Embo kombinga yondjokonona yomiyonena dha longwa kuSwapo

Luhupe gwomiyonena dhiita ndhoka taku popiwa dha ningwa kongundu yoSwapo moLubango shaAngola, okwa hokolola kombinga yonkalo ndjoka iiyadha muyo omanga e li muupongekwa. Membo lye tali ithanwa ‘Swapo Captive - A Comrade’s Experience of Betrayal and Torture’, Oiva Angula okwa popi kombinga yekalo mondjeedhililo uule woomvula ne netata moka a kala ta monithwa iihuna.

Iilyo yimwe yoSwapo okwa popiwa ya longitha oodholongo ndhoka mondoolopa ndjoka yaAngola mokukutha po nokuhepeka mboka taya fekelelwa elongelo kumwe nomutondi.

Membo lye, Angula okwa hokolola nkene a lundilwa kutya oku li ondaadhi yomutondi sha etitha a tulwe mondjeedhililo ndjoka nokuhepekwa.





Oolopota odha holola kutya konyala AaNamibia ya thika po 4 000 oya tulwa moondjeedhililo ndhoka moLubango noyendji kaye wetike.

United Nations Committee Against Torture muDesemba gwo2016 oya yi mekwatathano nepangelo lyaNamibia tayi pula opo ku ningwe omakonaakono omolwa iimbuluma mbyoka ya ningwa pethimbo lyekondjelomanguluko mwa kwatelwa oshikumungu shepangulo lyaakwashigwana mboka taku popiwa kutya oya kambadhala okukutha ko oshitopolwa shaCaprivi (Zambezi) kuNamibia.

Omapulaapulo ngoka kombinga yomiyonena dhiita nuuthemba waantu, nomiyonena ndhoka dha longwa aniwa kuSwapo pethimbo lyekondjelomanguluko oga li ge na okutameka kuyele nuumvo ihe oga ndopa okutameka

Omapulaapulo ngoka otaga kwatelwa komeho ko

Committee of Parents and the Truth and Justice Committee, ndjoka ya kwatela mo ooluhupoe yomiyonea ndhoka oshowo aakwanezimo yaamboka ya kana.

Gumwe gwomoonakuhupa nokwa pula uukwatya we wuholekwe okwa popi kutya oshili otayi etitha ombili komitima dhawo na okwa hala ongndu ndjka yi popye oshii kombinga yaashoka sha holoka po.

Ombudsman John Walters pamwe nagumwe gwomoonakuninga iihakanwa yomiyonena ndhoka, Bience Gawanas, oya kala taya yambidhidha opo ku ningwe omapulaapulo ngoka pethimbo lyoonkundathana ndhoka ya ningwa nadho koshikundanekifo shoThe Patriot.

OMUTOOLINKUNDANA GWOMENI