Epangelo lyaNamibia lya palutha aakwashigwa yaAngola
Epangelo lyaNamibia olya tomo ongombe nokudhipagela iikombo aakwashigwana yaAngola mboka ya taaguluka oongamba nokuya moshitopolwa shaMusati omolwa ondjala.
TUYEIMO HAIDULA NATUNOHOLE MUNGOBA
ETUNDA
Epangelo lyaNamibia olya pula woo epangelo lyaAngola kutya otali kongo oompangela dhi li ngiini opo li vule okuhupitha aakwashigwana yawo mboka taya yi ontuku okuza moshilongo shaandjawo omolwa ondjala. Ngoloneya gwoshitopolwa shaMusati, Erginus Endjala okwa koleke ngaaka koshifokundaneki shoNamibia Sun sho a pulwa kutya omalongekidho geli ngiini guulethimbo ngoka taga ningwa okugandja ekwatho kaakwashigwana mboka yaAngola.
Okwa popi kutya omiyalu dhopambelewa otashi ulike kutya aakwashigwana yaAngola ye li po 744 oya thiki moshitopolwa shaMusati nomwaalu guli pombanda natango ogwa tegelelwa, unene konima sho onkundana ya thiki momikunda dhawo kutya yakwawo mboka ya taaguluka oongamba dhaNamibia otaya pewa iipalutha.
Konyala aakwashigwana mboka ya thika pe 100 oya falwa koshikunino shEtunda hoka taya pewa iipalutha kepangelo aluhe konima yomasiku gaali.
Iikulya mbyoka tayi pewa aakwashigwana mboka ongaashi uusila wepungu, oohi dhomoondooha oshowo oomboga.
Ongundu yaakwashigwana yaAngola mboka oye li momuti mEtunda nonando oshitopolwa shoka osha mono omuloka omwaanawa uule wiiwike ya piti. Pethimbo aatoolinkundana yoNamibia Media Holdings ya thiki pehala mpoka oya adha ongundu ndjoka ya aneka omakumbatha gawo omolwa omuloka omunene ngoka gwa loko ongulohi yEtiyali.
“Otwa tondokele metala moka hamu kwatelwa openzela. Oli na owala iipeleki pombanda onkene omeya otage ya natango okuzilila koombinga dhihe,” gumwe gwomuyo a popi.
Okuya mEtitano mboka ya li pehala mpoka aakiintu owala nuunona, aalumentu oya ya pomidhingoloko dhopopepi taya kongo oondya.
Endjala pamwe nomukalelipo gwaAngola moNamibia,
Jevelina Costa oya talelepo ongundu ndjoka nokonima yetalelepo ndyoka epangelo lyaNamibia olya tokola okuyambidhidha aakwashigwana mboka noondya omanga ya tegelela omayamukulo okuza kepangelo lyaAngola.
Ongundu ndjoka ohayi pewa omeya gokunwa kaasihenda molwaashoka kape na opomba mpoka ye li nuuna yahala okwiikwathela ohaya yi piihwa yopopepi.
Aakwashigwana oyendji yaAngola okwa lopotwa taya thiki woo moshitopolwa shaHangwena kehe esiku omolwa ondjala. Aakwashigwana yomuumbugantu waAngola oya kala ya taalela ondjala uule woomvula dha piti nepangelo lyaandjawo itali ya sile oshipwiyu.
Endjala okwa popi kutya omayamukulo okuza kepangelo lyaAngola oga pumbiwa molwaashoka aakwashigwana mboka otaya vulu okuthiminikwa konkalo opo ya longithwe iilonga itaya pewa oondjambi dhili nawa.
“Kehe shoka tatu ningi ngashiingeyi ekwatho owala lyopakathimbo omanga twa tegelele epangelo lyaandjawo li tulombwele kutya otali ka kwatha ngiini aantu yawo.”
ETUNDA
Epangelo lyaNamibia olya pula woo epangelo lyaAngola kutya otali kongo oompangela dhi li ngiini opo li vule okuhupitha aakwashigwana yawo mboka taya yi ontuku okuza moshilongo shaandjawo omolwa ondjala. Ngoloneya gwoshitopolwa shaMusati, Erginus Endjala okwa koleke ngaaka koshifokundaneki shoNamibia Sun sho a pulwa kutya omalongekidho geli ngiini guulethimbo ngoka taga ningwa okugandja ekwatho kaakwashigwana mboka yaAngola.
Okwa popi kutya omiyalu dhopambelewa otashi ulike kutya aakwashigwana yaAngola ye li po 744 oya thiki moshitopolwa shaMusati nomwaalu guli pombanda natango ogwa tegelelwa, unene konima sho onkundana ya thiki momikunda dhawo kutya yakwawo mboka ya taaguluka oongamba dhaNamibia otaya pewa iipalutha.
Konyala aakwashigwana mboka ya thika pe 100 oya falwa koshikunino shEtunda hoka taya pewa iipalutha kepangelo aluhe konima yomasiku gaali.
Iikulya mbyoka tayi pewa aakwashigwana mboka ongaashi uusila wepungu, oohi dhomoondooha oshowo oomboga.
Ongundu yaakwashigwana yaAngola mboka oye li momuti mEtunda nonando oshitopolwa shoka osha mono omuloka omwaanawa uule wiiwike ya piti. Pethimbo aatoolinkundana yoNamibia Media Holdings ya thiki pehala mpoka oya adha ongundu ndjoka ya aneka omakumbatha gawo omolwa omuloka omunene ngoka gwa loko ongulohi yEtiyali.
“Otwa tondokele metala moka hamu kwatelwa openzela. Oli na owala iipeleki pombanda onkene omeya otage ya natango okuzilila koombinga dhihe,” gumwe gwomuyo a popi.
Okuya mEtitano mboka ya li pehala mpoka aakiintu owala nuunona, aalumentu oya ya pomidhingoloko dhopopepi taya kongo oondya.
Endjala pamwe nomukalelipo gwaAngola moNamibia,
Jevelina Costa oya talelepo ongundu ndjoka nokonima yetalelepo ndyoka epangelo lyaNamibia olya tokola okuyambidhidha aakwashigwana mboka noondya omanga ya tegelela omayamukulo okuza kepangelo lyaAngola.
Ongundu ndjoka ohayi pewa omeya gokunwa kaasihenda molwaashoka kape na opomba mpoka ye li nuuna yahala okwiikwathela ohaya yi piihwa yopopepi.
Aakwashigwana oyendji yaAngola okwa lopotwa taya thiki woo moshitopolwa shaHangwena kehe esiku omolwa ondjala. Aakwashigwana yomuumbugantu waAngola oya kala ya taalela ondjala uule woomvula dha piti nepangelo lyaandjawo itali ya sile oshipwiyu.
Endjala okwa popi kutya omayamukulo okuza kepangelo lyaAngola oga pumbiwa molwaashoka aakwashigwana mboka otaya vulu okuthiminikwa konkalo opo ya longithwe iilonga itaya pewa oondjambi dhili nawa.
“Kehe shoka tatu ningi ngashiingeyi ekwatho owala lyopakathimbo omanga twa tegelele epangelo lyaandjawo li tulombwele kutya otali ka kwatha ngiini aantu yawo.”
Comments
Namibian Sun
No comments have been left on this article