsu omuthindo mpaka kutya oshitayi shonooli shoka kashi li paveta osho she ya tula koshipundi nomuntu ngashiingeyi oto limbililwa kutya otaya popi shike ihe otatu ka tsakanena kOmutumba gwoKomvula ngoka tagu ningwa momwedhi twa taalela nenge komeho,” Iindji a popi.
Oshitayi shoNCCI monooli osha totwa po onga okomitiye yokukaleapo aanangeshefa miitopolwa ngaashi Oshana, Ohangwena, Omusati oshowo Oshikoto sha landula etokolo ndyoka lya ningwa omvula yo 2008.
Aanangeshefa mboka ya ningi oonkundathana noshifokundaneki shika, oya popi kutya uuwanawa wawo owa kalelwa po hwepo koshitayi shoka. Oya popi kutya oshitayi shoka osha kala miilonga uule wethimbo ele.
“Oshitayi shomonooli osha tameke okulonga nale,” Gerson Okawu ngoka e li oshilyo shoshitayi shoNCCI monooli a popi.
“Katu shi shoka tashi popiwa. Oshitayi shomonooli osha kala nokutupa omayambidhidho ethimbo ele ngashiingeyi. Kandi na uupyakadhi wa sha noshitayi shika.” Omunangeshefa Banda Shilimela, naye okwa yi moohapu dha Okawu na okwa gwedha po kutya oshitayi shoka pauyelele mboka e na kashi shi oshiyetwapo shaIindji molwaashoka osha kala miilonga ethimbo ele ngashiingeyi. Okwa popi kutya oshitayi shoka ohashi yambidhidha aanangeshefa monooli, na ke wete pe na gumwe taka vula okugandja eyambidhidho ngaashi ndyoka kaanangeshefa mboka.
Omatilitho gokuthiga po olutu
Thieme okwa tsu omukumo kutya ngoka ina nyanyukilwa omatokolo ngoka taga ningwa kelelo lyehangano, otaya vulu okwiitopolamo nokukala kuyoyene na okwe ya halele ompolo.
“Ekotampango otali gandja emanguluko naangoka a hala okutota po ehangano lye okwa manguluka.” Omunambelewa Omukuluntuwiliki gwoNCCI, Charity Mwiya, tindi omapopyo getopoko ko kehangano koshitayi shomonooli.
'Kape na etopoko'
Pahapu dhe okwati, NCCI ota lundulula nkene e na okuninga omakonakono gelongitho lyiiyemo naamboka yeli ompinge nelelo lye, oye wete kutya otaku ka hololwa iilonga yawo polweela sho elelo lyoNCCI tali kambadhala okweeta puuyelele iilonga yehangano ndyoka.
“Ngele tashi ya komayalulo itatu vulu okukala nomayalulo goombaanga ga yooloka. Sho nda yi koshipundi otwa kambadhala okuninga iinima polweela.”
Okwa tsikile kuya ope na iilyo yimwe mboka inayi pandula omalunduluko ngoka taga ningwa mehangano.
NCCI ongundu ya kalela po aanangeshefa yomoshilongo na ohayi iyithana kutya ewi lyaanangeshefa yaNamibia.
OGONE TLHAGE
Comments
Namibian Sun
No comments have been left on this article