Epangelo lya ningilwa omatilitho goonkatu dhopaveta koAR
Gumwe gwomaatseyinawa yekotampango lyoshilongo okwa popi kutya epangelo otali vulu ngele olya hogolola okulundulula ooveta dhonale dhohiila, opo ku vule okugamenwa oonakuhiila okuza kooyene yomahala.
Oompango ndhoka dha nuninwa okugamena oonakuhiila okuza kooyene yomahala pethimbo lyuukoloni natango otadhi longo moNamibia.
Ndhoka odha popiwa komunongo gwompango, Nico Horn sha landula sho kwa holoka olugodhi olupe pokati kehwahwameko lyoAffirmative Repositioning movement oshowo epangelo, sho ehwahwameko ndyoka lya hala ku tulwe miilonga oompango oompe ndjoka tayi kondolola nokugamena aahiili okuza koondando dhohiila dhi li pombanda noonkondo.
Horn okwa popi kutya ompango ndjoka ya tulwa miilonga pethimbo lyuukoloni yoRents Ordinance 13 of 1977 natango oyi li miilonga, nepangelo ngele olya tokola otali vulu okutalulula ompango ndjoka yali ya kwatelwa komeho koomangestrata nale noomangestrata oya li ya pewa oonkondo okwiithana komeho yompangu ooyene yomahala mboka ya li taya futitha aahiili iifuta yohiila yi li pombanda noonkondo.
“Kandi wete kutya omolwashika tatu yi ontuku yokutula miilonga elelo lyokukondolola oohila. Ohenda onene sho inashi ningwa nale oomvula ntano dha pita,” Horn a popi.
“Ompango ndjoka itayi vulu okukondjitha ekotampango lyoshilongo, molwaashoka elelo lyoohiila otali yanda ooyene yomahala ya futithe oonakuhiila oondando dhi li pombanda. Pethimbo oshilongo sha manguluka aantu owala yeli 10 000 yali haya zi moombashu ihe monena aantu 140 000 ohaya zi moombashu.”
AR okwa ningi omatilitho gokufala kompangu epangelo, molwa shoka olya ndopa okutula miilonga uutokolitho mboka wa ziminwa sha landula omutumba guule woowili 11 ngoka gwa ningilwa mEgumbo lyEpangelp mo 2015 pokati kpAR nepangelo, nomutumbwa ngoka ogwa indike aalanduli yehwahwameko ndyoka yiikuthile evi.
Uutokolitho wumwepo womuutokolitho mboka wa ningwa pethimbo lyomutumba ngoka, okutya epangelo otali ka totapo elelo lyoohila opo ku gamenwe oofamili ndhoka kadhi na omahala gadho yene na otadhi thiminikwa konkalo opo dhi hiile omahala gokuza, okuza kooyene yomahala, mboka taye ya futitha oondando dhi li pombanda noonkondo.
Minista Tjekero Tweya okwa yamukula komatilitho gopaveta ngoka ga ningwa koAR kutya epangelo olya kambadhala okukondolola ondando yohiila momalanditho.
Mu februali gwomvula ya piti, AR natango okwa ningi omatilitho gokukatuka oonkatu dhopaveta, sho epangelo lya kaleke euliko lyelelo lyekondololo lyoohiila, sigo kwa tulwa poshitaafula ontotwaveta ndjoka.
Pethimbo ndyoka, Tweya sho a li ominista yomauyelele okwa popi kombinga yekaleko lyeuliko lyelelo ndyoka, ta popi kutya ompango ndjoka yomo 1977 itayi longo. Okwa li a tseyitha kutya ontotwaveta ompe oyi li moompangela na otayi ka pingenapo ompango ndjoka, ihe sigo uuna ndoka kwa tulwa miilonga ompango ndjoka, nena elelo lyekondololo lyohiila itali vulu okuulikwa.
Horn okwa popi kutya nonando ompango ndjoka yomo1977 otayi vulu okutalululwa opo yi tulwe pamuthika gwopashinanena, natango otayi vulu okutulwa miilonga opo yi ye moshipala emonitho lyiihuna lyaahili omolwa oondando dhi li pombanda noonkondo. Okwa pula epangelo li ulike kutya oli li ponkatu yini ngele tashi ya ketulo miilonga lyontotaveta ndjoka, inayi falwa natango momutumba gwopashigwana.
Okwa popi kutya AR oku na oshitsa.
Sho a yamukula komapopyo gaTweya, okwa popi kutya minista oku li mondjila, kutya iinima oya lunduluka ihe ompango ndjoka oshinima oshipu shoka tashi vuli okuninga nokuminista.
Omunashipundi gwoNamibia Estate Agents Board (NEAB) Anne Gebhardt okwa popile oohapu dhoAR kutya okwa pumbwa meendelelo okutulwa miilonga oompango ndjoka tayi gamene oshigwana, ihe okwa kunkilile opo ompango ndjoka yi tulwe miilonga nawa.
Uupyakadhi unene mboka wu li po ngashiingeyi ompumbwe yomahala gokuhiila, nomalanditho kehe ohaga nanwa kompumbwe yoshinima oshowo ehalo lyokulanda oshinima shoka okuza moshigwana.
Okwa tsikile kutya ngele nena oshinima shoka tashi landithwa oshindji nena ondando otayi gu pevi molwaashoka aantu oye na oshindji okuhogolola.
Okwa popi kutya aantu itaya vulu oondando dhohiila molwaashoka odhili pombanda ihe aantu kaye na onkene omolwa ompumbwe yomalukalwa otaya hiila omahala ngoka.
Ompango ndjoka yomo1977 otayi utha opo elelo ndyoka li kale li na oomangestrata niilyo yagwedhwa po kayi vulithe piilyo ine. Gumwe gwomoomangetrata oye ta kala omunashipundi nokuutha ehala nethimbo elelo ndyoka tali ningi omutumba.
Ompango ndjoka otayi utha woo opo ku shangithwe omahala agehe ngoka haga hiilithwa momudhingoloko gwontumba, nondando kutya ohaga hiilithwa kuingapi.
Omunashipundi oku na woo oshinakugwanithwa shokukonaakona omanyenyeto noonkondo dhoku ithana komeho yompangu mboka taya nyenyetwa.
JEMIMA BEUKES
Ndhoka odha popiwa komunongo gwompango, Nico Horn sha landula sho kwa holoka olugodhi olupe pokati kehwahwameko lyoAffirmative Repositioning movement oshowo epangelo, sho ehwahwameko ndyoka lya hala ku tulwe miilonga oompango oompe ndjoka tayi kondolola nokugamena aahiili okuza koondando dhohiila dhi li pombanda noonkondo.
Horn okwa popi kutya ompango ndjoka ya tulwa miilonga pethimbo lyuukoloni yoRents Ordinance 13 of 1977 natango oyi li miilonga, nepangelo ngele olya tokola otali vulu okutalulula ompango ndjoka yali ya kwatelwa komeho koomangestrata nale noomangestrata oya li ya pewa oonkondo okwiithana komeho yompangu ooyene yomahala mboka ya li taya futitha aahiili iifuta yohiila yi li pombanda noonkondo.
“Kandi wete kutya omolwashika tatu yi ontuku yokutula miilonga elelo lyokukondolola oohila. Ohenda onene sho inashi ningwa nale oomvula ntano dha pita,” Horn a popi.
“Ompango ndjoka itayi vulu okukondjitha ekotampango lyoshilongo, molwaashoka elelo lyoohiila otali yanda ooyene yomahala ya futithe oonakuhiila oondando dhi li pombanda. Pethimbo oshilongo sha manguluka aantu owala yeli 10 000 yali haya zi moombashu ihe monena aantu 140 000 ohaya zi moombashu.”
AR okwa ningi omatilitho gokufala kompangu epangelo, molwa shoka olya ndopa okutula miilonga uutokolitho mboka wa ziminwa sha landula omutumba guule woowili 11 ngoka gwa ningilwa mEgumbo lyEpangelp mo 2015 pokati kpAR nepangelo, nomutumbwa ngoka ogwa indike aalanduli yehwahwameko ndyoka yiikuthile evi.
Uutokolitho wumwepo womuutokolitho mboka wa ningwa pethimbo lyomutumba ngoka, okutya epangelo otali ka totapo elelo lyoohila opo ku gamenwe oofamili ndhoka kadhi na omahala gadho yene na otadhi thiminikwa konkalo opo dhi hiile omahala gokuza, okuza kooyene yomahala, mboka taye ya futitha oondando dhi li pombanda noonkondo.
Minista Tjekero Tweya okwa yamukula komatilitho gopaveta ngoka ga ningwa koAR kutya epangelo olya kambadhala okukondolola ondando yohiila momalanditho.
Mu februali gwomvula ya piti, AR natango okwa ningi omatilitho gokukatuka oonkatu dhopaveta, sho epangelo lya kaleke euliko lyelelo lyekondololo lyoohiila, sigo kwa tulwa poshitaafula ontotwaveta ndjoka.
Pethimbo ndyoka, Tweya sho a li ominista yomauyelele okwa popi kombinga yekaleko lyeuliko lyelelo ndyoka, ta popi kutya ompango ndjoka yomo 1977 itayi longo. Okwa li a tseyitha kutya ontotwaveta ompe oyi li moompangela na otayi ka pingenapo ompango ndjoka, ihe sigo uuna ndoka kwa tulwa miilonga ompango ndjoka, nena elelo lyekondololo lyohiila itali vulu okuulikwa.
Horn okwa popi kutya nonando ompango ndjoka yomo1977 otayi vulu okutalululwa opo yi tulwe pamuthika gwopashinanena, natango otayi vulu okutulwa miilonga opo yi ye moshipala emonitho lyiihuna lyaahili omolwa oondando dhi li pombanda noonkondo. Okwa pula epangelo li ulike kutya oli li ponkatu yini ngele tashi ya ketulo miilonga lyontotaveta ndjoka, inayi falwa natango momutumba gwopashigwana.
Okwa popi kutya AR oku na oshitsa.
Sho a yamukula komapopyo gaTweya, okwa popi kutya minista oku li mondjila, kutya iinima oya lunduluka ihe ompango ndjoka oshinima oshipu shoka tashi vuli okuninga nokuminista.
Omunashipundi gwoNamibia Estate Agents Board (NEAB) Anne Gebhardt okwa popile oohapu dhoAR kutya okwa pumbwa meendelelo okutulwa miilonga oompango ndjoka tayi gamene oshigwana, ihe okwa kunkilile opo ompango ndjoka yi tulwe miilonga nawa.
Uupyakadhi unene mboka wu li po ngashiingeyi ompumbwe yomahala gokuhiila, nomalanditho kehe ohaga nanwa kompumbwe yoshinima oshowo ehalo lyokulanda oshinima shoka okuza moshigwana.
Okwa tsikile kutya ngele nena oshinima shoka tashi landithwa oshindji nena ondando otayi gu pevi molwaashoka aantu oye na oshindji okuhogolola.
Okwa popi kutya aantu itaya vulu oondando dhohiila molwaashoka odhili pombanda ihe aantu kaye na onkene omolwa ompumbwe yomalukalwa otaya hiila omahala ngoka.
Ompango ndjoka yomo1977 otayi utha opo elelo ndyoka li kale li na oomangestrata niilyo yagwedhwa po kayi vulithe piilyo ine. Gumwe gwomoomangetrata oye ta kala omunashipundi nokuutha ehala nethimbo elelo ndyoka tali ningi omutumba.
Ompango ndjoka otayi utha woo opo ku shangithwe omahala agehe ngoka haga hiilithwa momudhingoloko gwontumba, nondando kutya ohaga hiilithwa kuingapi.
Omunashipundi oku na woo oshinakugwanithwa shokukonaakona omanyenyeto noonkondo dhoku ithana komeho yompangu mboka taya nyenyetwa.
JEMIMA BEUKES
Comments
Namibian Sun
No comments have been left on this article