Epangelo tali popile ompango yuukoloni
Omuhwahwameki moAffirmative Repositioning, Dimbulukeni Nauyoma ota kondjitha ekutho miilonga lyOmpango tayi ithanwa Squatters Proclamation yomomvula yo1985, ta popi kutya oyi li esithahoni.
MARC SPRINGER
OVENDUKA
Epangelo otali popile ekalo miilonga lyoveta ndjoka tali popi kutya otayi yanda eikuthilo lyevi nokugamena uumwene womaliko.
Dimbulukeni Nauyoma gwoAffirmative Repositioning okwa fala epangelo oshowo hahende-ndjai gwepangelo kompangu, omvula ya piti, ta pula ekutho miilonga lyoveta ndjoka.
Nauyoma okwa popi kutya ompango ndjoka oya nuninwa okuthindila kongudhi aathigona mboka itaya vulu okulanda evi na ohaya thiminikwa konkalo opo yiikuthile evi shaaheli paveta.
Meyamukulo lye ominista yomayambulepo giitopolwa noondoolopa, Erastus Uutoni okwa popi kutya oveta ndjoka otayi kwathele mokuyanda eikuthilo lyevi na otayi gamenenepo woo uumwene womaliko.
Uutoni okwa kunkilile kutya ope na oshiponga shomananathano pokati kooyene yomavi naamboka kaye na omavi uuna yatokola okwiikuthila evi.
Nauyoma okwa oopi kutya ompango ndjoka oyi na oshitopolwa shoka tashi indike omuluudhe a longele mondoolopa moka keena ehala lyokukala.
Okwa gwedhapo kutya ompango ndjoka inayi tala kuule wethimbo omuntu ngoka a kala pevi nenge ngele oye na aanona nenge ngele otaya vulu okupewa ehala pamwe.
Nauyoma okwa tsikile kutya ompango ndjoka oyi li e yo pondje lyuuthemba womuntu, otayi hwahwameke okwaahathika pamwe paliko nokuthindila kongudhi aathigona oshowo okwiindika einyengo lyamanganguluka kaaaluudhe.
Okwa tsikile kutya ompango ndjoka oyimwe yomoompango dhuukoloni dhoka tadhi indike aaluudhe ya mone omahala gomavi moondoolopa.
Nauyoma okwa tsikile kutya ngele otashi tambulwako ngashiingeyi kutya Namibia oku na ompumbwe yomagumbo ya thika po 300 000 nena nashi tambulweko kutya omuntu ke na evi nena ota vulu okulongitha ompito kehe ta mono opo a dhike ehala lye lyokukala kehe mpoka ta mono evi lyaahena omuntu.
Uutoni okwa popi kutya oPaliamende oyo ayike tayi vulu okuninga omalunduluko mompango ndjoka, ta popi kutya Nauyoma otiidhopeke ompangu miikumungu yaatotiveta.
Omathimbo ga piti, ompangu yopombandeelela moshilongo oyali ya utha kutya ekutho pomahala lyaaikuthili yevi pwaahena ezimino lyompango oshowo kutya aantu mboka otaya tulwa peni kashi li paveta.
OVENDUKA
Epangelo otali popile ekalo miilonga lyoveta ndjoka tali popi kutya otayi yanda eikuthilo lyevi nokugamena uumwene womaliko.
Dimbulukeni Nauyoma gwoAffirmative Repositioning okwa fala epangelo oshowo hahende-ndjai gwepangelo kompangu, omvula ya piti, ta pula ekutho miilonga lyoveta ndjoka.
Nauyoma okwa popi kutya ompango ndjoka oya nuninwa okuthindila kongudhi aathigona mboka itaya vulu okulanda evi na ohaya thiminikwa konkalo opo yiikuthile evi shaaheli paveta.
Meyamukulo lye ominista yomayambulepo giitopolwa noondoolopa, Erastus Uutoni okwa popi kutya oveta ndjoka otayi kwathele mokuyanda eikuthilo lyevi na otayi gamenenepo woo uumwene womaliko.
Uutoni okwa kunkilile kutya ope na oshiponga shomananathano pokati kooyene yomavi naamboka kaye na omavi uuna yatokola okwiikuthila evi.
Nauyoma okwa oopi kutya ompango ndjoka oyi na oshitopolwa shoka tashi indike omuluudhe a longele mondoolopa moka keena ehala lyokukala.
Okwa gwedhapo kutya ompango ndjoka inayi tala kuule wethimbo omuntu ngoka a kala pevi nenge ngele oye na aanona nenge ngele otaya vulu okupewa ehala pamwe.
Nauyoma okwa tsikile kutya ompango ndjoka oyi li e yo pondje lyuuthemba womuntu, otayi hwahwameke okwaahathika pamwe paliko nokuthindila kongudhi aathigona oshowo okwiindika einyengo lyamanganguluka kaaaluudhe.
Okwa tsikile kutya ompango ndjoka oyimwe yomoompango dhuukoloni dhoka tadhi indike aaluudhe ya mone omahala gomavi moondoolopa.
Nauyoma okwa tsikile kutya ngele otashi tambulwako ngashiingeyi kutya Namibia oku na ompumbwe yomagumbo ya thika po 300 000 nena nashi tambulweko kutya omuntu ke na evi nena ota vulu okulongitha ompito kehe ta mono opo a dhike ehala lye lyokukala kehe mpoka ta mono evi lyaahena omuntu.
Uutoni okwa popi kutya oPaliamende oyo ayike tayi vulu okuninga omalunduluko mompango ndjoka, ta popi kutya Nauyoma otiidhopeke ompangu miikumungu yaatotiveta.
Omathimbo ga piti, ompangu yopombandeelela moshilongo oyali ya utha kutya ekutho pomahala lyaaikuthili yevi pwaahena ezimino lyompango oshowo kutya aantu mboka otaya tulwa peni kashi li paveta.
Comments
Namibian Sun
No comments have been left on this article